ကျွန်ုပ်တို့သည် ဤကဲ့သို့သောအဖြစ်အပျက်များမှ လွတ်မြောက်ပါဦးမည်လော

ဤခေတ်ကာလတွင် မည်သည့်နေရာ၌မဆို တင်းမာမှုများ၊ ပဋိပက္ခများ၊ စစ်ပွဲများတို့ကို ကျွန်ုပ်တို့ ထင်းထင်းရှားရှားတွေ့ရသည်။ သို့သော် သင်သိပြီးဖြစ်သော သတင်းဆိုးအားလုံးကို ထည့်ရေးရန် ဤမဂ္ဂဇင်းက မရည်ရွယ်ပါ။ သို့အစား ဤအထူးထုတ်စာစောင်သည် သင့်ကို အနည်းဆုံး စိတ်ချမ်းမြေ့ဖွယ်ရာသမ္မာတရား အချက်နှစ်ချက်ကို အသိပေးပါသည်။ ပထမအချက်အနေနှင့် ကျမ်းစာတွင်ပါရှိသည့် ရှေးပရောဖက်ပြုချက်များသည် ကျွန်ုပ်တို့ခေတ်၏ တုန်လှုပ်ဖွယ်သတင်းဆိုးအမြောက်အမြားကို ကြိုဟောခဲ့သည်; ဒုတိယအချက်အနေနှင့် ပရောဖက်ပြုချက်ဆိုင်ရာ ယင်းစာအုပ်က ဤတွင်ဖော်ပြထားသောအဖြစ်အပျက်များသည် ရုပ်ပုံကားချပ်တစ်ခုအဖြစ် အတိတ်မှာကျန်ရစ်လိမ့်မည့် နေ့ရက်အကြောင်းကို ကြိုပြောသည်။ စစ်ပွဲများမရှိတော့။ ဗုံးဖောက်ခွဲမှုများ၊ ချောင်းမြောင်းပစ်ခတ်သူများ၊ မြေမြှုပ်မိုင်းများ သို့မဟုတ် အကြမ်းဖက်ဝါဒများ မရှိတော့။ ပူဆွေးဒုက္ခခံစားနေရသော မိဘမဲ့ကလေးများ၊ အိုးမဲ့အိမ်မဲ့ဒုက္ခသည်များ မရှိတော့။ စစ်မှန်ပြီး စိတ်နှလုံးသက်သာစေမည့် ငြိမ်းချမ်းသောကမ္ဘာတစ်ခု။ ဤကဲ့သို့သောအချိန်အခါကို သင်မြင်လိုပါသလော။ ကျွန်ုပ်တို့သည် ကျမ်းစာတွင် အဘယ်အရာဆိုထားသည်ကို လေ့လာသုံးသပ်ဖို့ သင့်ကို တိုက်တွန်းပါသည်။ သင်စဉ်းစားမိနိုင်သမျှအရာများထက် ပို၍စိတ်ချမ်းမြေ့ဖွယ်ရာများကို ထိုတွင် တွေ့ပေလိမ့်မည်။