ဘုရားသခင့်နိုင်ငံတော် ကြွေးကြော်သူများ မှတ်တမ်း

ဘရာဇီးလ်တွင် “ဖမ်းသွားချုပ်ထားလျက်ရှိသော သူတို့အား လွှတ်ခြင်းအကြောင်း” ကိုဟောပြောခြင်း

ယေဟောဝါ၏ဝိညာဉ်တော်သည် ဘရာဇီးလ်တွင်ရှိ ကိုယ်တော်၏လူများ မှောက်မှားသောဘာသာရေးတွင် ချုပ်နှောင်ခံရသော သူများထံသတင်းကောင်းကြေညာစဉ် သူတို့အပေါ် အားကြီးစွာလုပ်ဆောင်လျက်ရှိသည်။ (ဟေရှာယ ၆၁:၁၊ ၂။ လုကာ ၄:၁၈) ၁၉၄၇ ခုနှစ်တွင်၊ နိုင်ငံအတွင်း သက်သေခံ ၆၄၈ ဦးသာရှိသည်။ ၁၉၆၇ ခုနှစ်တွင်၊ အရေအတွက်သည် ၄၁,၅၄၈ အထိတက်သွားသည်။ ယေဟောဝါ၏ကောင်းချီးဖြင့်၊ ၁၉၉၁ ခုနှစ်စောစောပိုင်းတွင် အများဆုံးအရေအတွက် ၃၀၂,၀၀၀ သို့ရောက်ရှိခဲ့သည်။ အမှန်ပင်ဘုရားရှင်သည် ‘ကြီးပွား’ စေတော်မူ၏။ (၁ ကောရိန္သု ၃:၇) ၁၉၉၀ လုပ်ငန်းတော်နှစ်ထဲမှာပင် ၂၇,၀၆၈ ဦးနှစ်ခြင်းခံခဲ့လေသည်။

ထိုသို့သောတိုးတက်မှုက လစဉ်တိုက်နယ်အသစ်တစ်ခု ဖွဲ့စည်းရန်လိုအပ်ပြီး တစ်နှစ်တည်းမှာပင် နိုင်ငံတော်ခန်းမသစ် ၁၅၀ ဆက်ကပ်အပ်နှံခဲ့သည်။ ထို့ပြင်၊ ဌာနခွဲရုံးသည် သူတို့၏ပုံနှိပ်လုပ်ငန်းများတိုးချဲ့ရန် မြေဧက ၄၅၀ ဝယ်ယူခဲ့ပြီး ထိုတွင်သူတို့သည် ကိုယ်ပိုင်ပုံနှိပ်စက်များဖြင့် ကျမ်းစာများပုံနှိပ်နေသည်။ ထို့ကြောင့်၊ ဘရာဇီးလ်တွင်ရှိ သက်သေခံများသည် “ကြီးစွာသောဒုက္ခ” မတိုင်မီ စိတ်နူးညံ့သူများ “မဟာဗာဗုလုန်” မှလွတ်မြောက်ရန် ကူညီရာ၌ ကြိုးပမ်းလျက်ရှိသည်။ (ဗျာဒိတ် ၇:၉၊ ၁၀၊ ၁၄။ ၁၈:၂၊ ၄) လွတ်လပ်မှုတွေ့သူအချို့မှာ အောက်ပါအတိုင်းဖြစ်သည်။

◻ ရှစ်နှစ်အရွယ်ကြေညာသူတစ်ဦးသည် ရဲမင်းကြီး၏ဇနီးကို စာအုပ်တစ်အုပ်ဝေငှခဲ့ပြီး တစ်ဦးတည်း ပြန်လည်ပတ်မှုပြုလုပ်ခဲ့သည်။ သူ၏ရည်ရွယ်ချက်မှာ အမျိုးသမီးသည်သူ့အား ပုံပြင်တချို့ကိုဖတ်ပြစေကာ တစ်ခုစီမှ သူမ,နားလည်သည်ကို သူ့အားပြောပြရန်ဖြစ်သည်။ သူမသည်ပုံပြင်များကို သူ့အားရှင်းပြစဉ် သူမကိုယ်နှိုက် စာအုပ်ကိုလေးမြတ်လာကာ သူ့မိခင်နှင့်သူမအားမိတ်ဆက်ပေးရန် ပြောခဲ့သည်။ မိတ်ဆက်ပေးခဲ့ရာ အမျိုးသမီးသည် မှန်မှန်အိမ်တွင်းကျမ်းစာသင်အံမှု ပြုလုပ်လျက်ရှိသည်။

