ဗျာဒိတ်ကျမ်း—ယင်း၏မဟာအထွတ်အထိပ်နီးပြီ စာအုပ်အတွက် ပြင်ဆင်ချက်များ

ဗျာဒိတ်ကျမ်း—ယင်း၏မဟာအထွတ်အထိပ်နီးပြီ!ဘရိုရှာအတွက် အဓိကပြင်ဆင်ချက်များကို အောက်တွင်ဖော်ပြထားသည်။ ဤတွင် အချို့သောစာရင်းအင်းဆိုင်ရာ ပြင်ဆင်ချက်များ မပါရှိပါ။ ယင်းတို့ကို နောက်ဆုံးထုတ် နှစ်ချုပ်စာအုပ်နှင့် အခြားစာပေများတွင် တွေ့နိုင်ပါသည်။

အခန်း ၄

စ. (စာမျက်နှာ) ၁၃၊ ¶(အပိုဒ်) ၄၊ နောက်ဆုံးအညွှန်းကျမ်းချက်ကို ဖျက်ပါ– မဿဲ ၂၅:၃၁-၃၃

အခန်း ၅

စ. ၁၇၊¶၃၊ အောက်ခြေမှတ်ချက်ကို ဤသို့အစားထိုးပါ– အသေးစိတ်ရှင်းလင်းချက်အတွက် ယေဟောဝါသက်သေများထုတ်ဝေသော သမ္မာကျမ်းစာ အမှန်တကယ်သွန်သင်ရာမှာ အဘယ်နည်း စာအုပ်၊ စာမျက်နှာ ၈၈-၉၂၊ ၂၁၅-၁၈ ကိုရှု။

အခန်း ၆

စ. ၂၁၊¶၁၂၊ ခြောက်ကြောင်းမြောက်ဝါကျကို ဤသို့အစားထိုးပါ– နောက်ဆုံး၌ ရောမဧကရာဇ် ကွန်စတင်တိုင်းက “ခရစ်ယာန်” ဘာသာကို မြှင့်တင်ပေးလိုက်ရာ ခရစ်ယာန်ဘောင်ဖြစ်ပေါ်လာသည်။

စ. ၂၃၊ လေးထောင့်ကွက်၊ ပထမစာပိုဒ်ကို ဤသို့အစားထိုးပါ– ယေရှုသည် အေဒီ ၂၉၊ အောက်တိုဘာလခန့်တွင် ယော်ဒန်မြစ်၌ နှစ်ခြင်းယူ၍ မင်းလောင်းအဖြစ် ဘိသိက်ခံတော်မူသည်။ သုံးနှစ်ခွဲအကြာ အေဒီ ၃၃ ၌ ယေရုရှလင်မြို့ ဗိမာန်တော်သို့ကြွ၍ ၎င်းကို ဓားပြတွင်းဖြစ်စေသူတို့အား နှင်ထုတ်လေသည်။ ၎င်းနှင့်အလားတူသည့် သုံးနှစ်ခွဲကာလတစ်ခု ရှိဟန်တူသည်။ ထိုကာလသည် ၁၉၁၄ ခု၊ အောက်တိုဘာလတွင် ကောင်းကင်၌ ယေရှုနန်းထိုင်ချိန်မှ စတင်သည်။ ဘုရားသခင့်အိမ်တော်မှ အစပြုသော တရားစီရင်ချိန်ရောက်သည်နှင့် အမည်ခံခရစ်ယာန်များကို စစ်ဆေးရန်ကြွလာသည့်အချိန်တိုင်အောင်ဖြစ်သည်။ (မဿဲ ၂၁:၁၂၊ ၁၃; ၁ ပေတရု ၄:၁၇) ၁၉၁၈ ခု၊ နှစ်ဦးပိုင်း၌ ယေဟောဝါလူမျိုးတော်၏ နိုင်ငံတော်လုပ်ငန်းသည် ကြီးမားသောအတိုက်အခံနှင့် ကြုံခဲ့ရသည်။ ကမ္ဘာတစ်ခွင်လုံး စုံစမ်းချိန်ဖြစ်သည်။ ကြောက်ရွံ့သူတို့သည် ဆန်ခါချခံရသည်။ ၁၉၁၈ ခု၊ မေလ၌ ခရစ်ယာန်ဘောင် ဓမ္မဆရာများက ကင်းမျှော်စင်အသင်း၏ အမှုထမ်းအရာထမ်းများ ထောင်ကျစေရန် သွေးထိုးခဲ့သည်။ သို့တစေ၊ ကိုးလကြာသော် သူတို့သည် ထောင်မှလွတ်လာကြသည်။ ထို့နောက် မတရားစွပ်စွဲချက်အားလုံး ပျက်ပြယ်သွားသည်။ စုံစမ်းခံ၍ သန့်စင်ပြီဖြစ်သော ဘုရားသခင့်လူမျိုးတော် အဖွဲ့အစည်းသည် ၁၉၁၉ ခုမှစ၍ ရှေ့သို့ချီတက်ကာ ခရစ်တော်ယေရှုမင်းပြုသော ယေဟောဝါနိုင်ငံတော်သည် လူသားတို့၏ မျှော်လင့်ရာဖြစ်ကြောင်း အားမာန်တက်ကြွစွာ ကြွေးကြော်ကြလေသည်။—မာလခိ ၃:၁-၃။

