နမူနာတင်ဆက်နည်းများ
ဒီဇင်ဘာလရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစဖို့ အခုလိုပြောနိုင်တယ်
“ဒီနေ့ခေတ်မှာ လူတွေဟာ အကြမ်းဖက်မှုတွေ၊ ဆိုးရွားတဲ့ရောဂါတွေနဲ့ အသက်အန္တရာယ်ရှိတဲ့အခြေအနေတွေကို အရင်ကထက် ပိုပြီး ကြုံတွေ့လာရတယ်။ ဒါပေမဲ့ လူတွေဟာ ကျန်းကျန်းမာမာနဲ့ အသက်ရှည်ရှည် နေချင်ကြတယ်။ မိတ်ဆွေကော အဲဒီလို မနေချင်ဘူးလား။ [တုံ့ပြန်မှုကို စောင့်ပါ။] ဒီမဂ္ဂဇင်းရဲ့ စာမျက်နှာ ၁၁ မှာ စိတ်သက်ရာရစေမယ့် ဘုရားပေးကတိတစ်ခုကို ဖော်ပြထားပါတယ်။ အဲဒီကတိတော်ကို ကျမ်းဂန်ကနေ ဖတ်ပြချင်တယ်။ [ဗျာဒိတ် ၂၁:၃-၅ ကိုဖတ်ပါ။] ဘုရားပေးကတိတော် ဘယ်လိုပြည့်စုံလာမယ်ဆိုတာကို ဒီဆောင်းပါးမှာ ရှင်းပြထားပါတယ်။” မဂ္ဂဇင်းဝေငှပြီး နောက်အပိုဒ်ကို ဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
ကင်းမျှော်စင် ဒီဇင်ဘာ ၁
“ဒီနေ့အချိန်မှာ လူတွေက အလုပ်များလွန်းလို့ ဘုရားကိုတောင် သတိမရကြတော့ဘူး။ ကိုယ့်ဘဝမှာ ဘုရားရှိဖို့လိုတယ်လို့ မိတ်ဆွေထင်ပါသလား။ [တုံ့ပြန်မှုကို စောင့်ပါ။] စစ်မှန်တဲ့ပျော်ရွှင်မှုရအောင် ဘာလုပ်ရမယ်ဆိုတာ ကျမ်းဂန်မှာ ခုလိုဖော်ပြထားတယ်။ [မဿဲ ၅:၃ ကိုဖတ်ပါ။] ဘဝမှာ ဘုရားရှိဖို့ လိုအပ်တဲ့အကြောင်းရင်းသုံးခုကို ဒီမဂ္ဂဇင်းမှာ ဖော်ပြထားပါတယ်။”
နိုးလော့! ဒီဇင်ဘာ
“ကျွန်တော်တို့အများစုဟာ ကြားရတဲ့၊ ဖတ်ရတဲ့ သတင်းတွေအပေါ် မူတည်ပြီး အမျိုးမျိုး တွေးထင်တတ်ကြတယ်။ ကျွန်တော်တို့ ရရှိတဲ့သတင်းတွေက မှန်ကန်ပြီး ယုံကြည်စိတ်ချနိုင်တယ်လို့ မိတ်ဆွေ ထင်သလား။ [တုံ့ပြန်မှုကို စောင့်ပါ။] ကြားတဲ့အရာတိုင်းကို ဆန်းစစ်ပြီးမှယုံဖို့ ကျမ်းစာက အားပေးထားတယ်။ [ယောဘ ၁၂:၁၁ ကိုဖတ်ပါ။] ကျွန်တော်တို့ ကြားရတဲ့၊ ဖတ်ရတဲ့ သတင်းတွေကို ဘယ်လိုဆန်းစစ်နိုင်မလဲဆိုတာ ဒီမဂ္ဂဇင်းမှာ ဖော်ပြထားပါတယ်။”