နိုင်ငံတော်ခန်းမ ဆောက်လုပ်ရေးအစီအစဉ် ဆက်လက်တိုးတက်နေ

^၁ ၁၉၈၃ ခုနှစ်တွင် အမေရိကန်ပြည်ထောင်စု၌ကျင်းပသည့် “နိုင်ငံတော်စည်းလုံးမှု” ခရိုင်စည်းဝေးကြီးများတွင် အမေရိကန်ပြည်ထောင်စုနှင့် ကနေဒါနိုင်ငံတစ်ဝန်းလုံးရှိ နိုင်ငံတော်ခန်းမများဆောက်လုပ်ခြင်းနှင့် ပြန်လည်ပြုပြင်ခြင်းကို ထောက်ပံ့ရန် အထူးရန်ပုံငွေတစ်ရပ်ထူထောင်မည်ဟု ကြေညာခဲ့သည်။ ထိုစဉ်က ထိုသို့သောသေးငယ်သည့် အစပြုမှုများမှ မည်သည့်ကောင်းချီးများရရှိမည်ကို ကျွန်ုပ်တို့မသိရှိခဲ့ကြချေ။ ကျွန်ုပ်တို့သည် ဆာလံ ၉၂:၄ တွင် အလွန်ဆီလျော်စွာ ဤသို့ဖော်ပြထားသည့်အရာကို ပို၍အပြည့်အဝ စတင်ခံစားခဲ့ရသည်– “အိုထာဝရဘုရား၊ အမှုတော်များအားဖြင့် အကျွန်ုပ်ကိုဝမ်းမြောက်စေတော်မူသည်ဖြစ်၍ လက်တော်နှင့်ပြုပြင်တော်မူသမျှတို့ကြောင့် ရွှင်လန်းစွာသီချင်းဆိုပါမည်။”

^၂ ကျွန်ုပ်တို့သည် ယခုပြီးမြောက်အောင်မြင်နေသည့်အရာများအတွက် အလွန်ဝမ်းမြောက်ကြသည်။ ယနေ့ အရှိန်အဟုန်မြှင့်လုပ်ဆောင်နေသော ကမ္ဘာချီနိုင်ငံတော်ခန်းမဆောက်လုပ်ရေးအစီအစဉ်သည် ဆောင်ရွက်နေဆဲဖြစ်သည်။ ကျွန်ုပ်တို့အားလုံးသည် ယင်းလုပ်ငန်းတွင် တစ်နည်းနည်းဖြင့်ပါဝင်ရန် အခွင့်အရေးရရှိထားသည်။ ကျွန်ုပ်တို့သည် ကမ္ဘာတစ်ဝန်းလုံးတွင် နောက်ထပ်ဝတ်ပြုရေးနေရာများ ဆောက်လုပ်ခြင်းကိုထောက်ပံ့ရန် ငွေကြေးနည်းများမဆို ထည့်ဝင်လှူဒါန်းခြင်းအားဖြင့် ထိုသို့ပြုကြသည်။ ညီအစ်ကိုများစွာသည် ထိုသို့သောစီမံကိန်းများနှင့်ပတ်သက်၍ သူတို့၏အချိန်၊ အစွမ်းအစနှင့် စွမ်းရည်များကိုသာမက ပစ္စည်းကိရိယာများကိုပါ စေတနာအလျောက်အသုံးပြုကြသည်။ အစီအစဉ်တစ်ရပ်လုံး၏အောင်မြင်မှုသည် ယေဟောဝါ၏လမ်းညွှန်မှု၊ ထောက်မမှုနှင့် ကျွန်ုပ်တို့၏ တက်ညီလက်ညီကြိုးစားမှုများအပေါ်သွန်းလောင်းသည့် ကြွယ်ဝသောကောင်းချီးတို့ကြောင့်ဖြစ်သည်။—ဆာ. ၁၂၇:၁။