အခန်း ၈

စ. ၃၁၊¶၈၊ စာကြောင်း ၈ မှ “အမှား ၁၂၅” ကို ဤသို့အစားထိုးပါ– အမှား ၁၃၀

စ. ၃၂၊¶၁၀၊ နောက်ဆုံးဝါကျကို ဤသို့အစားထိုးပါ– အမေရိကန်နိုင်ငံ တရားရုံးချုပ်မှာပင် ယေဟောဝါသက်သေများ အမှု ၅၀ နိုင်လိုက်သည်။

အခန်း ၁၀

စ. ၉၊¶၁၁၊ အောက်ခြေမှတ်ချက်ကို ဤသို့အစားထိုးပါ– ဥပမာ၊ ၂၀၀၃၊ နိုဝင်ဘာ ၁ ရက် ကင်းမျှော်စင် ပါ “တည်ကြည်သော ခရစ်ယာန်အမျိုးသမီးများ—ဘုရားသခင်၏ အဖိုးထိုက်ဝတ်ပြုသူများ” ဟူသော ဆောင်းပါးကိုရှု။

အခန်း ၁၁

စ. ၁၃၊¶၉၊ စာပိုဒ်တစ်ဝက်မှ ဤသို့အစားထိုးပါ– ဤအချက်နှင့်စပ်လျဉ်း၍ ကင်းမျှော်စင် မဂ္ဂဇင်းက “ကိုယ်ကိုကိုယ် စစ်ကြောနေကြလော့” နှင့် “မိမိအလိုသို့လိုက်၍ အသက်မရှင်” စသောအကြောင်းများကို တင်ပြဆွေးနွေးခြင်းဖြင့် အားသစ်ပေးခဲ့သည်။ ဤသို့သော ကျမ်းပေးအထောက်အမရှိသည်ဖြစ်၍ ယေဟောဝါရှေ့တော်တွင် သစ္စာလမ်းကို နှိမ့်ချတည်ကြည်စွာလျှောက်ရင်း ကိုယ့်အတွင်းလူကို စူးစမ်းစစ်ဆေးကြစို့။—ဆာလံ ၂၆:၁-၃; ၁၃၉:၂၃၊ ၂၄။

စ. ၁၃၊¶၉၊ အောက်ခြေမှတ်ချက်ကို ဤသို့အစားထိုးပါ– ၂၀၀၅၊ ဇူလိုင် ၁၅ ရက်နှင့် ၂၀၀၅၊ မတ် ၁၅ ရက်ထုတ် ကင်းမျှော်စင် တို့ကိုရှု။

အခန်း ၁၂

စ. ၁၇၊¶၁၄၊ အောက်ခြေမှတ်ချက်ကို ဤသို့အစားထိုးပါ–# ယောဟန်အတန်းအစားဖြန့်ချိသော ကင်းမျှော်စင် မဂ္ဂဇင်းက ယင်းကို အခွင့်ကောင်းယူပြီး ဟောပြောခြင်းလုပ်ငန်း၌ တတ်နိုင်သမျှ အပြည့်အဝပါဝင်ကြရန် အဆက်မပြတ် အရေးပေးတင်ပြလာသည်။ ဥပမာ၊ ၂၀၀၄၊ ဇန်နဝါရီ ၁ ရက်ထုတ် ကင်းမျှော်စင်ပါ “ယေဟောဝါ၏ဘုန်းတော်ကို ကြေညာကြစို့” နှင့် “သူတို့၏အသံသည် မြေတစ်ပြင်လုံး၌နှံ့ပြား” ဟူသော ဆောင်းပါးများကို ကြည့်ပါ။ ၂၀၀၄၊ ဇွန် ၁ ရက်ထုတ်၊ “ဘုရားသခင်၏ဘုန်းတော်ကို ထင်ရှားစေသူတို့သည် ကောင်းချီးခံစားရကြ” ဟူသောဆောင်းပါးက အချိန်ပြည့်အမှုဆောင်ရန် “ပွင့်လျက်နေသည့်တံခါး” ထဲဝင်ဖို့ အလေးအနက်ဖော်ပြသည်။ ၂၀၀၅ ခုနှစ်၏ လတစ်လတည်းတွင် အများဆုံး ရှေ့ဆောင် ၁,၀၉၃,၅၅၂ ဦး မှတ်တမ်းသွင်းခဲ့သည်။

အခန်း ၁၃

စ. ၂၄၊¶၁၄၊ စာကြောင်း ၁၉ မှ “၁၉၉၆ ခုနှစ်၌ စုစုပေါင်း စောင်ရေ ၃၄,၆၈၀,၀၀၀” ကို ဤသို့အစားထိုးပါ– ၂၀၀၆ ခုနှစ်၌ စုစုပေါင်း စောင်ရေ ၅၉ သန်းမက

စ. ၂၆၊¶၂၃၊ စာကြောင်း ၁၄၊ အညွှန်းကျမ်းချက်ကို ဖျက်ပါ– မဿဲ ၂၅:၃၁

အခန်း ၁၆

စ. ၈၊¶၄၊ ဒုတိယအောက်ခြေမှတ်ချက်ကို ဤသို့အစားထိုးပါ– ၁၉၁၄ ခု၌ မိမိနိုင်ငံတော်သို့ ယေရှုကြွတော်မူကြောင်း အသေးစိတ်သာဓကကို ယေဟောဝါသက်သေများ ထုတ်ဝေသည့် သမ္မာကျမ်းစာ အမှန်တကယ်သွန်သင်ရာမှာ အဘယ်နည်း စာအုပ်၊ စာမျက်နှာ ၂၁၅-၁၈ တွင်ရှု။

