ခရစ်ယာန်အသက်တာနဲ့ အမှုဆောင်လုပ်ငန်း လေ့ကျင်းခန်းစာစောင် မှာပါတဲ့ အညွှန်းများ
ဇူလိုင် ၃-၉
ကျမ်းစာထဲက အဖိုးတန်ဘဏ္ဍာများ | ယေဇကျေလ ၁၁-၁၄
“ဘုရားသခင့်လမ်းညွှန်ချက်ကို လက်ခံလွယ်တဲ့ နှလုံးသားရှိသလား”
ယေဇကျေလကျမ်းမှ ပေါ်လွင်ချက်များ—၁
ဘီစီ ၆၁၂ တွင် စိတ်အာရုံတစ်ခု၌ ယေဇကျေလကို ယေရုရှလင်မြို့သို့ ခေါ်ဆောင်သွားသည်။ ဘုရားသခင်၏ ဝတ်ပြုရာအိမ်တော်တွင်ဖြစ်ပျက်နေသော ရွံရှာဖွယ်အရာများကို သူတွေ့မြင်ရလေသည်။ အယူဖောက်ပြန်မှုအတွက် ယေဟောဝါ၏အမျက်တော်ကိုဖော်ပြရာတွင် ကောင်းကင်မှ ကိုယ်တော်၏လက်မရွံ့သား (“လူခြောက်ယောက်” ဖြင့် တင်စားခံရသူ) တို့ကို စေလွှတ်တော်မူသောအခါ ‘နဖူးတွင်အမှတ်’ ထိုးမှတ်ခံရသူတို့သာလျှင် လွတ်မြောက်ကြမည်။ (ယေဇကျေလ ၉:၂-၆) သို့သော် ဦးဆုံး ဖျက်ဆီးခြင်းဆိုင်ရာ ဘုရားသခင်၏ အမျက်တော်မီးသတင်းစကားဖြစ်သည့် “မီးခဲ” ကို မြို့အပေါ်တွင် ကြဲဖြန့်ရမည်ဖြစ်သည်။ (ယေဇကျေလ ၁၀:၂) ယေဟောဝါသည် ‘သူတို့၏အပြစ်ကို သူတို့၏ခေါင်းပေါ်သို့ ရောက်စေ’ သော်လည်း ကွဲလွင့်နေသောဣသရေလလူတို့ကို ပြန်စုသိမ်းမည်ဟု ကိုယ်တော်ကတိပြုထားသည်။—ယေဇကျေလ ၁၁:၁၇-၂၁။
ကိုယ်ပိုင်ဆုံးဖြတ်ချက်တွေကို သင် ဘယ်လိုချသလဲ
၉ ကျွန်တော်တို့လည်း ယေရှုလိုပဲ ယေဟောဝါရဲ့ လမ်းညွှန်မှုကို အားကိုးမယ်ဆိုရင် ပညာရှိဆုံးဖြတ်ချက်တွေ ချနိုင်ပါလိမ့်မယ်။ ‘ယေဟောဝါကို စိတ်နှလုံးအကြွင်းမဲ့ ယုံကြည်ကိုးစားပါ။ ကိုယ့်ရဲ့သိနားလည်နိုင်စွမ်းကို အားမကိုးနဲ့။ ဘာပဲလုပ်လုပ် ဘုရားကို ထည့်စဉ်းစားပါ။ ဘုရားက သင့်ရဲ့လမ်းခရီးတွေကို ဖြောင့်ဖြူးစေမယ်။ ကိုယ့်ကိုယ်ကိုယ် ပညာရှိတယ်လို့ မထင်နဲ့။ ယေဟောဝါကို ကြောက်ရွံ့ရိုသေပြီး မကောင်းမှုကို ရှောင်ပါ’ လို့ ကျမ်းစာ ပြောတယ်။ (သု. ၃:၅-၇၊ ကဘ) ကျမ်းစာလေ့လာတဲ့အခါ ယေဟောဝါ စဉ်းစားသလို စဉ်းစားတတ်လာတယ်။ အဲဒီအခါ သတ်သတ်မှတ်မှတ် အခြေအနေ တစ်ခုနဲ့ပတ်သက်ပြီး ယေဟောဝါရဲ့ အလိုတော်ကို ကျွန်တော်တို့ နားလည်လာပါလိမ့်မယ်။ ယေဟောဝါ စဉ်းစားသလို စဉ်းစားတတ်လေ ကိုယ်တော်နှစ်သက်တဲ့ ဆုံးဖြတ်ချက်တွေ ချဖို့ ပိုလွယ်ကူလေ ဖြစ်လာပါလိမ့်မယ်။ ဒီနည်းအားဖြင့် ဘုရားသခင့် လမ်းညွှန်မှုကို ပိုနားလည်လာပါလိမ့်မယ်။
ရှာဖွေလေ့လာ ဘုရားရေးရာရတနာ
ယေဇကျေလကျမ်းမှ ပေါ်လွင်ချက်များ—၁
၁၂:၂၆-၂၈။ မိမိ၏သတင်းစကားကို ပြောင်လှောင်သူတို့ကိုပင် ယေဇကျေလဤသို့ဆိုခဲ့၏– ‘[ယေဟောဝါ] ၏စကားပြည့်စုံချိန် မရွေ့ရ။ ပြောသည်အတိုင်းလည်း ပြည့်စုံစေမည်။’ ဤအစီအစဉ်စနစ်ကို ယေဟောဝါအဆုံးမတိုင်စေမီတွင် အခြားသူများ ကိုယ်တော်ကို ယုံကြည်ကိုးစားလာစေရန် ကျွန်ုပ်တို့ အတတ်နိုင်ဆုံး ကူညီပေးရမည်။
ယေဟောဝါ ပြင်ဆင်ပေးရာတွေကနေ အကျိုးအပြည့်အဝ ရယူပါ
၁၃ ဥပမာ၊ ‘တိုင်းပြည်တစ်ပြည်ဟာ ငါ့အပေါ် သစ္စာမဲ့ပြီး ပြစ်မှားတယ်ဆိုရင် ငါ့လက်ကိုဆန့်ပြီး တိုင်းပြည်ရဲ့ စားနပ်ရိက္ခာကို ဖျက်ဆီးမယ်။ အငတ်ဘေး ကျရောက်စေပြီး လူနဲ့တိရစ္ဆာန်တွေကို ပယ်ရှင်းမယ်။ “အဲဒီပြည်မှာ နောဧ၊ ဒံယေလ၊ ယောဘတို့ ရှိနေရင်တောင် သူတို့ဟာ ကိုယ့်ဖြောင့်မတ်မှုကြောင့် ကိုယ့်ကိုယ်ကိုယ်ပဲ ကယ်တင်နိုင်လိမ့်မယ်။” ဒါဟာ အချုပ်အခြာအာဏာပိုင်ရှင် ငါယေဟောဝါ ပြောတဲ့စကားပဲ’ လို့ ယေဇကျေလ ၁၄:၁၃၊ ၁၄ (ကဘ) မှာ ပြောတယ်။ ရှာဖွေလေ့လာကြည့်တဲ့အခါ ဒီစကားတွေကို ဘီစီ ၆၁၂ လောက်မှာ ယေဇကျေလ ရေးသားခဲ့တယ်ဆိုတာ သိရတယ်။ နောဧနဲ့ ယောဘ သေဆုံးခဲ့တာ နှစ်ပေါင်းများစွာရှိနေပြီဖြစ်ပေမဲ့ သူတို့ရဲ့ သစ္စာရှိမှုကို ယေဟောဝါ အမှတ်ရနေတုန်းပဲ။ ဒံယေလကတော့ သက်ရှိထင်ရှား ရှိနေသေးတယ်။ နောဧနဲ့ ယောဘလို ဖြောင့်မတ်တယ်လို့ ဒံယေလကို ယေဟောဝါ ပြောချိန်မှာ သူ့အသက် ၂၀ လောက်ပဲ ရှိသေးတာဖြစ်နိုင်တယ်။ ဒီကနေ ဘာသိရသလဲ။ ယေဟောဝါက လူငယ်တွေအပါအဝင် သစ္စာရှိသူအားလုံးကို သိပြီး တန်ဖိုးထားတယ်။—ဆာ. ၁၄၈:၁၂-၁၄။
ယေဇကျေလကျမ်းမှ ပေါ်လွင်ချက်များ—၁
၁၄:၁၂-၂၃။ ကယ်တင်ခြင်းရရန်မှာ ကျွန်ုပ်တို့ကိုယ်တိုင်၏တာဝန်ဖြစ်သည်။ ကျွန်ုပ်တို့အတွက် မည်သူမျှ မလုပ်ဆောင်ပေးနိုင်ပါ။—ရောမ ၁၄:၁၂။
ခရစ်ယာန်အသက်တာလမ်းစဉ်
“ဘော်ဒါကျောင်း၌ သင့်ကလေးကို ထားသင့်ပါသလော”
သင်သည် ဖွံ့ဖြိုးဆဲနိုင်ငံတစ်ခုမှ မြို့ငယ်ကလေးတစ်မြို့တွင် နေထိုင်သည်ဟုစိတ်ကူးကြည့်ပါ။ သင့်ကလေးများသည် မူလတန်းကျောင်းတွင် ကျောင်းတက်နေကြသည်။ သို့သော် သူတို့အသက် ၁၂ နှစ်အရွယ်တွင် အလယ်တန်းကျောင်းသို့တက်ရတော့မည်။ သင့်ဒေသရှိ အလယ်တန်းကျောင်းတို့သည် လူပြည့်ကျပ်လွန်းပြီး ကျောင်းပစ္စည်းမှာလည်းမပြည့်စုံသည့်အပြင် ဆရာအလုံအလောက်မရှိချေ။ တစ်ခါတစ်ရံ ... ကျောင်းများကိုရက်ရှည်လများ ပိတ်ထားတတ်သည်။
တစ်စုံတစ်ဦးက မြို့ကြီးတစ်မြို့၌ရှိသော ဘော်ဒါကျောင်းတစ်ကျောင်းကို သရုပ်ဖော်ထားသည့် ဆွဲဆောင်မှုရှိသော ဘရိုရှာတစ်စောင်ကို သင့်အားကမ်းလိုက်သည်။ ပျော်ရွှင်၍ သပ်ရပ်သားနားစွာဝတ်ဆင်ထားသည့် ကျောင်းသားများသည် ပစ္စည်းကိရိယာပြည့်စုံသည့် စာသင်ခန်းများ၊ လက်တွေ့စမ်းသပ်ခန်းများနှင့် စာကြည့်တိုက်များတွင် လေ့လာနေသည့်ပုံများကိုသင်တွေ့ရသည်။ ကျောင်းသားကျောင်းသူများသည် ကွန်ပျူတာများကို အသုံးပြုကြပြီး သန့်ရှင်း၍ဆွဲဆောင်မှုရှိသော စုပေါင်းအိပ်ခန်းများ၌ အနားယူကြသည်။ ထိုကျောင်း၏ရည်ရွယ်ချက်တစ်ခုမှာ တပည့်များကို “သူတို့လိုက်နိုင်သရွေ့ အမြင့်ဆုံးပညာရည်အဆင့်ကိုရရှိဖို့” ထောက်ကူရန်ဖြစ်သည်ဟုသင်ဖတ်မိသည်။ “သာမန်အားဖြင့် မိသားစုတစ်ခု၌ ရည်မွန်ခြင်း၊ ယဉ်ကျေးခြင်း၊ မိဘနှင့် အကြီးအကဲများကိုရိုသေလေးစားခြင်း၊ ပူးပေါင်းဆောင်ရွက်လိုစိတ်ရှိခြင်း၊ သည်းခံနိုင်စွမ်းရှိခြင်း၊ သနားကြင်နာတတ်ခြင်း၊ ရိုးသားခြင်းနှင့် ဖြောင့်မတ်ခြင်းတို့ကို အလေးပေးတောင်းဆိုသကဲ့သို့ ကျောင်းသားအားလုံးကို ကျင့်ဝတ်နှင့်အညီ လိုက်နာဖို့တောင်းဆိုထားသည်” ဟူ၍သင်ဆက်လက်ဖတ်မိသည်။