^၃ ဌာနခွဲများစွာသည် အမေရိကန်ပြည်ထောင်စုရှိ အသင်းတော်များအတွက် မူလကချမှတ်ခဲ့သောပုံစံနှင့်အညီ လိုက်လျှောက်ခဲ့ကြသည်။ နိုင်ငံများစွာရှိ နိုင်ငံတော်ခန်းမများတွင် သေတ္တာတစ်လုံးရှိကာ ကြေညာသူများသည် နိုင်ငံတော်ခန်းမရန်ပုံငွေအတွက် အလှူငွေများကို ၎င်းတွင်ထည့်ကြသည်။ အမေရိကန်ပြည်ထောင်စုတွင် မတ် ၁၉၉၇၊ ကျွန်ုပ်တို့၏နိုင်ငံတော်ဓမ္မအမှု [လိပ်] ၌ ဤအစီအစဉ်ပြုပြင်မှုတစ်ရပ်ကို ကြေညာခဲ့သည်။ ယင်းက ဤသို့ ဖော်ပြသည်– “အသင်းမနိုင်ငံတော်ခန်းမရန်ပုံငွေကို ၁၉၈၃ ခုနှစ်တွင် ထူထောင်ခဲ့ကတည်းက ညီအစ်ကိုများသည် ရက်ရောစွာလှူဒါန်းခဲ့ကြကာ ဤသို့ဖြင့် နိုင်ငံတော်ခန်းမဆောက်လုပ်ရေးအတွက် ငွေချေးပေးနိုင်ခဲ့သည်။ အမေရိကန်ပြည်ထောင်စုရှိ အသင်းတော် ၂,၇၀၀ ခန့်သည် ဤအစီအစဉ်မှအကျိုးခံစားခဲ့ရသည်။ အသင်းတော်များစွာသည် မည်သည့်နည်းဖြင့်မဆို နိုင်ငံတော်ခန်းမအသစ်များဆောက်လုပ်ရန် သို့မဟုတ် ပြုပြင်ရန်လိုအပ်သည့်ခန်းမများကို ပြင်ဆင်မွမ်းမံရန် မတတ်နိုင်ကြပေ။ ယခုအခါ စီးပွားရေးကျသောနိုင်ငံများရှိ အသင်းတော်များကို ငွေချေးပေးဖို့ ဤထည့်ဝင်ထားသည့်ရန်ပုံငွေများမှ အချို့ကိုသုံးစွဲရန် အရေးတကြီးလိုအပ်နေသည်။ ဤအစီအစဉ်ကို သင်ဆက်၍ထောက်ပံ့နေသည်ကို အသင်းမနှင့် သင်၏အလှူငွေများမှအကျိုးခံစားရသည့် အသင်းတော်များက များစွာကျေးဇူးတင်လေးမြတ်ကြပါသည်။”

^၄ ထိုကြေညာချက်က အရှိန်အဟုန်တိုးမြှင့်နေသော နိုင်ငံတော်ခန်းမဆောက်လုပ်ရေးအစီအစဉ်တွင် ပါဝင်ရန် ဖိတ်ခေါ်ချက်တစ်ရပ်ဖြစ်ခဲ့သည်။ နိုင်ငံတော်ခန်းမရန်ပုံငွေသည် အမေရိကန်ပြည်ထောင်စုရှိ နိုင်ငံတော်ခန်းမဆောက်လုပ်ရေးအတွက် ဆက်၍ငွေချေးပေးရန်သာမက အခြားတိုင်းပြည်များရှိ ကျွန်ုပ်တို့ညီအစ်ကိုများ၏ လိုအပ်ရာများကိုပါ ဖြည့်ဆည်းပေးမည်ဖြစ်သည်။ ၁၉၉၇ ဩဂုတ်လထုတ် ကျွန်ုပ်တို့၏နိုင်ငံတော်ဓမ္မအမှု [လိပ်] ပါနောက်ဆက်တွဲဆောင်းပါးတစ်ခုက ဤသို့ဖော်ပြသည်– “ကမ္ဘာချီနိုင်ငံတော်ခန်းမဆောက်လုပ်ရေးသည် ဆက်လက်လိုအပ်နေသည်။ လွန်ခဲ့သည့်လုပ်ငန်းတော်နှစ်အတွင်း၌ပင် အသင်းတော်အသစ် ၃,၂၈၈ ခုကိုတည်ထောင်ခဲ့သည်။ ထိုအသင်းတော်အများစုသည် အာဖရိက၊ အာရှ၊ ဗဟိုအမေရိက၊ တောင်အမေရိကနှင့် အရှေ့ဥရောပတို့တွင်ဖြစ်သည်။”

^၅ ထိုအချိန်ကတည်းက အဘယ်ရလဒ်များရရှိခဲ့သနည်း။ ၂၀၀၁ နှစ်ချုပ်စာအုပ် က ဤသို့ဖော်ပြသည်– “ဤအစီအစဉ်ကြောင့် နိုင်ငံ ၃၀ တွင် ယခုအထိ နိုင်ငံတော်ခန်းမ ၄၅၃ လုံးဆောက်လုပ်ပြီးပြီဖြစ်ကာ အခြား အဆောက်အအုံ ၇၂၇ ခုမှာ ဆောက်လုပ်နေဆဲဖြစ်သည်။ ဒေသခံဆောက်လုပ်ရေးပစ္စည်းများနှင့် နည်းစနစ်များကို အသုံးပြုသည့် နိုင်ငံတစ်ခုစီအတွက် တိုးတက်နေသော စံနိုင်ငံတော်ခန်းမစီမံကိန်းများကို အလေးပေးဖော်ပြခဲ့သည်။ ကင်ညာနိုင်ငံတွင် မှန်ကူကွက်ပုံကျောက်ကို အသုံးပြုသည်; တိုဂိုနိုင်ငံတွင် အုတ်ကိုအသုံးပြုလေ့ရှိသည်; ကဲင်မရွန်းတွင် နောက်မှအချောကိုင်သည့် ကွန်ကရစ်တုံးများကို လူကြိုက်များသည်။ ဤနည်းဖြင့် ဒေသခံညီအစ်ကိုများသည် မိမိတို့နိုင်ငံအတွင်း၌ အဓိကကျသောကဏ္ဍများတွင် တာဝန်ထမ်းဆောင်ရန် လိုအပ်သည့်အတတ်ပညာများကို လျင်မြန်စွာရရှိနိုင်ကြသည်။”