စ. ၈၊¶၆၊ အပိုဒ်ကို ဤသို့အစားထိုးပါ– သို့သော် နန်းရစဘုရင်သည် အဘယ်ကြောင့် စီးနင်းစစ်ချီရသနည်း။ ကိုယ်တော်၏မင်းအာဏာသည် ယေဟောဝါ၏အဓိကရန်သူ စာတန်မာရ်နတ်နှင့်၊ သိ၍ဖြစ်စေ၊ မသိ၍ဘဲဖြစ်စေ သူ့အလိုကိုဆောင်သော မြေကြီးပေါ်ကလူတို့၏ ခါးသီးသောအတိုက်အခံကြားမှ တည်ထောင်သောကြောင့်ဖြစ်သည်။ နိုင်ငံတော်ဖွားမြင်မှုကိုယ်နှိုက်ကြောင့် ကောင်းကင်တွင် စစ်ကြီးဖြစ်ရသည်။ ယေရှုသည် (“မည်သူ ဘုရားသခင်နှင့်တူသနည်း” ဟူ၍အနက်ရှိသော) မိက္ခေလအမည်ဖြင့် စစ်ဆင်ကာ စာတန်နှင့်နတ်ဆိုးများပေါ်အနိုင်ရ၍ သူတို့ကို မြေကြီးသို့ပစ်ချလိုက်သည်။ (ဗျာဒိတ် ၁၂:၇-၁၂) သိုးကဲ့သို့စိတ်ထားရှိသူများကို သခင့်နေ့အစောပိုင်း ဆယ်စုနှစ်များတစ်လျှောက် စုသိမ်းစဉ် ယေရှုသည် အောင်ပွဲခံ မြင်းစီးလျက်နေတော်မူ၏။ တစ်လောကလုံး “မာရ်နတ်၏လက်၌” ရှိဆဲသော်ငြား ယေရှုသည် မိမိ၏ဘိသိက်ခံညီများနှင့်သူတို့၏အဖော်အဖက်များကို မေတ္တာရှေ့ထား၍ ဆက်လက်ထိန်းကျောင်းကာ တစ်ဦးစီ ယုံကြည်ခြင်းအောင်ပွဲခံနိုင်ရန် မစတော်မူ၏။—၁ ယောဟန် ၅:၁၉။

စ. ၉၊¶၉၊ နောက်ဆုံးဝါကျကို ဤသို့အစားထိုးပါ– အရက်စက်ဆုံး နှိပ်စက်ညှဉ်းပန်းမှုဖြစ်ပွားခဲ့သော ဂျာမနီ၊ အီတလီနှင့် ဂျပန်နိုင်ငံများတွင် ၆၀၀,၀၀၀ ထက်မကသော တက်ကြွသည့်ဓမ္မအမှုဆောင်များ မှတ်တမ်းသွင်းနေကြသည်။—ဟေရှာယ ၅၄:၁၇; ယေရမိ ၁:၁၇-၁၉။

စ. ၁၁၊¶၁၈၊ အပိုဒ်ကို ဤသို့အစားထိုးပါ– ၎င်းကို စစ်မက်ဆိုင်ရာနည်းပညာ၏အောင်မြင်မှုတစ်ရပ်ဟု သမုတ်နိုင်သလော။ မသမုတ်နိုင်။ အကြင်နာမဲ့ မြင်းနီရှင် ကဆုန်စိုင်းနေခြင်း၏သာဓကသာဖြစ်၏။ ဘယ်စခန်းရောက်တော့မှ ရပ်မည်နည်း။ ကြိုတင်စီစဉ်ပြီးတိုက်သော နျူကလီးယားစစ်ပွဲမဆိုထားနှင့် နျူကလီးယားစစ် မတော်တဆဖြစ်ဖို့ သေချာသလောက်ဖြစ်သည်ဟု အချို့သိပ္ပံပညာရှင်များက ဟောကိန်းထုတ်ထားသည်။ သို့သော် ဝမ်းသာစရာမှာ အောင်ပွဲခံ မြင်းဖြူရှင်၌ အခြားအကြံအစည်တစ်မျိုးရှိ၏။