ပြုံးရွှင်နေသည့်လူငယ်တစ်ဦး၏ ပြောဆိုချက်ကို ဤသို့ကိုးကားထားသည်– “ကျွန်တော့်ရဲ့မိဘတွေဟာ အကောင်းဆုံးကျောင်းကိုတက်ဖို့ ကျွန်တော့်ကို အထူးအခွင့်အရေးပေးခဲ့တယ်။” မိန်းကလေးတစ်ဦးက ဤသို့ဆိုသည်– “ဒီကျောင်းဟာ စိန်ခေါ်စရာနဲ့ စိတ်လှုပ်ရှားစရာတွေရှိတယ်။ ဒီမှာဆိုရင် သူ့အလိုလို တတ်မြောက်လာတာပါပဲ။” သင်၏သား သို့မဟုတ် သမီးကို ဤသို့သောဘော်ဒါကျောင်းသို့ သင်ပို့မည်လော။
ပညာရေးနှင့် ဝိညာဉ်ရေး
ဂရုစိုက်တတ်သောမိဘများအားလုံး မိမိတို့၏ကလေးများအသက်တာတွင် အခြေခံကောင်းကိုပေးလိုကြပြီး ထိုရည်ရွယ်ချက်အောင်မြင်စေရေးတွင် ပြည့်ဝစုံလင်၍ မျှတမှုရှိသောပညာရေးသည် အရေးကြီးသည်။ လောကီပညာရေးသည် အနာဂတ်တွင်အလုပ်အကိုင်ရရှိဖို့ အခွင့်အရေးတံခါးကိုဖွင့်ပေး၍ လူငယ်များကို မိမိတို့ကိုယ်တိုင်နှင့် မိမိတို့၏အနာဂတ်မိသားစုများကို ကြည့်ရှုစောင့်ရှောက်နိုင်သည့်လူကြီးများအဖြစ်သို့ တိုးတက်လာဖို့ကူညီပေးလေ့ရှိသည်။
‘ဘော်ဒါကျောင်းတစ်ခုဟာ ကောင်းတဲ့ပညာရေးအပြင် စာရိတ္တလမ်းညွှန်ချက်တွေလည်းပေးမယ်ဆိုရင် လက်မခံသင့်ဘူးလား’ ဟူ၍သင်မေးပေမည်။ ယင်းမေးခွန်းကိုဖြေဆိုရာ၌ ခရစ်ယာန်မိဘများသည် မိမိတို့ကလေးများ၏ ဝိညာဏကောင်းကျိုးချမ်းသာတည်းဟူသော အလွန့်အလွန်အရေးကြီးသည့်အကြောင်းကို လေးလေးနက်နက်စဉ်းစားသင့်ပေသည်။ ယေရှုခရစ်တော် ဤသို့မေးခွန်းထုတ်ခဲ့သည်– “လူသည်ဤစကြဝဠာကိုအကြွင်းမဲ့အစိုးရ၍ မိမိအသက်ဝိညာဉ်ရှုံးလျှင် အဘယ်ကျေးဇူးရှိသနည်း။” (မာကု ၈:၃၆) ယင်းသို့ဖြစ်ပါက လုံးဝအကျိုးမရှိသည်မှာ အမှန်ပင်။ ထို့ကြောင့် ခရစ်ယာန်မိဘများသည် မိမိတို့၏သားသမီးများကို ဘော်ဒါကျောင်းသို့ပို့ရန်မဆုံးဖြတ်မီ မိမိတို့သားသမီးများထာဝရအသက်ရရေးကို မည်သို့ထိခိုက်နိုင်ကြောင်းကို စဉ်းစားသင့်သည်။
အခြားကျောင်းသားများ၏ ဩဇာ
အချို့သောဘော်ဒါကျောင်းများသည် စိတ်စွဲမက်ဖွယ်ဖြစ်သော အဆင့်မြင့်ပညာရေးကိုပေးနိုင်ပေသည်။ သို့သော် ထိုကျောင်းကိုတက်ရောက်ကြသူများ သို့မဟုတ် ယင်းသို့သောကျောင်းတွင်သင်ကြားပေးသူများ၏ စာရိတ္တစံနှုန်းများကော မည်သို့နည်း။ ဤ ‘နောက်ဆုံးသောနေ့ရက်များ’ တွင် ပေါများလာမည့် လူအမျိုးအစားနှင့်စပ်လျဉ်း၍ တမန်တော်ပေါလုက ဤသို့ရေးသားခဲ့သည်– “နောင်ကာလသည် ခဲယဉ်းသောကာလဖြစ်မည်ဟုသိမှတ်လော့။ အဘယ်သို့နည်းဟူမူကား၊ လူတို့သည်ကိုယ်ကိုကိုယ်ချစ်သောသူ၊ ငွေကိုတတ်မက်သောသူ၊ ဝါကြွားသောသူ၊ ထောင်လွှားစော်ကားသောသူ၊ သူ့အသရေကိုရှုတ်ချသောသူ၊ မိဘစကားကိုနားမထောင်သောသူ၊ ကျေးဇူးမရှိသောသူ၊ သန့်ရှင်းခြင်းမရှိသောသူ၊ ပကတိကြင်နာစုံမက်ခြင်းနှင့်ကင်းသောသူ၊ ရန်ငြိုးဖွဲ့သောသူ၊ ချောစားတတ်သောသူ၊ ကိုယ်ဣန္ဒြေကိုမချုပ်တည်းနိုင်သောသူ၊ ပြင်းထန်သောသူ၊ သူတော်ကောင်းကိုမုန်းသောသူ၊ သစ္စာကိုဖျက်တတ်သောသူ၊ သတိပေးခြင်းကိုမခံသောသူ၊ မာန်မာနနှင့်ယစ်မူးသောသူ၊ ဘုရားသခင်ကိုနှစ်သက်သည်ထက် ကာမဂုဏ်ခံစားခြင်းကိုသာ၍နှစ်သက်သောသူ၊ ဘုရားဝတ်၌မွေ့လျော်ယောင်ဆောင်၍၊ မွေ့လျော်ခြင်းတန်ခိုးကိုငြင်းပယ်သောသူဖြစ်ကြလိမ့်မည်။ ထိုသူတို့ကိုရှောင်လော့။”—၂ တိမောသေ ၃:၁-၅။
ဤအကျင့်စာရိတ္တနှင့် ဝိညာဏပျက်စီးယိုယွင်းမှုသည် ကမ္ဘာအနှံ့ဖြစ်ပေါ်နေပြီးကျမ်းစာမူများအတိုင်းအသက်ရှင်နေထိုင်ကြသည့် ယေဟောဝါသက်သေများအတွက် စိန်ခေါ်ချက်တစ်ရပ်ပေါ်ပေါက်လာလေသည်။ နေ့စဉ်အိမ်ပြန်လာသည့်ကျောင်းသားများသည် လောကီကျောင်းနေဖက်များနှင့်အနည်းအကျဉ်းပေါင်းသင်းခြင်းကပင် သူတို့၏ဝိညာဏရေးရာအပေါ် ကြီးမားသည့် အပျက်သဘောသြဇာလွှမ်းမိုးနိုင်ကြောင်းတွေ့ရှိကြသည်။မိမိတို့၏မိဘများထံမှ အထောက်အကူ၊ အကြံဉာဏ်နှင့် အားပေးမှုများကိုနေ့စဉ်ရရှိလျက်ပင် သက်သေခံသားသမီးများအနေဖြင့် ထိုသြဇာလွှမ်းမိုးမှုများကိုတွန်းလှန်ရန် အတော်အတန်ကြိုးစားရုန်းကန်ရနိုင်သည်။
ထိုသို့ဖြစ်လျှင် မိမိတို့အိမ်မှဘော်ဒါကျောင်းများသို့ ပို့လိုက်သည့်ကလေးများ၏ အခြေအနေကော အသို့နည်း။ သူတို့သည်သီးခြားပစ်ထားခြင်းခံရပြီး မေတ္တာရှိမိဘများထံမှ ဝိညာဏအထောက်အကူကို ပုံမှန်မရသည့်အခြေအနေသို့ ရောက်နေကြသည်။ သူတို့၏အတန်းဖော်များနှင့် ၂၄ နာရီလုံးလုံးနေရသည့်အတွက်ကြောင့် ရွယ်တူများနှင့်လိုက်လျောညီညွတ်ရန် အိမ်တွင်နေသည့်ကျောင်းသားများထက် သူတို့၏နုနယ်သည့်စိတ်နှလုံးသည် သာ၍ပြင်းထန်သည့်သြဇာလွှမ်းမိုးမှုခံရနိုင်သည်။ ကျောင်းသားတစ်ဦးက ဤသို့ဆိုသည်– “ဘော်ဒါကျောင်းသားတစ်ဦးသည် စာရိတ္တရေးအရ နေ့ရောညပါအန္တရာယ်နှင့်ရင်ဆိုင်နေရသည်။”
ပေါလုဤသို့ရေးသားခဲ့သည်– “အလွဲမယူကြနှင့်။ မကောင်းသောသူနှင့်ပေါင်းဖော်ခြင်းအားဖြင့် ကောင်းသောအကျင့်ဓလေ့ယိုယွင်းတတ်၏။” (၁ ကောရိန္သု ၁၅:၃၃) ခရစ်ယာန်မိဘများအနေနှင့် မိမိတို့၏သားသမီးများသည် ဘုရားသခင်ကိုမကိုးကွယ်သောသူများနှင့် တစ်ချိန်လုံးပေါင်းသင်းနေသည့်အတွက် ဝိညာဏအန္တရာယ်ရှိမည်မဟုတ်ဟု တလွဲမတွေးသင့်ချေ။ အချိန်အတော်အတန်ကြာသည့်အခါ ဘုရားတရားကြည်ညိုသည့်ကလေးများသည် ခရစ်ယာန်စံနှုန်းနှင့်ပတ်သက်၍ အကဲမဆတ်တော့ဘဲ ဝိညာဏရေးရာများကိုတန်ဖိုးထားလေးစားမှု လုံးဝပျောက်သွားနိုင်သည်။ တစ်ခါတစ်ရံ မိဘများအနေဖြင့် ၎င်းကိုမိမိတို့၏ကလေးများ ဘော်ဒါကျောင်းမှပြန်လာသည့်အချိန်ကျမှ သိလာကြသည်။ ထိုအချိန်တွင် ကိစ္စရပ်များကိုပြုပြင်ရန် နောက်ကျသွားလေ့ရှိသည်။