◻ ၁၉၈၄ ခုနှစ်တွင်၊ မာရိယာသည် အဖွဲ့အစည်းတွင်တွေ့ရသော အရေခြုံမှုကြောင့်နွမ်းလျကာ လောကတွင်ဖြစ်ပျက်နေသော ဘေးဒုက္ခများကြောင့် စိတ်ပျက်လျက်ရှိသည်။ ထို့ကြောင့် သူမသည်ထင်ရာစိုင်းသည့် ပန့်ဘဝပုံစံကို လက်ခံနေထိုင်ခဲ့သည်။ သူမက “ကျွန်မတို့ရဲ့ပန်းတိုင်ကတော့ အရာရာနဲ့လူတိုင်းကို ဆန့်ကျင်ဖို့ဖြစ်တယ်။ ကျွန်မရဲ့အသွင်အပြင်ဟာ ဘုကျကျနဲ့ အင်္ကျီအနက်တွေဝတ်ပြီး ခေါင်းကိုတစ်ခြမ်းရိတ်ထားခဲ့တယ်။ ကျွန်မဟာ ကိုယ့်ရဲ့ယောက်ျား၊ ကလေးနဲ့ အိမ်ကိုမေ့လျော့ပြီး ဖြစ်ရပ်မှန်တွေက လွတ်မြောက်ဖို့ မာရီဟွာနားနဲ့ ကိုကိန်းတွေစပြီးရှူခဲ့တယ်။ ဒါပေမယ့် အဲ့ဒါကကျွန်မကိုပိုဆိုးစေခဲ့တယ်။ ကျွန်မငိုခဲ့တယ်။ ကျွန်မကျမ်းစာကိုဖတ်တဲ့အခါ နားမလည်ဘူး။ ဒါနဲ့ဘုရားရှင်ထံအကူအညီရဖို့ ဆုတောင်းခဲ့တယ်။

“တစ်နေ့တော့၊ သက်သေခံနှစ်ယောက် ကျွန်မအိမ်ကိုလာလည်ပတ်ပြီး၊ ဆွေးနွေးခန်းတိုတိုလေးပြုလုပ်ပြီးနောက် ကျွန်မကိုမဂ္ဂဇင်းနှစ်စောင် ဝေငှခဲ့တယ်။ တစ်အုပ်ကို မြန်မြန်လှန်လှောကြည့်လိုက်တဲ့အခါ ‘ဘုရားရှင်ထံမှကင်းကွာခြင်း—အဘယ်ကြောင့်နည်း’a ဆောင်းပါးကို ကျွန်မသတိပြုမိတယ်။ ဆောင်းပါးက ကျွန်မနှလုံးသားကို ထိမိခဲ့တယ်။ ဘုရားရှင်ဟာ ကျွန်မရဲ့ဆုတောင်းချက်ကိုနားညောင်းခဲ့တယ်လို့ ကျွန်မခံစားခဲ့ရပြီး၊ အဲ့ဒီနေ့မှာပဲ သက်သေခံများဟာ ကျွန်မနဲ့စပြီး ကျမ်းစာသင်အံမှုပြုလုပ်တယ်။ အဲ့ဒီအချိန်ကစပြီး၊ ကျွန်မလူကောင်းဖြစ်လာအောင် ပြုပြင်မှုတွေပြုလုပ်ခဲ့တယ်။ ကျွန်မခင်ပွန်းနှင့် မိသားစုဟာ ပထမတော့ကျွန်မကျမ်းစာသင်အံတာကို ကန့်ကွက်ခဲ့ကြတယ်။ ဒါပေမယ့်ကျွန်မရဲ့ပြောင်းလဲလာပုံတွေကိုကြည့်ပြီး၊ ကျွန်မကိုသူတို့ စတင်အားပေးလာခဲ့ကြတယ်။ ကျွန်မအခု ဘုရားရှင်ရဲ့နှစ်ခြင်းခံပြီးတဲ့ ကျေးကျွန်တစ်ယောက်ဖြစ်နေပါပြီ။”

ဘရာဇီးလ်တွင်ရှိယေဟောဝါသက်သေများသည် ကမ္ဘာ၏အခြားအပိုင်းအားလုံးမှာကဲ့သို့၊ “ဖမ်းချုပ်ထားလျက်ရှိသော သူတို့အား လွှတ်ခြင်းအကြောင်း” ကိုဟောပြောရာတွင် တက်ကြွလျက်ရှိသည်။ ဒုနှင့်ဒေးသည်တုံ့ပြန်နေပြီး၊ ယေဟောဝါအမှုတော်ထမ်းဆောင်ရာတွင် စစ်မှန်သောလွတ်လပ်မှုနှင့် ပျော်ရွှင်မှုကို တွေ့လျက်ရှိသည်။

[အောက်ခြေမှတ်ချက်များ]

[စာမျက်နှာ ၃၀ ပါ လေးထောင့်ကွက်]

ဘရာဇီးလ်

လူဦးရေ – ၁၅၀,၃၆၇,၈၀၀ ၁၉၉၀ အများဆုံးကြေညာသူ – ၂၉၃,၄၆၆ အချိုး၊ ကြေညာသူ ၁ လျှင် – ၅၁၂ ၁၉၉၀ နှစ်ခြင်းခံသူပေါင်း – ၂၇,၀၆၈ ပျမ်းမျှ ရှေ့ဆောင်များ – ၃၀,၁၁၅ အသင်းတော်ပေါင်း – ၄,၆၂၅ ပျမ်းမျှကျမ်းစာသင်အံမှုပေါင်း – ၃၄၁,၃၀၅ သတိရအောက်မေ့ပွဲတက်ရောက်သူပေါင်း – ၇၉၀,၉၂၆