စ. ၁၃၊¶၂၈၊ အပိုဒ်ကို ဤသို့အစားထိုးပါ– လက်ရှိအရေးပါသောအရာမှာ “ကပ်ရောဂါ” ပင်ဖြစ်သည်။ ပထမကမ္ဘာစစ်မွှေနှောက်သွားသည့်နောက် ၁၉၁၈-၁၉ ခု၏လအနည်းငယ်အတွင်း စပိန်တုပ်ကွေးက လူ့အသက်သန်း ၂၀ ရိတ်သိမ်းလိုက်သည်။ ကမ္ဘာပေါ်၌ စိန့်ဟယ်လင်နာဆိုသောကျွန်းသေးလေးတစ်ခုတည်းသာ ထိုကပ်နှင့်လွတ်ခဲ့သည်။ လူဦးရေအကြီးအကျယ်ပြုန်းတီးသောဒေသများ၌ဆိုလျှင် မီးလောင်စင်များဖြင့် အလောင်းများကို အစုလိုက်အပြုံလိုက် မီးသင်္ဂြိုဟ်ရသည်။ ယနေ့လည်း နှလုံးရောဂါနှင့်ကင်ဆာတို့သည် ကြောက်စရာဖြစ်၏။ များသောအားဖြင့် ဆေးရွက်ကြီး၏ညစ်ညမ်းမှုကြောင့်ဖြစ်သည်။ “ကြောက်လန့်ရွံမုန်းဖွယ်ဆယ်စုနှစ်” ဟုသမုတ်ကြသော ၁၉၈၀ ပြည့်လွန်နှစ်များအတွင်း ကျမ်းစာစံအရ တရားလက်လွတ်ဟုဆိုရသောနေထိုင်ပုံတစ်မျိုးကြောင့် “ကပ်ရောဂါ” စာရင်းထဲ၌ အေအိုင်ဒီအက်စ်ကပ်ဆိုးတစ်ပါးတိုးများလာသည်။ ၂၀၀၀ ပြည့်နှစ်တွင် အမေရိကန်ပြည်ထောင်စု သမားတော်ချုပ်က အေ့ဒ်စ်ရောဂါသည် “ကမ္ဘာ့အဆိုးဆုံးကပ်ရောဂါဖြစ်၏” ဟုဖော်ပြသည်။ ကမ္ဘာတစ်ဝန်းတွင် HIV/AIDS ကူးစက်ခံရသူ ၅၂ သန်းရှိပြီး သန်း ၂၀ သေဆုံးခဲ့ရပြီဟုဆိုသေးသည်။ မတရားမေထုန်နှင့် သွေးအလွဲသုံးမှုကြောင့် ယနေ့ ရောဂါအမျိုးမျိုးကူးစက်လျက်ရှိသည်ဖြစ်ရာ ယေဟောဝါ၏လူမျိုးတော်သည် ကိုယ်တော့်နှုတ်ကပါဌ်တော်၏ ပညာရှိသြဝါဒကြောင့် အဆိုပါအမှုများကိုရှောင်ရှားနိုင်သဖြင့် ကျေးဇူးတော်ကြီးလှသည်တကား။—တမန်တော် ၁၅:၂၈၊ ၂၉; ၁ ကောရိန္သု ၆:၉-၁၁ နှင့်နှိုင်း။

အခန်း ၁၈

စ. ၂၂၊¶၇၊ အပိုဒ်ကို ဤသို့အစားထိုးပါ– ဒုတိယကမ္ဘာစစ်ကြောင့် ပြင်းထန်သောပြောင်းလဲမှုလှိုင်းလုံးကြီးများ ရိုက်ခတ်သွားပြန်သည်။ စစ်ပွဲငယ်များနှင့် နိုင်ငံတကာအကြမ်းဖက်မှုတို့သည် ကမ္ဘာကြီးကိုဆက်၍လှုပ်ခါလျက်နေသည်။ နျူးကလီးယားကပ်ကြီး၏ ကြောက်ခမန်းလိလိခြိမ်းခြောက်မှုကြောင့် လူအတော်များများက ထိုမျှခံမည်ဟုမထင်ကြ။

စ. ၂၂၊ မေးခွန်းနံပါတ် ၇–၉ (ခ) ကို ဤသို့အစားထိုးပါ– ယေရှုရောက်ရှိချိန်အတွင်း လူ့ဘောင်အဖွဲ့အစည်းတွင်ကြုံနေရသော ပြောင်းလဲမှုများ နောက်ဆုံး မည်သို့ဖြစ်လာမည်နည်း။

စ. ၂၂၊¶၉၊ တတိယမြောက်ဝါကျကို ဤသို့အစားထိုးပါ– နောက်ဆက်တွဲ အမှောင်ဖုံးလွှမ်းသော နေ့ရက်များသည် ယေရှုရောက်ရှိခြင်းဆိုင်ရာ ပရောဖက်ပြုချက်၏ ပြည့်စုံချက်တစ်ခု အမှန်ဖြစ်သည်။ အဆုံး၌ ထိုပြည့်စုံချက်တွင် “လူအမျိုးမျိုးသည် . . . မငြိမ်မသက် စိုးရိမ်ကြောင့်ကြခြင်းသို့ရောက်ကြလိမ့်မည်။ မြေကြီးပေါ်မှာဖြစ်လတ္တံ့သောဘေးများကိုမျှော်၍၊ ကြောက်လန့်သဖြင့် လူများတို့သည် မေ့မြောသွားကြလိမ့်မည်” ဟူသောအချက်ပါဝင်လိမ့်မည်။ (လုကာ ၂၁:၇-၉၊ ၂၅-၃၁၊ သမ္မာ)

စ. ၂၃၊¶၁၁၊ ပဉ္စမမြောက်ဝါကျကို ဤသို့အစားထိုးပါ– ယင်းကြောင့် စာတန့်လောကစနစ်သည် သတိပေးခံရ၏။

အခန်း ၂၀

စ. ၅၊¶၁၁၊ ပဉ္စမမြောက်ဝါကျကို ဤသို့အစားထိုးပါ– ဤစာစောင်ကိုထုတ်ဝေချိန်၌ ကမ္ဘာတစ်လွှား ၁၂၅ နေရာကျော်တွင် (MEPS) စနစ်အမျိုးမျိုးကိုသုံးလျက်ရှိရာ သူတို့၏ တစ်လနှစ်ကြိမ်ထုတ် ကင်းမျှော်စင် ကို ဘာသာပေါင်း ၁၃၀ ကျော်ဖြင့် တစ်ပြိုင်တည်း ထုတ်ဝေနိုင်ပေပြီ။