ကလဲမန့်တ်၏အတွေ့အကြုံမှာ ထူးခြားသည်။ သူဤသို့ပြန်ပြောပြသည်– “ဘော်ဒါကျောင်းကိုမသွားခင်က ကျွန်တော်ဟာသမ္မာတရားကိုချစ်မြတ်နိုးပြီး ညီအစ်ကိုများနဲ့လယ်ကွင်းလုပ်ငန်းတော်မှာပါဝင်တယ်။ ကျွန်တော်တို့ရဲ့ မိသားစုကျမ်းစာသင်အံမှုနဲ့ အသင်းတော်စာအုပ်ကြီးသင်တန်းမှာပါဝင်ခြင်းကို ကျွန်တော်အထူးနှစ်သက်ခဲ့ပါတယ်။ ဒါပေမဲ့ ကျွန်တော့်အသက် ၁၄ နှစ်အရွယ်ရောက်တဲ့အခါ ဘော်ဒါကျောင်းမှာသွားနေပြီး သမ္မာတရားကိုလုံးဝစွန့်လွှတ်လိုက်ပါတယ်။ ဘော်ဒါကျောင်းမှာနေတဲ့ငါးနှစ်အတွင်းမှာ ကျွန်တော်စည်းဝေးတစ်ခါမှမတက်ခဲ့ဘူး။ မကောင်းတဲ့အပေါင်းအသင်းတွေနဲ့ ပေါင်းတဲ့အတွက်ကြောင့် ကျွန်တော်ဟာ မူးယစ်ဆေးဝါး၊ ဆေးလိပ်နဲ့ အရက်ကိုအလွန်အကျွံသောက်သူဖြစ်လာတယ်။”
ဆရာ၊ ဆရာမများ၏သြဇာ
မည်သည့်ကျောင်းတွင်မဆို မိမိတို့၏အခွင့်အာဏာကိုအလွဲသုံးစားပြုသည့် အကျင့်စာရိတ္တပျက်စီးယိုယွင်းသူ ... များရှိနိုင်သည်။ အချို့သူတို့မှာရက်စက်၍ ခက်ထန်ကြမ်းကြုတ်ကာ အခြားသူတို့မူ မိမိတို့၏ကျောင်းသားများကို လိင်ဆိုင်ရာအတွက်အသုံးချကြသည်။ ဘော်ဒါကျောင်းများရှိ ဤကဲ့သို့သော သူ ... များ၏အပြုအမူသည် သတင်းမထွက်ပေ။
သို့သော် ဆရာဆရာမအများစုမှာ ကလေးများကို လူ့အသိုင်းအဝိုင်းနှင့် လိုက်လျောညီထွေမှုရှိပြီး လူ့ဘောင်အဖွဲ့အစည်းကိုအကျိုးပြုသည့်အဖွဲ့ဝင်များဖြစ်လာရန် စိတ်ရင်းမှန်နှင့်ကြိုးစားလေ့ကျင့်ပေးကြသည်။ သို့သော် ဤတွင်လည်း သက်သေခံသားသမီးများအတွက် အခြားပြဿနာရှိပေသည်။ လောကစံနှုန်းများသည် ခရစ်ယာန်မူများနှင့် အစဉ်တူညီမည်မဟုတ်ပေ။ ဆရာ၊ ဆရာမများက ကျောင်းသားများအား ဤလောကနှင့် လိုက်လျောညီထွေမှုရှိဖို့အားပေးသော်လည်း ယေရှုကမိမိ၏နောက်တော်လိုက်များသည် ‘လောကအဝင်မဟုတ်’ သူများဖြစ်မည်ဟုမိန့်ဆိုခဲ့သည်။—ယောဟန် ၁၇:၁၆။
သားသမီးများက ကျမ်းစာမူများကို လိုက်လျှောက်သည့်အခါ ပြဿနာများပေါ်ပေါက်လာလျှင်ကော အသို့နည်း။ သားသမီးများသည် အိမ်တွင်နေ၍ဒေသခံကျောင်းကို တက်ရောက်နေပါက ယင်းသို့သောကိစ္စရပ်များကို သူတို့၏မိဘများနှင့် ဆွေးနွေးနိုင်ပေသည်။ ထို့နောက် မိဘများသည် မိမိတို့၏သားသမီးများကို လမ်းညွှန်ပေးနိုင်ပြီး ဆရာ၊ ဆရာမများနှင့် စကားပြောဆိုနိုင်ပေသည်။ အကျိုးဆက်အနေနှင့် ပြဿနာများနှင့် အထင်အမြင်လွဲမှားခြင်းများ အလျင်အမြန်ပြေလည်သွားလေ့ရှိသည်။
ဘော်ဒါကျောင်းများ၌မူ ထိုသို့မဟုတ်ဘဲကွာခြားသည်။ ထိုကျောင်းသားများသည် မိမိတို့၏ဆရာ၊ ဆရာမများ၏ အဆက်မပြတ်ထိန်းချုပ်မှုအောက်တွင်ရှိကြသည်။ ကလေးများက ခရစ်ယာန်မူများအတိုင်းရပ်တည်မည်ဆိုလျှင် မိမိတို့မိဘများ၏နေ့စဉ်အထောက်အကူမပါဘဲ သူတို့ရပ်တည်ရပေမည်။ တစ်ခါတစ်ရံ ကလေးများသည် ယင်းသို့သောအခြေအနေများအောက်တွင် ဘုရားသခင်ကိုသစ္စာရှိစွာရပ်တည်နိုင်ကြသည်။ သို့သော်လည်း အများအားဖြင့် သူတို့မရပ်တည်နိုင်ကြချေ။ ကလေးတစ်ဦးသည် ဆရာ၊ ဆရာမတို့၏အလိုကျ လိုက်လျောလိုက်လေ့ရှိသည်။
လှုပ်ရှားမှုများကို ကန့်သတ်ချုပ်ချယ်ခြင်း
အများအားဖြင့် ကျောင်းသားများသည် မိမိတို့အလိုရှိသလိုသွားလာကာ လွတ်လပ်မှုရှိကြသည့် တက္ကသိုလ်များနှင့်မတူဘဲ ဘော်ဒါကျောင်းများသည် ကလေးများ၏လှုပ်ရှားမှုများကို ကန့်သတ်ချုပ်ချယ်ကြသည်။ ဤသို့သောကျောင်းအများစုမှာ ကျောင်းသားများကို တနင်္ဂနွေနေ့မှလွဲ၍ ကျောင်းဝင်းအတွင်းမှထွက်ခွင့်မပြုကြဘဲ အချို့ကျောင်းများမူ ထိုသို့ပင်ခွင့်မပြုကြချေ။ အေးရူ အမည်ရှိအသက် ၁၁ အရွယ်ဘော်ဒါကျောင်းသူတစ်ဦးက ဤသို့ဆိုသည်– “ကျောင်းမှာအာဏာရှိတဲ့လူတွေဟာ ကျွန်မတို့လယ်ကွင်းလုပ်ငန်းတော်မှာပါဝင်ဖို့မဆိုထားနဲ့ အစည်းအဝေးတွေတက်ဖို့ကိုတောင် လုံးဝခွင့်မပြုဘူး။ ကျောင်းထဲမှာဆိုရင် ကက်သလစ်နဲ့ မွတ်စလင်ဘာသာရေးအခမ်းအနားတွေပဲရှိတယ်။ ကျောင်းသားကျောင်းသူတိုင်းဟာ အဲဒီနှစ်ခုထဲကတစ်ခုခုကို ရွေးချယ်ရတယ်၊ ဒါမှမဟုတ်ရင် ဆရာ၊ ဆရာမများနဲ့ ကျောင်းသားတွေနဲ့ အကြီးအကျယ်ပြဿနာတက်နိုင်တယ်။ ကျောင်းသားတွေကို အမျိုးသားသီချင်းနဲ့ ဓမ္မသီချင်းတွေကိုလည်း ဇွတ်အတင်းသီဆိုခိုင်းပါတယ်။”
မိဘများသည် မိမိတို့သားသမီးများကို ကျောင်းအပ်လိုက်သည့်အခါ မိမိတို့၏ကလေးများကို မည်သို့နားလည်စေသနည်း။ လောကီပညာရေးသည် ဝတ်ပြုကိုးကွယ်ဖို့စုရုံးခြင်းနှင့် တပည့်ဖြစ်စေခြင်းလုပ်ငန်းတွင်ပါဝင်ခြင်း—ဘုရားသခင်ကိုသမာဓိရှိခြင်းထက်ပင် သာ၍အရေးကြီးကြောင်း နားလည်ထင်မှတ်စေနိုင်သည်။—မဿဲ ၂၄:၁၄; ၂၈:၁၉၊ ၂၀; ၂ ကောရိန္သု ၆:၁၄-၁၈; ဟေဗြဲ ၁၀:၂၄၊ ၂၅။
အချို့သောဘော်ဒါကျောင်းများ၌ သက်သေခံကျောင်းသားကျောင်းသူများသည် သမ္မာကျမ်းစာကိုအတူတကွ လေ့လာဖို့စီစဉ်ကြသော်လည်း ယင်းသည်ပင် အခက်တွေ့လေ့ရှိပြန်သည်။ သူမတက်ရောက်နေသည့် ဘော်ဒါကျောင်းနှင့်ပတ်သက်၍ ဘလက်စင်းအမည်ရှိ အသက် ၁၆ နှစ်အရွယ် လူငယ်တစ်ဦးက ဤသို့ဆိုသည်– “ခရစ်ယာန်လို့အခေါ်ခံကြတဲ့သူတွေဟာ ဆုတောင်းဖို့နေ့တိုင်းစုစည်းကြတယ်။ ကျွန်မတို့သက်သေခံတွေလည်း ကျမ်းစာလေ့လာမှုပြုလုပ်နိုင်ဖို့အတွက် ကြိုးစားတောင်းဆိုကြပေမဲ့ အတန်းကြီးတဲ့ကျောင်းသားတွေက ကျွန်မတို့အဖွဲ့အစည်းဟာ အသိအမှတ်ပြုခြင်းမခံရဘူးလို့ပြောကြပါတယ်။ ပြီးတော့ သူတို့နဲ့အတူဆုတောင်းဖို့ ဇွတ်အတင်းခိုင်းပါတယ်။ တကယ်လို့ ကျွန်မတို့ငြင်းမယ်ဆိုရင် ကျွန်မတို့ကိုအပြစ်ပေးပါတယ်။ ဆရာ၊ ဆရာမများကို အကူအညီတောင်းဆိုခြင်းက အခြေအနေကိုပိုပြီးဆိုးစေပါတယ်။ သူတို့ကကျွန်မတို့ကို နာမည်အမျိုးမျိုးသမုတ်ကြပြီး ကျွန်မတို့ကိုအပြစ်ပေးဖို့ အတန်းကြီးတဲ့ကျောင်းသားတွေကိုခိုင်းပါတယ်။”
