သင့်ဓမ္မအမှုကို တိုးချဲ့နိုင်ပါသလော

၁။ လယ်ကွင်းဓမ္မအမှုတွင် အဘယ်အရာ အရေးတကြီးလိုအပ်နေသနည်း၊ အဘယ်ကြောင့်နည်း။

^၁ ယေရှုသည် နိုင်ငံတော်သတင်းကောင်းကို လူများစွာ စိတ်ဝင်စားကြောင်း တွေ့ရသောအခါ မိမိ၏တပည့်များအား “လုပ်သားများစေလွှတ်ပေးရန် စပါးရှင်ထံ တောင်းဆိုကြ” ဖို့ ညွှန်ကြားခဲ့သည်။ (မ. ၉:၃၇၊ ၃၈) ကျွန်ုပ်တို့သည် ရိတ်သိမ်းရာကာလ ကုန်ဆုံးတော့မည့်အချိန်တွင် ရှိနေကြသောကြောင့် ကျွန်ုပ်တို့၏လုပ်ငန်းသည် မည်သည့်အချိန်ကထက်မဆို ပို၍ပင် အရေးတကြီးဖြစ်နေပါသည်။ ယင်းက ကျွန်ုပ်တို့သည် လယ်ကွင်းဓမ္မအမှုတွင် မည်သို့ပို၍ပါဝင်နိုင်ပုံကို ဆုတောင်းသုံးသပ်သင့်သည်ဟူသည့် သဘောသက်ရောက်၏။—ယော. ၁၄:၁၃၊ ၁၄။

၂။ လယ်ကွင်းလုပ်ငန်းတွင် လုပ်သားများပိုမိုလိုအပ်နေမှုကို အချို့သူတို့ မည်သို့တုံ့ပြန်ခဲ့ကြသနည်း။

^၂ ဓမ္မအမှုတိုးချဲ့ရန် နည်းလမ်းများ– လူများစွာသည် ယေဟောဝါ၏လမ်းညွှန်မှုနှင့် ကူညီမှုဖြင့် ရှေ့ဆောင်လုပ်ငန်းတွင် စတင်ပါဝင်နိုင်ခဲ့ကြောင်း တွေ့ ရှိခဲ့ကြသည်။ (ဆာ. ၂၆:၂၊ ၃; ဖိ. ၄:၆) အချို့သည် တစ်နှစ်အတွင်း တစ်လ သို့မဟုတ် ထို့ထက်ပို၍ အရန်ရှေ့ဆောင်အဖြစ် လုပ်ဆောင်ရန် အထူးကြိုးစားအားထုတ်ခဲ့ကြသည်။ ယင်းသည် သူတို့၏ဓမ္မအမှုကိုတိုးချဲ့ရန် နည်းလမ်းကောင်းတစ်ခုဖြစ်ကြောင်း ထင်ရှားခဲ့သည်။ ဤအခွင့်ထူးတွင်ပါဝင်ခြင်းမှ ရရှိလာသည့် ပျော်ရွှင်မှုက လူများစွာအား မှန်မှန်ရှေ့ဆောင်လုပ်ရန် သုံးသပ်စေခဲ့သည်။—တ. ၂၀:၃၅။

၃။ သင်သည် ယခင်က ရှေ့ဆောင်လုပ်ခဲ့ဖူးလျှင် ယခု အဘယ်အရာကို စဉ်းစားသုံးသပ်နိုင်သနည်း။

^၃ ရှေ့ဆောင်လုပ်ငန်းတွင် သင် ပြန်ပါဝင်နိုင်ပါသလော– သင်သည် ယခင်က ရှေ့ဆောင်တစ်ဦးအဖြစ် အမှုဆောင်ခဲ့သည်ဆိုလျှင် ထိုအချိန်က စိတ်ကြည်နူးဖွယ်အမှတ်တရများ ရှိခဲ့မည်မှာ အမှန်ပင်။ ရှေ့ဆောင်လုပ်ငန်းတွင် ပြန်လည်ပါဝင်နိုင်ရန် ဆုတောင်း၍ စဉ်းစားသုံးသပ်ပြီးပြီလော။ ယခင်က သင့်အား ရှေ့ဆောင်လုပ်ခြင်းမှ ရပ်တန့်သွားစေခဲ့သည့် အခြေအနေများသည် ယခု အတားအဆီးဖြစ်ချင်မှဖြစ်ပေမည်။ ယခုအချိန်သည် သင်ရှေ့ဆောင်ပြန်လုပ်ရန် အချိန်ဖြစ်ပေမည်။—၁ ယော. ၅:၁၄၊ ၁၅။

၄။ ကျွန်ုပ်တို့အားလုံးအတွက် အဘယ်ထူးမြတ်လှသော အခွင့်အရေး ပွင့်နေသနည်း။

^၄ ရိတ်သိမ်းခြင်းလုပ်ငန်းသည် တိုးတက်အောင်မြင်နေပြီး မကြာမီ ပြီးဆုံးတော့မည်ဖြစ်သည်။ (ယော. ၄:၃၅၊ ၃၆) ကျွန်ုပ်တို့အားလုံး လယ်ကွင်းတွင် တိုးချဲ့ပါဝင်ရန် မိမိတို့၏နေ့စဉ်လုပ်ငန်းဆောင်တာများကို ပြုပြင်ပြောင်းလဲနိုင်မနိုင် ပိုင်းခြားဆုံးဖြတ်ဖို့ မိမိတို့၏လက်ရှိအခြေအနေကို ဆန်းစစ်နိုင်ကြပါစေ။ သို့မဟုတ် ကျွန်ုပ်တို့၏လုပ်ငန်းကို အမှန်တကယ်မတိုးချဲ့နိုင်ပါက ပို၍ထိရောက်စွာလုပ်ဆောင်နိုင်သည့် နည်းလမ်းများကို ရှာဖွေနိုင်ပါသလော။ (မာ. ၁၂:၄၁-၄၄) မိမိတို့၏လက်ရှိအခြေအနေများက ယေဟောဝါ၏အသုံးတော်ခံရန် ခွင့်ပြုသူအားလုံးအတွက် ဤရှေ့ဆောင်လုပ်ငန်းတွင် ပါဝင်ရခြင်းသည် အခွင့်ထူးတစ်ခုဖြစ်ပေသည်။—ဆာ. ၁၁၀:၃။