စ. ၁၀၊¶၃၀၊ နောက်ဆုံးဝါကျကို ဤသို့အစားထိုးပါ– လူနည်းစုသာ ခံရပ်နိုင်မည်။ ထိုလူနည်းစုမှာ တံဆိပ်ခတ်ခံရသော ၁၄၄,၀၀၀ မှ အသက်ရှင်ကျန်ကြွင်းသူများနှင့် အခြားသိုးမှလူအုပ်ကြီးဖြစ်သည်။—ယေရမိ ၃၅:၁၉; ၁ ကောရိန္သု ၁၆:၁၃။

အခန်း ၂၂

စ. ၂၃၊ ခေါင်းစဉ်ငယ်ကို ဤသို့အစားထိုးပါ– ယခုခေတ် ကျိုင်းကောင်ကပ်

စ. ၂၅၊¶၁၆၊ အညွှန်းကျမ်းချက် ဗျာဒိတ် ၉:၁၀၊ နောက်တွင်ရှိသော ဝါကျများကို ဤသို့အစားထိုးပါ– ဘာကိုဆိုလိုနိုင်သနည်း။ ယေဟောဝါသက်သေများသည် မိမိတို့၏ နိုင်ငံတော်လုပ်ငန်းကို လုပ်ဆောင်ရာ၌ ဘုရားသခင့် နှုတ်ကပါဌ်တော်ကို အခြေပြုသော ခိုင်လုံသည့်တင်ပြချက်များကို နှုတ်အားဖြင့်လည်းကောင်း၊ ပုံနှိပ်စာတမ်းများ အားဖြင့်လည်းကောင်း ကြေညာကြသည်။ သူတို့၏ သတင်းစကားသည် ယေဟောဝါ၏ လက်စားချေနေ့ ဆိုက်ကပ်လာပြီဟု သတိပေးသောကြောင့် ကင်းမြီးကောက်အလား အဆိပ်ဆူးရှိသည်။ (ဟေရှာယ ၆၁:၂) ဝိညာဏကျိုင်းကောင်များ၏ လက်ရှိမျိုးဆက် သက်တမ်းမကုန်မီ ယေဟောဝါ၏စီရင်ချက် ကြေညာခြင်းတည်းဟူသော သူတို့၏ ဘုရားပေးလုပ်ငန်း ပြီးစီးလိမ့်မည်။ ခေါင်းမာသော ဘုရားတရား ပြစ်မှားပြောဆိုသူတို့ နာကျင်ရလိမ့်မည်။

စ. ၂၅၊¶၁၇၊ အောက်ခြေမှတ်ချက်ကို ဤသို့အစားထိုးပါ– ၎င်းမဂ္ဂဇင်းကို ၁၉၃၇ ခုနှစ်၌ နှစ်သိမ့်မှု ဟူ၍လည်းကောင်း၊ ၁၉၄၆ ခု၌ နိုးလော့! ဟူ၍လည်းကောင်း အမည်ပြောင်းခဲ့သည်။

အခန်း ၂၄

စ. ၆၊¶၂၁၊ “ဆိတ်ကဲ့သို့သောလူတို့” ကို ဤသို့အစားထိုးပါ– ဆန့်ကျင်သူတို့

စ. ၆၊¶၂၁၊ “မဿဲ ၂၅:၃၁–၃၄၊ ၄၁၊ ၄၆” ကို ဤသို့အစားထိုးပါ– ဖိလိပ္ပိ ၁:၂၇၊ ၂၈

စ. ၆၊¶၂၁၊ မေးခွန်းနံပါတ် ၂၁ (ခ) ကို ဤသို့အစားထိုးပါ– ဆန့်ကျင်သူတို့အဖို့ သတင်းကောင်းသည် အဘယ်ကြောင့် သတင်းဆိုးဖြစ်ရသနည်း။

အခန်း ၂၅

စ. ၈၊¶၄၊ အောက်ခြေမှတ်ချက်ကို ဤသို့အစားထိုးပါ– မဟာဝိညာဏဗိမာန်တော်ဆိုင်ရာအသေးစိတ်ဆွေးနွေးချက်ကို ၁၉၉၆၊ ဇူလိုင် ၁ ကင်းမျှော်စင်ပါ “ယေဟောဝါ၏ မဟာဝိညာဏဗိမာန်တော်” ဆောင်းပါးတွင်ရှု။

စ. ၈၊¶၅၊ တတိယမြောက်ဝါကျကို ဤသို့အစားထိုးပါ– ဟေဗြဲကျမ်းပရောဖက်ပြုချက်များ၌ ထိုသို့သောတိုင်းတာခြင်းက ယေဟောဝါ၏စုံလင်သောစံကိုအခြေပြု၍ တရားမျှတမှုကိုရမည် ဟူသောအာမခံချက်ဖြစ်သည်။

စ. ၁၀၊¶၁၅၊ စာကြောင်း ၈၊ (မဿဲ ၁၇:၁–၃; ၂၅:၃၁) ကို ဤသို့အစားထိုးပါ– (မဿဲ ၁၇:၁-၃)