ခြားနားစွာရပ်တည်ခြင်း
ဘော်ဒါကျောင်းသားများကို ယေဟောဝါသက်သေများအဖြစ် အတိအကျသိထားကြသည့်အခါ သူတို့အတွက်အကျိုးဖြစ်ထွန်းစေနိုင်သည်။ ကျောင်းအာဏာပိုင်များသည် ယေဟောဝါသက်သေများ၏ယုံကြည်ချက်နှင့်ဆန့်ကျင်သော မဖြစ်မနေလုပ်ရမည့် ဗာဗုလုန်ဘာသာရေးလှုပ်ရှားမှုများတွင်ပါဝင်ခြင်းမှ ကင်းလွတ်ခွင့်ပေးပေမည်။ အကျိုးမပြုသောလှုပ်ရှားမှုများနှင့် အပြောအဆိုများတွင်ပါဝင်စေရန်ကြိုးစားခြင်းကို အတန်းဖော်များက ရှောင်ကြပေမည်။ အတန်းဖော်များနှင့် ဆရာ၊ ဆရာမများကိုသက်သေခံဖို့ အခွင့်အရေးရရှိနိုင်သည်။ ထို့အပြင် ခရစ်ယာန်မူများအတိုင်းနေထိုင်သူများသည် ကြီးလေးသောအပြစ်ပြုစရာ အကြောင်းမရှိသည့်အပြင် တစ်ခါတစ်ရံသူတို့သည် ဆရာ၊ ဆရာမများနှင့် အတန်းဖော်များ၏လေးစားမှုကိုရရှိကြသည်။
သို့သော်လည်း တစ်ချိန်လုံးယင်းသို့ဖြစ်မနေပါ။ ခြားနားစွာရပ်တည်ခြင်းက လူငယ်တစ်ဦးကို အခြားကျောင်းသားများ၊ ဆရာ၊ ဆရာမများထံမှ ဖိနှိပ်မှုနှင့် ပြက်ရယ်ပြုခြင်းကို ခံရလေ့ရှိသည်။ ရင်ကာအမည်ရှိ အသက် ၁၅ နှစ်အရွယ် ဘော်ဒါကျောင်းတက်ရောက်နေသူလူငယ်တစ်ဦးက ဤသို့ပြောပြသည်– “ကျွန်တော်တို့ကို ယေဟောဝါသက်သေတစ်ဦးအဖြစ် ကျောင်းကသိထားမယ်ဆိုရင် ကျွန်တော်တို့ဟာ ပစ်မှတ်တစ်ခုဖြစ်လာတယ်။ သူတို့ဟာ ကျွန်တော်တို့ရဲ့ ဝိညာဏရေးရာနဲ့ စာရိတ္တဆိုင်ရာရပ်တည်မှုတွေကို သိထားတဲ့အတွက်ကြောင့် ကျွန်တော်တို့ကိုအကွက်ဆင်ဖမ်းကြတယ်။”
မိဘများ၏တာဝန်
မည်သည့်ဆရာ၊ ဆရာမ၊ ကျောင်း သို့မဟုတ် မည်သည့်ကောလိပ်မှ ကလေးငယ်များကို ယေဟောဝါ၏ဆက်ကပ်အပ်နှံကျေးကျွန်များဖြစ်အောင် ပုံသွင်းပေးနိုင်စွမ်းမရှိချေ။ ယင်းသည် သူတို့၏အလုပ်မဟုတ်သကဲ့သို့ သူတို့၏တာဝန်လည်းမဟုတ်ပေ။ မိဘများကိုယ်တိုင် မိမိတို့၏သားသမီးများ၏ ဝိညာဏလိုအပ်ရာများကို ကြည့်ရှုစောင့်ရှောက်ဖို့ ဘုရားသခင့်နှုတ်ကပါဌ်စကားတော်က လမ်းညွှန်ထားသည်။ “အဘတို့ ကိုယ့်သားသမီးကို စိတ်ဆိုးစေခြင်းငှာမပြုကြနှင့်။ ယေဟောဝါ၏ ပဲ့ပြင်ဆုံးမခြင်းနှင့် စိတ်သဘောတော်ဆိုင်ရာ စည်းမျဉ်းဥပဒေအရ သူတို့ကိုမွေးမြူကြလော့” ဟူ၍ ပေါလုရေးသားခဲ့သည်။ (ဧဖက် ၆:၄၊ ကဘ) တစ်လလျှင် တစ်ကြိမ် သို့မဟုတ် နှစ်ကြိမ်သာ အလည်အပတ်လာရန် ကန့်သတ်ထားသည့်ဘော်ဒါကျောင်းတွင် မိမိတို့၏သားသမီးများနေထိုင်နေပါက ဤမြင့်မြတ်သောအကြံပေးချက်ကို မိဘများမည်သို့လိုက်နာနိုင်မည်နည်း။
အခြေအနေများက အကြီးအကျယ်ခြားနားမှုရှိသော်လည်း ခရစ်ယာန်မိဘများသည် ဤမှုတ်သွင်းခံဖော်ပြချက်နှင့်အညီ ပြုမူရန်ကြိုးစားကြသည်– “မိမိလူတို့ကိုမပြုစု၊ ထိုမျှမကမိမိအိမ်သူအိမ်သားတို့ကိုမပြုစုသောသူမည်သည်ကား ယုံကြည်ခြင်းတရားကိုငြင်းပယ်၏။ မယုံကြည်ဖူးသောသူထက်သာ၍ ယုတ်မာ၏။”—၁ တိမောသေ ၅:၈။
အခြားရွေးချယ်စရာရှိသေးသလော
ဘော်ဒါကျောင်း သို့မဟုတ် ညံ့ဖျင်းသောဒေသခံကျောင်း နှစ်မျိုးကိုသာရွေးချယ်စရာရှိမည်ဆိုလျှင် မိဘများမည်သို့ပြုမည်နည်း။ ထိုသို့သောအခြေအနေမျိုး၌ရှိသူအချို့သည် ဒေသခံကျောင်းရှိ မိမိတို့သားသမီးများ၏ပညာရေးအတွက် ကိုယ်ပိုင်စာသင်ချိန်များကို ဖြည့်စွက်ပေးကြသည်။ အခြားမိဘများကမူ မိမိတို့၏သားသမီးများကို ကိုယ်တိုင်စာသင်ပေးရန် အချိန်သတ်မှတ်ထားကြသည်။
တစ်ခါတစ်ရံ မိဘများသည် မိမိတို့၏သားသမီးများ အလယ်တန်းကျောင်းတက်သည့် အရွယ်မရောက်ခင်၌ ကြိုတင်စီစဉ်ထားခြင်းအားဖြင့် ပြဿနာများကိုရှောင်ရှားကြသည်။ သင်၌ငယ်ရွယ်သောသားသမီးများရှိမည် သို့မဟု တ် မိသားစုတစ်ခုကိုပြုစုပျိုးထောင်ရန်အစီအစဉ်ရှိလျှင် သင့်ဒေသ၌အရည်အချင်းပြည့်မီသော အလယ်တန်းကျောင်းရှိမရှိစစ်ဆေးကြည့်ပေမည်။ ထိုသို့သောကျောင်းမရှိပါက အနီးအနားရှိနေရာသို့ ပြောင်းရွှေ့နိုင်ပေသည်။
မိဘများကောင်းစွာသိထားသည့်အတိုင်း ကလေးတစ်ဦးတွင် ယေဟောဝါကိုချစ်မြတ်နိုးသည့်စိတ် စိမ့်ဝင်စေရန် ကျွမ်းကျင်မှု၊ စိတ်ရှည်မှုနှင့် အချိန်များစွာလိုအပ်ပေသည်။ ကလေးတစ်ဦး အိမ်၌ရှိစဉ်အခါပင် ယင်းသို့ပြုလုပ်ရန်ခဲယဉ်းသည်ဆိုလျှင် အဝေးတွင်နေထိုင်ပါက မည်မျှသာ၍ခက်ခဲလိုက်မည်ဖြစ်ခြင်း! ကလေး၏ထာဝရအသက်နှင့် ပတ်သက်နေသည့်အတွက် မိဘများသည် မိမိတို့၏ကလေးများကို ဘော်ဒါကျောင်းသို့အပ်ခြင်းသည် ကြုံရမည့်အန္တရာယ်နှင့်တန်မတန် လေးလေးနက်နက် ဆုတောင်းဆုံးဖြတ်ရမည်။ ဘော်ဒါကျောင်းမှပညာရေးအတွက် ကလေးတစ်ဦး၏ဝိညာဏရေးရာကို အနစ်နာခံခြင်းသည် မည်မျှအမြော်အမြင် နည်းပါးရာကျလိုက်မည်ဖြစ်ခြင်း! ယင်းသို့ပြုလုပ်ခြင်းသည် အဖိုးမတန်သည့်လက်ဝတ်လက်စားအတွက် မီးလောင်နေသည့် အိမ်တစ်လုံးအတွင်းသို့ပြေးဝင်ခြင်းဖြင့်—မီးတောက်၏ဝါးမျိုခြင်းကို ခံလိုက်ရသည်နှင့်တူပေမည်။
ဘုရားသခင်၏နှုတ်ကပါဌ်တော်က ဤသို့ဆိုထားသည်– “သမ္မာသတိရှိသောသူသည် အမှုကိုမြော်မြင်၍ပုန်းနေတတ်၏။ ဉာဏ်တိမ်သောသူမူကား၊ အစဉ်အတိုင်းသွား၍ အမှုနှင့်တွေ့တတ်၏။” (သု. ၂၂:၃) အခြေအနေဆိုးတစ်ခုကို နောက်မှပြုပြင်ခြင်းထက် ကြိုတင်ကာကွယ်ခြင်းက သာ၍ကောင်းသည်။ ‘ကျွန်ုပ်၏ကလေးကို ဘော်ဒါကျောင်း၌ထားသင့်ပါသလော’ ဟုမိမိကိုယ်ကိုမေးသည့်အခါ ယင်းတို့ကို ထည့်သွင်းစဉ်းစားခြင်းက ပညာရှိရာကျပေမည်။