^၆ ဤအစီအစဉ်အပေါ် ယေဟောဝါကောင်းချီးပေးနေသည့်သာဓကကို အာဖရိကတိုက်ကြီးတွင် တွေ့ရှိနိုင်သည်။ သင်သည် ဆောက်လုပ်ထားသည့် နိုင်ငံတော်ခန်းမအချို့၏ပုံများကိုကြည့်ရှုစဉ် ထိုသို့သောဆောက်လုပ်ရေးက ယေဟောဝါသက်သေများ၏လုပ်ငန်းအပေါ် အကျိုးသက်ရောက်စေခဲ့ပုံကို စဉ်းစားကြည့်ပါ! ယင်းသည် ကဏ္ဍသုံးခု—ကျွန်ုပ်တို့ကမ္ဘာချီညီအစ်ကိုအသင်းအပင်း၏စည်းလုံးမှု၊ ဒေသခံပြည်သူများအပေါ်အကျိုးသက်ရောက်မှုနှင့် အသင်းတော်အစည်းအဝေးများတွင် တက်ရောက်သူတိုးလာခြင်း—တွင် မှန်ကန်ကြောင်းတွေ့ရှိရသည်။ ဤကြားညှပ်စာရွက်သည် အာဖရိကတွင်ဆောက်လုပ်ထားသည့် နိုင်ငံတော်ခန်းမများကို အသားပေးဖော်ပြသော်လည်း နောင်တွင်ထုတ်ဝေမည့် ကျွန်ုပ်တို့၏နိုင်ငံတော်ဓမ္မအမှု စာစောင်များက နိုင်ငံတော်ခန်းမဆောက်လုပ်ရေးအစီအစဉ်သည် ကမ္ဘာ့အခြားဒေသများတွင် ဆက်လက်တိုးတက်နေပုံကို အာရုံစိုက်စေပါမည်။

[စာမျက်နှာ ၃ ပါ ရုပ်ပုံများ]

ဗဟို အာဖရိက သမ္မတနိုင်ငံ

ဘန်ဂီးမြို့၊ ဘင်ဘို

ဘန်ဂီးမြို့၊ ဘက်ဂူးအာ

[စာမျက်နှာ ၄ ပါ ရုပ်ပုံများ]

တန်ဇန်းနီးယား၊ အူးကောအာ

[စာမျက်နှာ ၄ ပါ ရုပ်ပုံ]

ဂါနာ၊ အာကရာ

[စာမျက်နှာ ၄ ပါ ရုပ်ပုံ]

လိုင်ဘေးရီးယား၊ စာလာလာ

[စာမျက်နှာ ၄ ပါ ရုပ်ပုံ]

ဇင်ဘာဘွေ၊ ကရိုးအီး

[စာမျက်နှာ ၄၊ ၅ ပါ ရုပ်ပုံများ]

ဘီနင်၊ အာလာဒါ—ယခင်နိုင်ငံတော်ခန်းမ

ဘီနင်၊ အာလာဒါ—နိုင်ငံတော်ခန်းမအသစ်

[စာမျက်နှာ ၅ ပါ ရုပ်ပုံ]

တိုဂို၊ ဖင်မ်အီး

[စာမျက်နှာ ၄၊ ၅ ပါ ရုပ်ပုံ]

တိုဂို၊ ဆိုကိုဒေး

[စာမျက်နှာ ၄၊ ၅ ပါ ရုပ်ပုံများ]

ဘီနင်၊ ဖီးဂျရိုးစ်

[စာမျက်နှာ ၆ ပါ ရုပ်ပုံ]

ဇမ်ဘီယာ၊ လီရဲန်းဂါ—ယခင်နိုင်ငံတော်ခန်းမ

[စာမျက်နှာ ၆ ပါ ရုပ်ပုံ]

ဇမ်ဘီယာ၊ လီရဲန်းဂါ—နိုင်ငံတော်ခန်းမအသစ်

[စာမျက်နှာ ၆ ပါ ရုပ်ပုံ]

ကွန်ဂို၊ ကင်ရှာစာ

[စာမျက်နှာ ၆ ပါ ရုပ်ပုံ]

ရဝမ်ဒါ၊ မြူစမ်ဘီရာ