အခန်း ၂၇

စ. ၃၁၊ လေးထောင့်ကွက်မှ ခြောက်ခုမြောက်စာပိုဒ်ကို ဤသို့အစားထိုးပါ– စပိန်နိုင်ငံ၌ ဘုရားသခင်အကြောင်းကိုပြောခြင်းနှင့် ခရစ်ယာန်စည်းဝေးများကျင်းပခြင်း “ပြစ်မှု” ကြောင့် ခရစ်ယာန်တို့၏နေအိမ်များကို ကျူးကျော်ဝင်ရောက်ခြင်း၊ သူတို့အား ဒဏ်ငွေတပ်ခြင်း၊ ထောင်ချခြင်းများပြုခဲ့ကြသည်။ ၁၉၇၀ ပြည့်နှစ်၌၊ ကက်သလစ်ဘာသာမဟုတ်သော အခြားဘာသာများအပေါ် အစိုးရပေါ်လစီပြောင်းလဲခဲ့၍ ယေဟောဝါသက်သေများသည် တရားဝင်မှတ်ပုံတင်နိုင်ခွင့်ရသောအခါ ထိုနှိပ်စက်ညှဉ်းပန်းမှုလည်း ရပ်တန့်သွားတော့သည်။

စ. ၃၂၊¶၂၈၊ ပထမဝါကျနှစ်ကြောင်းကို ဤသို့အစားထိုးပါ– ထိုယုတ်မာရက်စက်သော နှိပ်စက်ညှဉ်းပန်းမှုလွှမ်းမိုးခြင်းရေသည် ဒုတိယကမ္ဘာစစ်ကြီးအတွင်း မြင့်မားသောအဆင့်သို့ရောက်ခဲ့သည်။ ဥရောပတိုက်တွင် သက်သေခံ ၁၂,၀၀၀ ခန့်သည် နာဇီချွေးတပ်စခန်း၌ အကျဉ်းချခံရပြီး ၂,၀၀၀ ခန့်သေခဲ့ကြသည်။

အခန်း ၂၈

စ. ၃၊¶၄၊ အောက်ခြေမှတ်ချက်ကို ဤသို့အစားထိုးပါ– အသေးစိတ်သိလိုပါက ယေဟောဝါသက်သေများထုတ်ဝေသော ဒံယေလပရောဖက်ပြုချက်ကို ဂရုပြုလော့! စာမျက်နှာ ၁၆၅-၇၉ ကိုကျေးဇူးပြု၍ရှု။

အခန်း ၂၉

စ. ၁၇၊¶၁၄၊ ပထမစာကြောင်းသုံးကြောင်းကို ဤသို့အစားထိုးပါ– ၁၄၄,၀၀၀ ကို “မြေကြီးပေါ်၊” “လူသားတို့ထဲမှ” ဝယ်ယူတော်မူ၏။ သူတို့ကို သားများအဖြစ် ဘုရားသခင်မွေးစားတော်မူ၏။

အခန်း ၃၀

စ. ၂၂၊¶၁၀၊ ပထမစာကြောင်းကို ဤသို့အစားထိုးပါ– ဘိသိက်ခံခရစ်ယာန်များသည် ၁၈၇၀ ပြည့်လွန်နှစ်များတိုင်လေသော် မိမိတို့ကိုယ်ကို မဟာဗာဗုလုန်၏ပြည့်တန်ဆာလမ်းစဉ်များနှင့် ပြတ်စဲကင်းရှင်းအောင် သန္နိဋ္ဌာန်ချ၍ အားထုတ်ကြလေသည်။

စ. ၂၅၊¶၂၃၊ ပဉ္စမမြောက်ဝါကျကို ဤသို့အစားထိုးပါ– ထို့နောက်၊ အခြားသိုးမှလူအုပ်ကြီးကို စုသိမ်းတော်မူ၏။ (ယောဟန် ၁၀:၁၆; ဗျာဒိတ် ၇:၉)

အခန်း ၃၂

စ. ၁၁၊¶၂၇၊ အညွှန်းကျမ်းချက် “မဿဲ ၂၄:၄၂၊ ၄၄” နောက်မှစ၍ အပိုဒ်၏နောက်ဆုံးအပိုင်းကို ဤသို့အစားထိုးပါ– (မဿဲ ၂၄:၄၂၊ ၄၄; လုကာ ၁၂:၃၇၊ ၄၀) တမန်တော်ပေါလုက ဤသတိပေးချက်ကို သံယောင်လိုက်၍ ဤသို့ဆို၏– “သူခိုးသည် ညဉ့်အခါလာသကဲ့သို့ [ယေဟောဝါ] ၏နေ့ရက်သည် လာလိမ့်မည်ကို သင်တို့သည် သေချာစွာသိကြ၏။ ငြိမ်ဝပ်ခြင်းရှိ၏၊ ဘေးအန္တရာယ်နှင့်ကင်းလွတ်၏ဟုဆိုစဉ်တွင် . . . သူတို့အပေါ်၌ လျင်မြန်စွာသောပျက်စီးခြင်းရောက် [လိမ့်မည်။]” စာတန်သည် “ငြိမ်ဝပ်ခြင်းရှိ၏၊ ဘေးအန္တရာယ်နှင့်ကင်းလွတ်၏” ဟုအလွဲကြွေးကြော်စေရန် တိုင်းနိုင်ငံများအား ကြိုးဆွဲလျက်ရှိပြီ။—၁ သက်သာလောနိတ် ၅:၂၊ ၃။

အခန်း ၃၃

စ. ၂၀၊¶၂၁၊ နောက်ဆုံးစာကြောင်းမတိုင်မီစာကြောင်းကို ဤသို့အစားထိုးပါ– ထူးခြားသည်မှာ ၎င်းပုပ်ရဟန်းမင်းသည် ယေရှုခရစ်အကြောင်းကိုလည်းကောင်း၊ ဘုရားသခင့်နိုင်ငံတော်အကြောင်းကိုလည်းကောင်း အလေးပေးမပြောခြင်းဖြစ်၏။