ဘော်ဒါကျောင်းအပေါ် သက်သေခံလူငယ်များ၏ပြန်ပြောင်းသုံးသပ်ချက်
“ဘော်ဒါကျောင်းမှာဆိုရင် သက်သေခံသားသမီးများဟာ ဝိညာဏပေါင်းသင်းမှု ဖြတ်တောက်ထားခြင်းခံရတယ်။ မကောင်းမှုကိုပြုလုပ်ဖို့ အကြီးအကျယ်ဖိအားပေးပြီး သိပ်ရန်မူတတ်တဲ့ဝန်းကျင်တစ်ခုဖြစ်တယ်။”—အသက် ၁၁ နှစ်မှ ၁၄ နှစ်အတွင်းဘော်ဒါကျောင်းတက်ခဲ့သူ၊ ရော်တီမီ။
“ခရစ်ယာန်အစည်းအဝေးများကို တက်ရောက်ဖို့အရမ်းခက်ခဲပါတယ်။ တနင်္ဂနွေနေ့တစ်ရက်ပဲ ကျွန်မအစည်းအဝေးတက်နိုင်ပြီး အဲလိုတက်နိုင်ဖို့အတွက် ကျောင်းသူကျောင်းသားတွေက ချာ့ချ်တက်ဖို့တန်းစီနေတဲ့အခါမှာ ခိုးကြောင်ခိုးဝှက်ထွက်ရပါတယ်။ ကျွန်မတစ်ခါမှမပျော်ခဲ့ဘူး၊ ဘာကြောင့်လဲဆိုတော့ ကျွန်မအိမ်ကိုပြန်တဲ့အခါ အသင်းတော်အစည်းအဝေးအားလုံးတက်ရောက်ပြီးစနေနဲ့တနင်္ဂနွေနေ့မျိုးတွေမှာ လယ်ကွင်းဓမ္မအမှုမှာပါဝင်လေ့ရှိတဲ့အတွက်ပါပဲ။ အဲဒီကျောင်းတက်ခဲ့ရလို့ တည်ဆောက်မှုမရခဲ့ဘူး။ ကျွန်မအများကြီးဆုံးရှုံးခဲ့ရတယ်။”—ဘော်ဒါကျောင်းမှ ချာ့ချ်ဝတ်ပြုဆုတောင်းပွဲတွင် မပါဝင်သောကြောင့် ဆရာ၊ ဆရာမများ၏ ရိုက်နှက်ခြင်းကိုခံရသူ၊ အက်စတာ။
“ဘော်ဒါကျောင်းက အတန်းဖော်တွေကို ဟောပြောရတာမလွယ်ပါဘူး။ ကွဲပြားခြားနားစွာ ရပ်တည်ဖို့သိပ်ခက်ပါတယ်။ ကျွန်မဟာ အုပ်စုလိုက် လုပ်သလိုလိုက်လုပ်ချင်ပါတယ်။ တကယ်လို့များ ကျွန်မသာအစည်းအဝေးတွေနဲ့ လယ်ကွင်းလုပ်ငန်းတော်မှာပါဝင်နိုင်ခဲ့ရင် ပိုပြီးသတ္တိရှိလာနိုင်တယ်။ ဒါပေမဲ့ တစ်နှစ်မှာသုံးကြိမ်သာရှိတဲ့ အားလပ်ရက်အတွင်းမှာပဲ ကျွန်မပါဝင်နိုင်ခဲ့တယ်။ မီးအိမ်တစ်ခုကို ဆီထပ်မဖြည့်ပေးရင် အလင်းရောင်ကမှိန်သွားတတ်တယ်။ ကျောင်းမှာလည်း အဲဒီလိုပါပဲ။”—အသက် ၁၁ နှစ်မှ ၁၆ နှစ်အတွင်း ဘော်ဒါကျောင်းတက်ခဲ့သူ၊ လာရာ။
“အခု ကျွန်မဟာ ဘော်ဒါကျောင်းမှာ မနေတော့တဲ့အတွက် အစည်းအဝေးအားလုံးတက်နိုင်တယ်၊ လယ်ကွင်းလုပ်ငန်းမှာပါဝင်နိုင်ပြီး ကျန်တဲ့မိသားစုဝင်တွေနဲ့ နေ့စဉ်ကျမ်းချက်ကိုအတူဖတ်ရှုခွင့်ရတဲ့အတွက် ပျော်ရွှင်ရပါတယ်။ ဘော်ဒါကျောင်းမှာနေရတာ အကျိုးအမြတ်တချို့ရှိပေမဲ့ ယေဟောဝါရှင်နဲ့ကျွန်မရဲ့ဆက်ဆံရေးထက် ဘယ်အရာကမှပိုပြီးအရေးမကြီးပါဘူး။”—ဘော်ဒါကျောင်းမှပြန်ခေါ်ရန် သူမ၏ဖခင်ကို နားဝင်အောင်ပြောဆိုခဲ့သူ၊ နေအိုမီ။
ဇူလိုင် ၁၀-၁၆
ကျမ်းစာထဲက အဖိုးတန်ဘဏ္ဍာများ | ယေဇကျေလ ၁၅-၁၇
“သင် ကတိတည်သလား”
ယေဇကျေလကျမ်းမှ ပေါ်လွင်ချက်များ—၁
၁၇:၁-၂၄—ရွှေလင်းတ [“လင်းယုန်ငှက်၊” ကဘ] ကြီးနှစ်ကောင်မှာ မည်သူတို့နည်း၊ အာရဇ်ပင်၏အညွန့်တို့ကို မည်သို့ချိုးဆိတ်သွားသနည်း၊ ယေဟောဝါ စိုက်ပျိုးတော်မူသော “နုသောအညွန့်” မှာမည်သူနည်း။ ရွှေလင်းတကြီးနှစ်ကောင်မှာ ဗာဗုလုန်နှင့် အီဂျစ်အုပ်စိုးရှင်တို့ကို ကိုယ်စားပြုသည်။ ပထမရွှေလင်းတသည် အာရဇ်ပင်၏အဖျားသို့ လာသည်၊ ဆိုလိုသည်မှာ ဒါဝိဒ်မင်းဆက်ထဲမှ အစိုးရအုပ်ချုပ်သူထံလာခြင်းဖြစ်သည်။ ထိုရွှေလင်းတသည် ယုဒဘုရင်ယေခေါနိနေရာတွင် ဇေဒကိကိုအစားထိုးခြင်းဖြင့် အညွန့်တို့ကို ချိုးဆိတ်သွားသည်။ ဇေဒကိသည် ကျေးဇူးသစ္စာစောင့်သိမည်ဟုကျိန်ဆိုထားသည့်အတိုင်း နေထိုင်မည့်အစား အခြားရွှေလင်းတဖြစ်သော အီဂျစ်အုပ်စိုးရှင်ထံမှ အကူအညီရှာလေရာ အချည်းနှီးသာဖြစ်သည်။ သူသည် သုံ့ပန်းအဖြစ်ခေါ်ဆောင်ခံရပြီး ဗာဗုလုန်တွင် သေဆုံးရန်ဖြစ်သည်။ ယေဟောဝါသည်လည်း မေရှိယဘုရင်ဖြစ်သော “နုသောအညွန့်” ကိုချိုးဆိတ်ယူတော်မူသည်။ ယင်းကို “မြင့်မြတ်သောတောင်ပေါ်၊” ကောင်းကင်ဇိအုန်တောင်ပေါ်တွင် စိုက်ပျိုးတော်မူပြီး ယင်းသည် မြေကြီးသားအပေါင်းတို့အတွက် စစ်မှန်သောကောင်းချီးများ၏ရင်းမြစ်ဖြစ်သည့် “ကောင်းမွန်သောစပျစ်နွယ်ပင် [“အာရဇ်ပင်၊” ကဘ]” ဖြစ်လာမည်။—ဗျာ. ၁၄:၁။
ယေဇကျေလကျမ်းမှ ပေါ်လွင်ချက်များ—၁
၁၇:၁-၂၄—ရွှေလင်းတ [“လင်းယုန်ငှက်၊” ကဘ] ကြီးနှစ်ကောင်မှာ မည်သူတို့နည်း၊ အာရဇ်ပင်၏အညွန့်တို့ကို မည်သို့ချိုးဆိတ်သွားသနည်း၊ ယေဟောဝါ စိုက်ပျိုးတော်မူသော “နုသောအညွန့်” မှာမည်သူနည်း။ ရွှေလင်းတကြီးနှစ်ကောင်မှာ ဗာဗုလုန်နှင့် အီဂျစ်အုပ်စိုးရှင်တို့ကို ကိုယ်စားပြုသည်။ ပထမရွှေလင်းတသည် အာရဇ်ပင်၏အဖျားသို့ လာသည်၊ ဆိုလိုသည်မှာ ဒါဝိဒ်မင်းဆက်ထဲမှ အစိုးရအုပ်ချုပ်သူထံလာခြင်းဖြစ်သည်။ ထိုရွှေလင်းတသည် ယုဒဘုရင်ယေခေါနိနေရာတွင် ဇေဒကိကိုအစားထိုးခြင်းဖြင့် အညွန့်တို့ကို ချိုးဆိတ်သွားသည်။ ဇေဒကိသည် ကျေးဇူးသစ္စာစောင့်သိမည်ဟုကျိန်ဆိုထားသည့်အတိုင်း နေထိုင်မည့်အစား အခြားရွှေလင်းတဖြစ်သော အီဂျစ်အုပ်စိုးရှင်ထံမှ အကူအညီရှာလေရာ အချည်းနှီးသာဖြစ်သည်။ သူသည် သုံ့ပန်းအဖြစ်ခေါ်ဆောင်ခံရပြီး ဗာဗုလုန်တွင် သေဆုံးရန်ဖြစ်သည်။ ယေဟောဝါသည်လည်း မေရှိယဘုရင်ဖြစ်သော “နုသောအညွန့်” ကိုချိုးဆိတ်ယူတော်မူသည်။ ယင်းကို “မြင့်မြတ်သောတောင်ပေါ်၊” ကောင်းကင်ဇိအုန်တောင်ပေါ်တွင် စိုက်ပျိုးတော်မူပြီး ယင်းသည် မြေကြီးသားအပေါင်းတို့အတွက် စစ်မှန်သောကောင်းချီးများ၏ရင်းမြစ်ဖြစ်သည့် “ကောင်းမွန်သောစပျစ်နွယ်ပင် [“အာရဇ်ပင်၊” ကဘ]” ဖြစ်လာမည်။—ဗျာ. ၁၄:၁။
သင့်စကားမှာ အဟုတ်ကို အဟုတ်ဖြစ်စေပါ
၁၁ အထက်မှာဖော်ပြခဲ့တဲ့ စံနမူနာတွေကို ယေဟောဝါ ဘာကြောင့် သမ္မာကျမ်းစာမှာ မှတ်တမ်းတင်စေခဲ့တာလဲ။ အဟုတ်ကိုအဟုတ်ဖြစ်စေခြင်းက ကျွန်ုပ်တို့အတွက် ဘယ်လောက်အရေးကြီးသလဲ။ “သစ္စာကတိဖျက်သူ” က “သေဒဏ်ခံထိုက်” သူဖြစ်တယ်လို့ သမ္မာကျမ်းစာမှာ ရှင်းရှင်းလင်းလင်း ဖော်ပြထားတယ်။ (ရော. ၁:၃၁၊ ၃၂) အီဂျစ်ဘုရင် ဖာရော၊ ယုဒဘုရင် ဇေဒကိ၊ အာနနိနဲ့ ရှဖိရေတို့ဟာ အဟုတ်ကို အဟုတ်အတိုင်း မဖြစ်စေခဲ့တဲ့ နမူနာဆိုးတွေဖြစ်တယ်။ သူတို့အားလုံး အဖြစ်ဆိုးတွေ ကြုံတွေ့ခဲ့ရပြီး ကျွန်ုပ်တို့အတွက် သတိပေး ပုံနမူနာတွေဖြစ်ခဲ့တယ်။—ထွ. ၉:၂၇၊ ၂၈၊ ၃၄၊ ၃၅; ယေဇ. ၁၇:၁၃-၁၅၊ ၁၉၊ ၂၀; တ. ၅:၁-၁၀။
