သတိရအောက်မေ့ပွဲအတွက် အသင့်ပြင်ဆင်ပါလေ

ပွဲတော်ကျင်းပမည့်အချိန်နှင့်နေရာ အတိအကျကို ဟောပြောသူအပါအဝင် လူတိုင်းအား အကြောင်းကြားထားပါသလော။ အစီအစဉ်တစ်ခုလုံးသည် ၄၅ မိနစ်ထက်မပိုသင့်ကြောင်း ဟောပြောသူသိပါသလော။

မုန့်နှင့်စပျစ်ရည်အသင့်ရှိရန် တစ်ဦးတစ်ယောက်အား တာဝန်ခန့်ခွဲထားပြီလော။ (သစတ အပိုင်း (၁) စာမျက်နှာ ၅၁-၅၃ ရှု။) သန့်ရှင်းသောစားပွဲခင်း၊ ဖန်ခွက်နှင့်ပန်းကန်အလုံအလောက်ရှိ စားပွဲတစ်ခုစီစဉ်ပြီးပြီလော။

နိုင်ငံတော်ခန်းမသန့်ရှင်းရေးကို ကြိုတင်ပြုလုပ်ရန်နှင့် ပွဲတော်ပြီးနောက်ပြုလုပ်ရန် စီစဉ်ပြီးပြီလော။ ဧည့်ကြိုများနှင့် မုန့်နှင့်စပျစ်ရည်ဝေမည့်သူများကို တာဝန်ချပြီးပြီလော။ သတိရအောက်မေ့ပွဲမတိုင်မီ သူတို့၏တာဝန်များကို ပြန်ဆွေးနွေးရန် အစည်းအဝေးတစ်ခုပြုလုပ်ပြီးပြီလော။ အားလုံးချောမောပြေပြစ်စေရန် အဘယ်အစီအစဉ်ကိုလိုက်လျှောက်မည်နည်း။

အသက်ကြီးရင့်၍ အိုမင်းမစွမ်းဖြစ်သောညီအစ်ကိုညီအစ်မများ ပွဲတော်ကိုတက်ဖြစ်ရန် အကူအညီပေးဖို့ စီစဉ်ထားပြီးပြီလော။ ပွဲတော်ကိုလာမတက်နိုင်သည့် အိပ်ရာတွင်တုံးလုံးလဲနေရသော ဘိသိက်ခံတစ်ဦးတစ်ယောက်ရှိပါက သူ့အား မုန့်နှင့်စပျစ်ရည်ဝေပေးရန် စီစဉ်ပေးပါ။