အခန်း ၃၄

စ. ၂၃၊¶၁၊ နောက်ဆုံးစာကြောင်းမတိုင်မီစာကြောင်းကို ဤသို့အစားထိုးပါ– သို့သော် ယင်းရူပါရုံသည် ကျွန်ုပ်တို့ခေတ်တွင် အံ့သြတုန်လှုပ်ဖွယ်ကောင်းသော အခြင်းအရာတစ်ရပ်ဖြစ်လာသည်။

စ. ၂၆၊¶၁၂၊ အောက်ခြေမှတ်ချက်၊ “၁၉၈၁” ကို ဤသို့အစားထိုးပါ– ၁၉၉၃

စ. ၂၆၊¶၁၄၊ အပိုဒ်ကို ဤသို့အစားထိုးပါ– မကြာသေးမီနှစ်များက နိုင်ငံရေးသမားများသည် လူ့စီမံကိန်းများကိုဖော်ပြရန် “ငြိမ်းချမ်းပြီ၊ လုံခြုံပြီ” ဟူသောအသုံးအနှုန်းကို အသုံးပြုခဲ့ကြသည်။ ကမ္ဘာ့ခေါင်းဆောင်များ၏ အဆိုပါကြိုးပမ်းမှုများသည် ၁ သက်သာလောနိတ် ၅:၃ စတင်ပြည့်စုံစေခြင်းလော။ သို့တည်းမဟုတ် ကမ္ဘာက အာရုံစိုက်လောက်အောင် ကြီးမားသည့်အဖြစ်အပျက်တစ်ခုကို ပေါလု ကိုးကားဖော်ပြခြင်းမျှလော။ ကျမ်းစာပရောဖက်ပြုချက်များသည် ပြည့်စုံသွားပြီးမှသာ သို့မဟုတ် စ၍ပြည့်စုံလာမှသာ အပြည့်အဝနားလည်နိုင်လေ့ရှိသောကြောင့် ကျွန်ုပ်တို့ စောင့်ကြည့်နေရန်သာဖြစ်သည်။ ဤအတောအတွင်း တိုင်းနိုင်ငံများရယူနိုင်ပုံရှိသော မည်သည့်ငြိမ်းချမ်းရေးနှင့်လုံခြုံရေးမဆိုသည် ဟုတ္တိပတ္တိ ပြောင်းလဲစေမည်မဟုတ်ကြောင်း ခရစ်ယာန်များ ကောင်းစွာသိသည်။ အတ္တစိတ်၊ မုန်းတီးမှု၊ ရာဇဝတ်မှု၊ အိမ်ထောင်ပြိုကွဲမှု၊ စာရိတ္တပျက်ပြားမှု၊ ဖျားနာမှု၊ ဝမ်းနည်းကြေကွဲမှုနှင့် သေခြင်းတို့သည် ဆက်၍ရှိဦးမည်။ ထို့ကြောင့် ကမ္ဘာ့အခြင်းအရာများ၏အဓိပ္ပာယ်ကိုသတိထားပြီး ဘုရားသခင့်နှုတ်ကပါဌ်တော်ပါ ပရောဖက်ပြုချက်ဆိုင်ရာသတိပေးချက်များကို နာခံမည်ဆိုလျှင် “ငြိမ်းချမ်းပြီ၊ လုံခြုံပြီ” ဟူသောကြွေးကြော်ချက်ကြောင့် သင့်အနေဖြင့် လှည့်စားခံရဖို့ အကြောင်းမရှိပါ။—မာကု ၁၃:၃၂-၃၇; လုကာ ၂၁:၃၄-၃၆။

အခန်း ၃၆

စ. ၃၊¶၄၊ နောက်ဆုံးဝါကျသုံးကြောင်းကို ဤသို့အစားထိုးပါ– ၁၉၁၄ ခုနှစ်၌ ယေရှုသည် ကောင်းကင်ဘုရင်ဖြစ်လာပြီး ထိုအချိန်ကတည်းက ယေဟောဝါ၏တွဲဖက်ဘုရင် တရားသူကြီးအနေနှင့် မြေကြီးပေါ် အာဏာဖြန့်ကြက်လျက်နေလေပြီ။ သို့ဖြစ်၍ မဟာဗာဗုလုန်၏ကျဆုံးခြင်းကို ကိုယ်တော်ကြေညာသည်မှာ လျောက်ပတ်လှ၏။

စ. ၉၊¶၂၂၊ နောက်ဆုံးအညွှန်းကျမ်းချက်ကို ဖျက်ပါ–—မဿဲ ၂၄:၁၅၊ ၁၆ နှင့်နှိုင်းယှဉ်ပါ။

စ. ၁၁၊¶၂၈၊ တတိယနှင့် စတုတ္ထဝါကျကို ဤသို့အစားထိုးပါ– သူသည် ပေးဆပ်သည့်အတိုင်း နှစ်ဆပေးဆပ်ခြင်း ခံရမည်။ မဟာဗာဗုလုန်သည် မိမိ၏သားကောင်များအပေါ် ကရုဏာမဲ့ခဲ့သောကြောင့် ကရုဏာတော် ပြခံရမည်မဟုတ်။

အခန်း ၃၈

စ. ၂၂၊¶၁၇၊ နောက်ဆုံးဝါကျနှစ်ကြောင်းကို ဤသို့အစားထိုးပါ– မြေကြီးပေါ်တွင် ဘိသိက်ခံများကျန်ရှိနေသေးလျှင် သူတို့သည် ကောင်းကင်အမွေကို ခရစ်တော်အောင်ပွဲခံပြီးသည်နှင့် ရကြလိမ့်မည်။ ထိုအခါ သတို့သမီးအတန်းအစားမှ သူတို့၏အဖော်အဖက်များနှင့် အတူရှိလိမ့်မည်။ ၎င်းနောက် ဘုရားသခင်သတ်မှတ်ထားချိန်တွင် သိုးသငယ်၏ထိမ်းမြားမင်္ဂလာပွဲကို ကျင်းပနိုင်ကြမည်!