က၈၉ ၉/၁၅ ၁၃-၁၄ ပိုဒ်. ၈
ယေဟောဝါ ဓါးတော်ကို ဓါးအိမ်မှ ထုတ်တော်မူသည်
၈ ထိုနောက် ဗာဗုလုန်ပြည်နှင့် အီဂျစ်ပြည်တို့၏ ပြည့်ရှင်တို့ကို မဟာလင်းယုန် ငှက်ကြီးတို့နှင့် ခိုင်းနှိုင်းထားသည်။ တစ်ကောင်က ယေခေါနိမင်းကို ဖယ်ရှား၍ ဇေဒကိကို အစားထိုး ခန့်အပ်ခြင်းအားဖြင့် အာရဇ်ပင်၏ ခေါင်ညွန့်ကို ဆိတ်ယူသွားသည်။ ဇေဒကိသည် နေဗုခဒ်နေဇာ အပေါ် ကျေးဇူးသစ္စာစောင့်သိ ရိုသေပါမည်အကြောင်း ကျိန်ဆိုခဲ့သော်ငြားလည်း ၄င်းကို ချိုးဖောက်၍ အခြား မဟာလင်းယုန်ငှက် တစ်ကောင်ဖြစ်သော အီဂျစ်ပြည့်ရှင်ထံမှ စစ်ရေးအကူအညီ ရှာယူခဲ့သည်။ ဇေဒကိအနေဖြင့် ကျိန်ဆိုရာတွင် ဘုရားသခင့်နာမတော်ကို တိုင်တည်ခဲ့ပါလျှင် ယင်းကိုချိုးဖောက်ခြင်းသည် ယေဟောဝါအပေါ် အပြစ်တင် ရှုတ်ချစရာ ဖြစ်ခဲ့ပေမည်။ ဘုရားသခင်အား အပြစ်တင် ရှုတ်ချစရာဖြစ်မှာကို တွေးလိုက်ရုံနှင့် ကျွန်ုပ်တို့ ကတိပျက်ခြင်းကို ရှောင်ရန် အဟန့်အတား ဖြစ်လောက်ပေသည်။ ယေဟောဝါသက်သေများ ဟူသော အမည်နာမ ခံယူရရှိခြင်းသည် ဧရာမ အခွင့်ထူးကြီးပါပင်။—ယေဇ. ၁၇:၁-၂၁။
ရှာဖွေလေ့လာ ဘုရားရေးရာရတနာ
က၈၉ ၉/၁၅ ၁၃ ပိုဒ်. ၇
ယေဟောဝါ ဓါးတော်ကို ဓါးအိမ်မှ ထုတ်တော်မူသည်
၇ သစ္စာမဲ့သော ပြည်သားများကြောင့် ယုဒပြည်သည် ကောင်းသောအသီး မသီးသဖြင့် မီးရှို့ခြင်းနှင့်သာ ထိုက်တန်သော စပျစ်နွယ်ပင် အရိုင်းနှင့် ခိုင်းနှိုင်းထားသည်။ (ယေဇ. ၁၅:၁-၈) သူမကို အီဂျစ်ပြည်မှ ဘုရားသခင်ကယ်နုတ်၍ အမျိုးသမီးဘဝ ရောက်အောင် ကျွေးမွေး စောင့်ရှောက်ခံခဲ့သည့် ကောက်ရသော ကလေးတစ်ယောက်နှင့်လည်း ခိုင်းနှိုင်းထားသည်။ သူမကို မယားအဖြစ် ယေဟောဝါ သိမ်းပိုက်တော်မူခဲ့သော်လည်း မှောက်မှားသော ဘုရားများဘက်သို့ လှည့်သွားသဖြင့် ဝိညာဏသဘောအရ လင်မယား သစ္စာဖျက်မှုအတွက် ပျက်စီးခြင်း ခံထိုက်သည်။ သို့တစေ သစ္စာရှိသူတို့နှင့်မူကား ဘုရားသည် ထာဝရ ပဋိညာဉ်ဖွဲ့မည်။ ထိုပဋိညာဉ်ကား ဝိညာဏ ဣသရေလလူမျိုးနှင့်ဖွဲ့သော ပဋိညာဉ်သစ် ဖြစ်သည်။—ယေဇ. ၁၆:၁-၆၃။ ယေ. ၃၁:၃၁-၃၄။ ဂလ. ၆:၁၆။
ယေဇကျေလကျမ်းမှ ပေါ်လွင်ချက်များ—၁
၁၇:၁-၂၄—ရွှေလင်းတ [“လင်းယုန်ငှက်၊” ကဘ] ကြီးနှစ်ကောင်မှာ မည်သူတို့နည်း၊ အာရဇ်ပင်၏အညွန့်တို့ကို မည်သို့ချိုးဆိတ်သွားသနည်း၊ ယေဟောဝါ စိုက်ပျိုးတော်မူသော “နုသောအညွန့်” မှာမည်သူနည်း။ ရွှေလင်းတကြီးနှစ်ကောင်မှာ ဗာဗုလုန်နှင့် အီဂျစ်အုပ်စိုးရှင်တို့ကို ကိုယ်စားပြုသည်။ ပထမရွှေလင်းတသည် အာရဇ်ပင်၏အဖျားသို့ လာသည်၊ ဆိုလိုသည်မှာ ဒါဝိဒ်မင်းဆက်ထဲမှ အစိုးရအုပ်ချုပ်သူထံလာခြင်းဖြစ်သည်။ ထိုရွှေလင်းတသည် ယုဒဘုရင်ယေခေါနိနေရာတွင် ဇေဒကိကိုအစားထိုးခြင်းဖြင့် အညွန့်တို့ကို ချိုးဆိတ်သွားသည်။ ဇေဒကိသည် ကျေးဇူးသစ္စာစောင့်သိမည်ဟုကျိန်ဆိုထားသည့်အတိုင်း နေထိုင်မည့်အစား အခြားရွှေလင်းတဖြစ်သော အီဂျစ်အုပ်စိုးရှင်ထံမှ အကူအညီရှာလေရာ အချည်းနှီးသာဖြစ်သည်။ သူသည် သုံ့ပန်းအဖြစ်ခေါ်ဆောင်ခံရပြီး ဗာဗုလုန်တွင် သေဆုံးရန်ဖြစ်သည်။ ယေဟောဝါသည်လည်း မေရှိယဘုရင်ဖြစ်သော “နုသောအညွန့်” ကိုချိုးဆိတ်ယူတော်မူသည်။ ယင်းကို “မြင့်မြတ်သောတောင်ပေါ်၊” ကောင်းကင်ဇိအုန်တောင်ပေါ်တွင် စိုက်ပျိုးတော်မူပြီး ယင်းသည် မြေကြီးသားအပေါင်းတို့အတွက် စစ်မှန်သောကောင်းချီးများ၏ရင်းမြစ်ဖြစ်သည့် “ကောင်းမွန်သောစပျစ်နွယ်ပင် [“အာရဇ်ပင်၊” ကဘ]” ဖြစ်လာမည်။—ဗျာ. ၁၄:၁။
ဇူလိုင် ၁၇-၂၃
ကျမ်းစာထဲက အဖိုးတန်ဘဏ္ဍာများ | ယေဇကျေလ ၁၈-၂၀
“ယေဟောဝါက ခွင့်လွှတ်ပြီးရင် အပြစ်ကို မှတ်ထားသလား”
ဘုရားသခင်က အပြစ်တွေကို ခွင့်လွှတ်ပြီးရင် မေ့ပစ်လိုက်သလား
ယေဟောဝါဘုရားသခင်က သစ္စာမရှိတဲ့ ယုဒပြည်နဲ့ ဂျေရုဆလင်မြို့ကို တရားစီရင်မယ့်အကြောင်း ပရောဖက် (ကြိုဟောသူ) ယေဇကျေလကနေတစ်ဆင့် ပြောပြခဲ့တယ်။ ယုဒပြည်တစ်ပြည်လုံးက ဘုရားသခင်ကို မဝတ်ပြုတော့ဘဲ အကြမ်းဖက်သောင်းကျန်းနေကြတယ်။ ဒါကြောင့် ဗာဗုလုန်ကို အသုံးပြုပြီး ဂျေရုဆလင်မြို့ကို ဖျက်ဆီးပစ်မယ်လို့ ဘုရားသခင် ကြိုဟောခဲ့တယ်။ တရားစီရင်ခြင်းအကြောင်းကို ကြေညာပေမဲ့ တစ်ဖက်မှာ မျှော်လင့်ခြင်းသတင်းကောင်းကိုလည်း ပြောပြပေးတယ်။ လူတိုင်းက ကိုယ့်လမ်းကိုယ် ရွေးချယ်ရမှာဖြစ်တယ်။ တခြားသူရဲ့လုပ်ရပ်အတွက် မဟုတ်ဘဲ ကိုယ့်လုပ်ရပ်အတွက်ပဲ ကိုယ်တာဝန်ယူရမှာဖြစ်ပါတယ်။—အခန်းငယ် ၁၉၊ ၂၀။
ဘုရားသခင်က အပြစ်တွေကို ခွင့်လွှတ်ပြီးရင် မေ့ပစ်လိုက်သလား
လူတစ်ယောက်က မကောင်းတဲ့လုပ်ရပ်တွေကို စွန့်ပြီး နောင်တယူပြောင်းလဲမယ်ဆိုရင်ကော။ ယေဟောဝါဘုရားသခင်က ဒီလိုပြောတယ်– “မတရားသောသူသည် မိမိပြုမိသမျှသော ဒုစရိုက်တို့ကို ကြဉ်ရှောင်လျက် ငါစီရင်ထုံးဖွဲ့သမျှတို့ကို စောင့်ရှောက်၍ တရားသောအမှု၊ ဟုတ်မှန်သောအမှုတို့ကိုပြုလျှင် သေခြင်းနှင့်လွတ်၍ စင်စစ်အသက်ရှင်ရလိမ့်မည်။” (အခန်းငယ် ၂၁) အပြစ်ပြုသူတစ်ဦးက တဇောက်ကန်းလုပ်ခဲ့တဲ့ လုပ်ရပ်အမှားကို စွန့်ပြီး နောင်တစစ် ရမယ်ဆိုရင် ဘုရားသခင်က သူ့ကို “ခွင့်လွှတ်ဖို့ အသင့်” ရှိပါတယ်။—ဆာလံ ၈၆:၅၊ ကဘ။
ကျူးလွန်ခဲ့တဲ့ အပြစ်တွေနဲ့ပတ်သက်ပြီးတော့ကော။ ယေဟောဝါဘုရားသခင်က ဒီလိုပြောပြပါတယ်– “ပြုမိသမျှသော ဒုစရိုက်အပြစ်တို့ကို သူ့တစ်ဖက်၌ မမှတ်ရ။” (အခန်းငယ် ၂၂) နောင်တရသူရဲ့ အပြစ်တွေကို “မမှတ်” ထားဘူးလို့ပြောထားတာကို သတိပြုပါ။ အဲဒီအချက်က ဘာကြောင့် အရေးကြီးတာလဲ။
ကျမ်းစာထဲမှာ “မှတ်” လို့ပြန်ဆိုထားတဲ့ ဟီဘရူးစကားလုံးက အတိတ်ကအရာတွေကို ပြန်အမှတ်ရတာလောက်ပဲ မဟုတ်ပါဘူး။ အဲဒီဟီဘရူးစကားလုံးနဲ့ပတ်သက်ပြီး အကိုးအကားစာအုပ်တစ်အုပ်မှာ ဒီလိုဖော်ပြထားတယ်– “[အမှတ်ရ] ဆိုတဲ့စကားလုံးက လုပ်ရပ်ကို ဆိုလိုနိုင်တယ် ဒါမှမဟုတ် လုပ်ရပ်ပြကြိယာတွေနဲ့အတူ ဖော်ပြတတ်တယ်။” ဒီအချက်ကိုထောက်ရင် ‘အမှတ်ရ’ ခြင်းဆိုတာက “လုပ်ဆောင်ခြင်း” လို့ အဓိပ္ပာယ်ရနိုင်ပါတယ်။ ဒါကြောင့် “အပြစ်တို့ကို သူ့တစ်ဖက်၌ မမှတ်ရ” လို့ ဘုရားသခင် ပြောတာက အပြစ်ပြုသူတစ်ဦး နောင်တရမယ်ဆိုရင် သူ့ရဲ့အရင်တုန်းက အပြစ်ကြောင့် သူ့ကို ပြန်ပြီးအပြစ်တင်တာ၊ အပြစ်ပေးတာမျိုး လုပ်မှာမဟုတ်ဘူးဆိုတဲ့ အဓိပ္ပာယ်ဖြစ်တယ်။
ယေဟောဝါဘုရားသခင်က အပြစ်တွေကို လုံးဝခွင့်လွှတ်လိုက်တဲ့အကြောင်း ယေဇကျေလ ၁၈:၂၁၊ ၂၂ မှာဖော်ပြထားချက်က ကျွန်ုပ်တို့ရဲ့စိတ်ကို ထိမိစေပါတယ်။ ကျွန်ုပ်တို့ရဲ့အပြစ်တွေကို ဘုရားသခင် ခွင့်လွှတ်ပြီးရင် နောင်တစ်ချိန်မှာ အဲဒီအပြစ်တွေကို ပြန်ဖော်နေမှာ မဟုတ်ပါဘူး။ ဘုရားသခင်ဟာ နောင်တရသူရဲ့ အပြစ်တွေကို သူ့ရဲ့ကျောဘက်ဆီ ပစ်လိုက်သလိုမျိုး လုံးဝမေ့ပစ်လိုက်မှာဖြစ်တယ်။ (ဟေရှာယ ၃၈:၁၇) ဆိုလိုတာက ရေးမှတ်ထားရာတွေကို ခဲဖျက်နဲ့ ဖျက်လိုက်သလိုမျိုး အပြစ်တွေကို ပယ်ဖျက်လိုက်တာဖြစ်တယ်။—တမန်တော် ၃:၁၉။
ကျွန်ုပ်တို့ဟာ အပြစ်ပြုတတ်တဲ့သူတွေ ဖြစ်တာကြောင့် ယေဟောဝါဘုရားသခင်ရဲ့ သနားကြင်နာမှု လိုအပ်ပါတယ်။ (ရောမ ၃:၂၃) ကျွန်ုပ်တို့သာ စိတ်ရင်းမှန်နဲ့ နောင်တယူမယ်ဆိုရင် ဘုရားသခင်ဘက်က ကြည်ကြည်ဖြူဖြူ ခွင့်လွှတ်ပေးမယ်ဆိုတာ ကျွန်ုပ်တို့ကို ကိုယ်တော် သိစေချင်တယ်။ ဘုရားသခင်ဟာ ခွင့်လွှတ်ပြီးသား အပြစ်တွေကို အပြစ်တင်ဖို့ ဒါမှမဟုတ် အပြစ်ပေးဖို့ ပြန်ဖော်နေမှာ မဟုတ်ပါဘူး။ တကယ့်ကို စိတ်သက်သာရာရစေတယ် မဟုတ်ဘူးလား။ ဘုရားသခင်အကြောင်း ပိုသိချင်လာအောင် သင့်ကို ကိုယ်တော်ရဲ့ သနားကြင်နာမှုက လှုံ့ဆော်ပေးပါစေ။
အာမဂေဒုန်—စစ်ပွဲအားလုံးကို အဆုံးတိုင်စေမည့် ဘုရားသခင့်စစ်ပွဲ
ဘုရားသခင်သည် တရားသူကြီးဖြစ်သောကြောင့် ဆိုးသွမ်းသူများနှင့်ပတ်သက်၍ စီရင်ချက်မှန်သမျှသည် ဖြောင့်မတ်တော်မူမည်ကို ကျွန်ုပ်တို့ ယုံကြည်စိတ်ချနိုင်သည်။ “မြေကြီးလုံးကိုစီရင်တော်မူသောသခင်သည် တရားသဖြင့်ပြုတော်မူမည်မဟုတ်လော” ဟုအာဗြဟံမေးခဲ့သည်။ ယေဟောဝါသည် အမြဲတမ်း ဖြောင့်မတ်မှန်ကန်တော်မူသည်ဟူသောအဖြေကို သူရရှိခဲ့သည်။ (ကမ္ဘာဦး ၁၈:၂၅) ထို့ပြင် ယေဟောဝါသည် ဆိုးသွမ်းသူများကို မဖျက်ဆီးလိုကြောင်း ကျမ်းစာက ကျွန်ုပ်တို့အား စိတ်ချစေသည်။ နောက်ဆုံးနည်းလမ်းအဖြစ်သာ ကိုယ်တော် ထိုသို့ပြုရခြင်းဖြစ်သည်။—ယေဇ. ၁၈:၃၂။ ၂ ပေတရု ၃:၉။
ကိုယ်နှင့်စပ်ဆိုင်သောသူကိုချစ်ခြင်းဟူသည် အဘယ်အရာကိုဆိုလို
၁၁ ယေဟောဝါအား မကိုးကွယ်သူများကို မေတ္တာပြရာတွင် ဘုရားသခင်ကိုတုပခြင်းက အကောင်းဆုံးဖြစ်၏။ ကိုယ်တော်သည် မကောင်းမှုကို မနှစ်သက်ပေ၊ သို့သော် လမ်းစဉ်ဟောင်းကိုစွန့်ကာ ထာဝရအသက်ခံစားနိုင်မည့်အခွင့်အလမ်းကို လူခပ်သိမ်းအား ကမ်းလှမ်းခြင်းဖြင့် မေတ္တာကရုဏာတင်ပြသည်။ (ယေဇကျေလ ၁၈:၂၃) ယေဟောဝါသည် လူအားလုံး “နောင်တရစေခြင်းငှာ အလိုတော်ရှိ” ၏။ (၂ ပေတရု ၃:၉) ‘လူအပေါင်းတို့သည် ကယ်တင်ခြင်းသို့ရောက်၍ အမှန်တရားကိုသိစေခြင်းငှာ ဘုရားသခင်အလိုတော်ရှိ၏။’ (၁ တိမောသေ ၂:၄) ယင်းကြောင့်ပင် ဟောပြောသွန်သင်ခြင်းနှင့် ‘လူမျိုးတကာတို့ကို တပည့်ဖြစ်စေ’ ခြင်းလုပ်ငန်းကို နောက်လိုက်များအား ယေရှုအပ်နှင်းခဲ့ခြင်းဖြစ်သည်။ (မဿဲ ၂၈:၁၉၊ ၂၀) ထိုလုပ်ငန်းတွင်ပါဝင်ခြင်းဖြင့် ဘုရားသခင်ကိုချစ်ကြောင်း၊ ကိုယ်နှင့်စပ်ဆိုင်သူများနှင့် ကျွန်ုပ်တို့၏ရန်သူများကိုပင် ချစ်ကြောင်း တင်ပြကြသည်။
ရှာဖွေလေ့လာ ဘုရားရေးရာရတနာ
ယေဟောဝါကို ဘယ်တော့မှ ဒေါသမထွက်ပါနဲ့
၉ အချက်အလက်အားလုံးကို ကျွန်ုပ်တို့ မသိဘူး။ ယေဇကျေလအချိန်က အစ္စရေးလူတွေဟာ အခြေအနေတစ်ခုစီရဲ့ အချက်အလက်အားလုံးကို မသိတဲ့အတွက်ကြောင့် ယေဟောဝါရဲ့ “စီရင်ချက်မဖြောင့်” လို့ ယူဆခဲ့ကြတယ်။ (ယေဇ. ၁၈:၂၉) အချက်အလက်အားလုံးကို မသိဘဲနဲ့ သူတို့ကိုယ်သူတို့ ဘုရားသခင်ကို တရားစီရင်ပိုင်ခွင့်ရှိသူတွေလို ပြုမူကြတယ်၊ ကိစ္စရပ်တွေကို ဘုရားသခင် အကောင်ဆုံးနည်းနဲ့ ဘယ်လိုလုပ်ဆောင်ရမယ်ဆိုတာကို ဆုံးဖြတ်ပေးကြတယ်။ ကျွန်ုပ်တို့လည်း ဘယ်လိုနည်းနဲ့ အဲဒီလိုအမှားမျိုး လုပ်မိနိုင်သလဲ။ ကျမ်းစာထဲမှာ ကျွန်ုပ်တို့နားလည်ရခက်တဲ့ အကြောင်းအရာတွေ ရှိနိုင်တယ်။ ဒါမှမဟုတ် ကျွန်ုပ်တို့ဘဝမှာ အခက်အခဲတစ်ခုခု ကြုံရတဲ့အခါ ဘာကြောင့် အဲဒီလိုဖြစ်တယ်ဆိုတာကို နားမလည်တာ ဖြစ်နိုင်တယ်။ အဲဒီအခါမှာ ယေဟောဝါရဲ့နည်းလမ်းတွေက မမျှတဘူး၊ မဖြောင့်မတ်ဘူးလို့ စိတ်နှလုံးထဲမှာ စတင်ခံစားရနိုင်တယ်။—ယောဘ ၃၅:၂။
ယေဇကျေလကျမ်းမှ ပေါ်လွင်ချက်များ—၁
၂၀:၁၊ ၄၉။ ဣသရေလအသက်ကြီးသူတို့၏ တုံ့ပြန်ပုံစကားက ယေဇကျေလပြောသည့်စကားကို သံသယဝင်ကြကြောင်း ဖော်ပြသည်။ ကျွန်ုပ်တို့သည် ဘုရားသခင်၏သတိပေးချက်များကို ဘယ်တော့မျှသံသယမဝင်ဘဲ နေနိုင်ကြပါစေ။
အမှုဆောင်လုပ်ငန်းမှာ ကျင့်သုံးပါ
ဟောပြောချက်
က၁၆.၀၅ ၃၂ [လိပ်]