စ. ၂၃၊¶၁၈၊ ပထမဝါကျကို ဤသို့အစားထိုးပါ– ဆာလံ ၄၅ ပါ ပရောဖက်ပြုချက်က ထိုအစီအစဉ်အတိုင်းဖြစ်ပျက်လာမည်ကို ဖော်ပြသည်။

အခန်း ၃၉

စ. ၂၇၊¶၁၀၊ နောက်ဆုံးဝါကျနှစ်ကြောင်းကို ဤသို့အစားထိုးပါ– ထို့ပြင် ယေရှုသည် ဘုန်းရှိသောပလ္လင်တော်ပေါ်မှာစံလျက် မြေကြီးပေါ်မှ တိုင်းနိုင်ငံနှင့်လူမျိုးများကို တရားစီရင်တော်မူချိန်တွင် ‘ကောင်းကင်တမန်အပေါင်းတို့’ သည် ကိုယ်တော့်ရှေ့ ခစားကြလိမ့်မည်။ (မဿဲ ၂၅:၃၁၊ ၃၂) အနိုင်အရှုံးအဆုံးအဖြတ်ပေးသော ထိုစစ်ပွဲ၌ ဘုရားသခင်၏တရားစီရင်ချက်ကို အပြီးအပြတ်ဖော်ဆောင်တော်မူသောအခါ ကောင်းကင်တမန်များသည် ယေရှုအား တစ်ဖန်ခြံရံကြမည်ဧကန်။

အခန်း ၄၁

စ. ၁၁၊¶၅၊ ပထမဝါကျလေးကြောင်းကို ဤသို့အစားထိုးပါ– မြေကြီးဟောင်းနှင့် ကောင်းကင်ဟောင်း ပျောက်လွင့်သွားသည့်နောက် တရားစီရင်ခံရန် မည်သူများကျန်ရစ်ကြမည်နည်း။ ၁၄၄,၀၀၀ ထဲမှ ဘိသိက်ခံအကြွင်းအကျန်မဖြစ်နိုင်။ အကြောင်းမှာ သူတို့သည် တရားစီရင်၍ တံဆိပ်ခတ်ခြင်းခံရပြီဖြစ်၏။ အာမဂေဒုန်ပြီးနောက် မြေကြီးပေါ် ဘိသိက်ခံအချို့ ကျန်ရှိနေသေးလျှင် သူတို့သည် များမကြာမီ သေလွန်၍ ထမြောက်ခြင်းဖြင့် ကောင်းကင်ဆုကို ဆွတ်ခူးကြရမည်။ (၁ ပေတရု ၄:၁၇; ဗျာဒိတ် ၇:၂-၄)

အခန်း ၄၃

စ. ၂၅၊¶၁၉၊ အညွှန်းကျမ်းချက် “ဗျာဒိတ် ၁၁:၁၅; ၁၂:၁၀” နောက်မှဝါကျများကို ဤသို့အစားထိုးပါ– နောက်ဆုံးကာလအတွင်း ဝိညာဉ်တော်နှင့် သတို့သမီးက အသက်ရေကို အခမဲ့သောက်သုံးရန် စိတ်နှလုံးရိုးဖြောင့်သူများကို ဖိတ်ခေါ်လျက်ရှိသည်။ ထိုသူတို့သည် ဤအစီအစဉ်စနစ်အဆုံးတိုင်ချိန်မက “ဘုရားသခင့်အထံတော် ကောင်းကင်ဘုံမှ” ယေရုရှလင်မြို့သစ် “ဆင်းသက်လာ” ချိန် ကမ္ဘာသစ်အထိ ဤမြစ်ရေကို သောက်သုံးနိုင်ကြလိမ့်မည်။—ဗျာဒိတ် ၂၁:၂။

စ. ၂၆၊¶၂၆၊ ပထမဝါကျနှစ်ကြောင်းကို ဤသို့အစားထိုးပါ– မြစ်ရေကိုဝစွာသောက်ရသော ထိုအပင်တို့တွင် သိုးသငယ်၏မိန်းမ ၁၄၄,၀၀၀ လည်းပါဝင်ပေမည်။ မြေကြီးပေါ်မှာ သူတို့ရှိကြစဉ် ယေရှုခရစ်အားဖြင့် ဘုရားသခင်စီမံပေးသော အသက်ရေကို သောက်သုံးကြသည်။ ယေရှု၏ ဤဝိညာဉ်တော်ဖွား ညီတော်များကို “ဖြောင့်မတ်ခြင်းသပိတ်ပင်” များဟု ပရောဖက်ပြု ခေါ်ဆိုထားခြင်းသည် စိတ်ဝင်စားစရာပင်။ (ဟေရှာယ ၆၁:၁-၃; ဗျာဒိတ် ၂၁:၆)