နှင်ထုတ်ခံရသူကို ပြန်လက်ခံကြောင်း ကြေညာတဲ့အခါ ဝမ်းသာတာကို ဘယ်လို ပြနိုင်သလဲ
လုကာအခန်းကြီး ၁၅ မှာ သိုးအကောင် ၁၀၀ ရှိတဲ့သူအကြောင်း ယေရှုရဲ့ ပုံဥပမာကို ဖတ်ရတယ်။ တစ်ကောင်ပျောက်သွားလို့ ကျန်တဲ့သိုး ၉၉ ကောင်ကို တောမှာ ထားခဲ့ပြီး ပျောက်သွားတဲ့သိုးကို မတွေ့မချင်း သူလိုက်ရှာတယ်။ ယေရှု ဆက်ပြောတာက- “ရှာတွေ့တဲ့အခါ ဝမ်းမြောက်ဝမ်းသာဖြစ်ပြီး ပခုံးပေါ် ထမ်းလာတာပဲ။ အိမ်ရောက်တော့ မိတ်ဆွေတွေ၊ အိမ်နီးချင်းတွေကို ခေါ်ပြီး ‘ပျောက်တဲ့သိုးကို ပြန်တွေ့ပြီ။ ကျွန်တော်နဲ့အတူ ဝမ်းမြောက်ကြပါ’ လို့ပြောတတ်တယ်။” အဆုံးမှာ ယေရှုက “အလားတူပဲ။ ကျွန်တော်ပြောမယ်။ ဖြောင့်မတ်ပြီး နောင်တရစရာ အကြောင်းမရှိတဲ့လူ ၉၉ ယောက်အတွက် ဝမ်းမြောက်တာထက် နောင်တရတဲ့ အပြစ်သား တစ်ယောက်အတွက် ကောင်းကင်မှာ ပိုလို့တောင် ဝမ်းမြောက်ကြလိမ့်မယ်။”—လု. ၁၅:၄-၇။
အဲဒီကျမ်းရဲ့ ရှေ့နောက်စကားကို ဖတ်ကြည့်တဲ့အခါ အခွန်ခံတွေ၊ အပြစ်သားတွေနဲ့ ယေရှု ပေါင်းသင်းလို့ အပြစ်မြင်တဲ့ ကျမ်းတတ်နဲ့ ဖာရိရှဲတွေကို ကိုယ်တော် တည့်မတ်ပေးနေတာဖြစ်တယ်။ (လု. ၁၅:၁-၃) နောင်တရတဲ့ အပြစ်သားတစ်ယောက်အတွက် ကောင်းကင်မှာ ဝမ်းမြောက်ကြတယ်လို့ ယေရှုပြောတယ်။ ‘အပြစ်သားဟာ နောင်တရ၊ အကျင့်ပြောင်းပြီး သူ့လမ်းတွေကို အမြဲဖြောင့်ဖြူးစေလို့ ကောင်းကင်မှာ ဝမ်းမြောက်ကြရင် မြေကြီးပေါ်မှာကော မဝမ်းမြောက်သင့်ဘူးလား’ ဆိုပြီး မေးသင့်တယ်။
နှင်ထုတ်ခံထားသူတစ်ယောက်ကို အသင်းတော်က ပြန်လက်ခံရင် ဝမ်းမြောက်သင့်တယ်။ ဘုရားကို သူ ဆက်သစ္စာတည်ကြည်ဖို့ သူနောင်တရလို့ ပြန်လက်ခံတာကို ဝမ်းမြောက်ကြရမယ်။ ဒါကြောင့် အပြစ်ပြုသူကို ပြန်လက်ခံကြောင်း အကြီးအကဲတွေ ကြေညာတဲ့အခါ ဝမ်းသာကြောင်း လက်ခုတ်တီးတာ မမှားပါဘူး။
ဇူလိုင် ၂၄-၃၀
ကျမ်းစာထဲက အဖိုးတန်ဘဏ္ဍာများ | ယေဇကျေလ ၂၁-၂၃
“အုပ်စိုးပိုင်ခွင့်ရှိသူသာ ဘုရင်ဖြစ်”
ယေဇကျေလကျမ်းမှ ပေါ်လွင်ချက်များ—၁
ပြည်နှင်ခံရပြီး ခုနစ်နှစ်မြောက်ဖြစ်သည့် ဘီစီ ၆၁၁ တွင် ဣသရေလအသက်ကြီးသူတို့သည် ‘ထာဝရဘုရားသခင်ကို မေးလျှောက်ခြင်းငှာ’ ယေဇကျေလထံသို့လာကြသည်။ သူတို့သည် ဣသရေလလူမျိုး၏ ရှည်လျားသောပုန်ကန်မှုသမိုင်းကြောင်းနှင့် သူတို့တစ်ဖက် ‘ယေဟောဝါသည် ဓားကိုထုတ်မည်’ ဟူသည့်သတိပေးချက်ကို ကြားရကြသည်။ (ယေဇကျေလ ၂၀:၁; ၂၁:၃) ဣသရေလလူမျိုး၏အုပ်စိုးရှင် (ဇေဒကိ) ကိုရည်ရွယ်ကာ ယေဟောဝါဤသို့မိန့်တော်မူ၏– “ဦးရစ်တော်ကိုပယ်၍ ရာဇသရဖူကိုချွတ်လော့။ နောက်တစ်ဖန်မရှိရ။ နိမ့်သောသူကိုချီးမြှောက်ရမည်။ မြင့်သောသူကိုနှိမ့်ချရမည်။ နိုင်ငံကို ဆုံးစေခြင်းငှာလည်းကောင်း၊ အစိုးပိုင်သောသူ [ယေရှုခရစ်] မရောက်မီတိုင်အောင်လည်းကောင်း ငါမှောက်လှန်မည်။ မှောက်လှန်မည်။ မှောက်လှန်မည်။ အစိုးပိုင်သောသူ၌ ငါအပ်မည်။”—ယေဇကျေလ ၂၁:၂၆၊ ၂၇။
တို့ မေရှိယကို စောင့်မျှော်ခဲ့ကြ
၆ မေရှိယဟာ အစ္စရေးလူမျိုး၊ ယုဒအနွယ်ကနေ မွေးဖွားလာမယ်။ ဘိုးဘေးယာကုပ် မသေဆုံးခင် သားတွေကို ကောင်းချီးပေးတဲ့အခါ ယုဒနဲ့ပတ်သက်ပြီး ဒီလိုကြိုပြောခဲ့တယ်– “ရှိလောမရောက်မီတိုင်အောင် ရာဇလှံတံသည် ယုဒထံမှလည်းကောင်း၊ မင်းအာဏာသည် သူ၏အမျိုးအနွယ်ထံမှလည်းကောင်း မရွေ့ရ။ ရှိလော၌ လူမျိုးတို့သည် ဆည်းကပ်ကြလိမ့်မည်။” (က. ၄၉:၁၀) ဒီစကားတွေက မေရှိယကိုရည်ညွှန်းတယ်လို့ ဂျူးကျမ်းပညာရှင်များစွာ ယုံကြည်ခဲ့ကြတယ်။ ယုဒဘုရင်ဒါဝိဒ် အုပ်ချုပ်ချိန်ကစပြီး ရာဇလှံတံဖြစ်တဲ့ ဘုရင့်အကြွင်းမဲ့အာဏာက ယုဒအနွယ်မှာ ရှိခဲ့တယ်။ နောက်ဆုံးယုဒဘုရင်က ဇေဒကိဖြစ်တယ်၊ ဒါပေမဲ့ ယာကုပ်ရဲ့ပရောဖက်ပြုချက်က ဇေဒကိပြီးနောက် ပေါ်လာမယ့်ဘုရင်အကြောင်း ပြောနေခြင်းဖြစ်တယ်။ အဲဒီဘုရင်က ထာဝရဘုရင်ဖြစ်တယ်။ သူ့ကိုရှိလောလို့ခေါ်ပြီး အဓိပ္ပာယ်က “ပိုင်သသောသူ” ဖြစ်တယ်။ ဒီဘုရင်ဟာ အစိုးပိုင်သောသူဖြစ်မယ်ဆိုပြီး ဇေဒကိကို ဘုရားသခင် ပြောခဲ့တယ်။ (ယေဇ. ၂၁:၂၆၊ ၂၇) ဇေဒကိမင်းနောက်ပိုင်း ဒါဝိဒ်မျိုးရိုးကနေဆင်းသက်လာတဲ့ ကတိထားရာဘုရင်က ယေရှုပဲဖြစ်တယ်။ ယေရှုမမွေးဖွားမီမှာ ကောင်းကင်တမန်ဂါဗြေလက မာရိကို ဒီလိုပြောခဲ့တယ်– ‘သူ့အဖ ဒါဝိဒ်၏အရိုက်အရာကို ယေဟောဝါဘုရားသခင်သည် သူ့အားပေးတော်မူမည်။ သူသည် ယာကုပ်အမျိုးအနွယ်ကို အစဉ်မပြတ် အုပ်စိုးလိမ့်မည်။ သူ၏နိုင်ငံသည်လည်း အဆုံးမရှိရ။’ (လု. ၁:၃၂၊ ၃၃) ယေရှုခရစ်က ယုဒနဲ့ ဒါဝိဒ်ကနေ ဆင်းသက်လာတဲ့အတွက် ရှိလောဖြစ်တာသေချာတယ်။—မ. ၁:၁-၃၊ ၆။ လု. ၃:၂၃၊ ၃၁-၃၄။
နိုင်ငံတော်ကို အခိုင်အမာယုံကြည်ပါ
၁၄ ယေဟောဝါက ရှေးအစ္စရေးဘုရင်ဒါဝိဒ်ကို ကတိတစ်ခုပေးတယ်။ အဲဒီကတိကို ဒါဝိဒ်ပဋိညာဉ် လို့ခေါ်တယ်။ (၂ ဓမ္မရာဇဝင် ၇:၁၂၊ ၁၆ ကိုဖတ်ပါ။) မေရှိယဟာ ဒါဝိဒ်မျိုးရိုးကနေဆင်းသက်လာမယ်လို့ ယေဟောဝါကတိပေးတယ်။ (လု. ၁:၃၀-၃၃) ဒီလိုနဲ့ မေရှိယရဲ့မျိုးရိုးနဲ့ပတ်သက်တဲ့ အသေးစိတ်အချက်အလက်ကို ယေဟောဝါထပ်ဖော်ပြခဲ့တယ်။ ဒါဝိဒ်ကနေဆင်းသက်မယ့် ဒီမျိုးဆက်ဟာ မေရှိယနိုင်ငံမှာ ဘုရင်အဖြစ် ‘တရားဝင်အုပ်စိုးပိုင်ခွင့်’ ရှိမယ်လို့ ယေဟောဝါပြောတယ်။ (ယေဇ. ၂၁:၂၅-၂၇၊ ကဘ) ဒါဝိဒ်မင်းဆက် ထာဝစဉ်တည်မယ်။ အကြောင်းကတော့ ဒါဝိဒ်မျိုးဆက် ယေရှုဟာ ‘ထာဝစဉ်တည်ပြီး သူ့ရဲ့ရာဇပလ္လင်ဟာလည်း နေမင်းကြီးလို တည်မြဲ’ မှာဖြစ်လို့ပဲ။ (ဆာ. ၈၉:၃၄-၃၇၊ ကဘ) မေရှိယရဲ့အုပ်ချုပ်မှုဟာ ဘယ်တော့မှပျက်စီးမှာမဟုတ်ဘူး၊ ဒီအုပ်ချုပ်မှုကနေရမယ့် အကျိုးကျေးဇူးတွေဟာလည်း ထာဝစဉ်တည်မယ်ဆိုတာ ကျွန်တော်တို့ ယုံကြည်စိတ်ချနိုင်ပါတယ်။
ရှာဖွေလေ့လာ ဘုရားရေးရာရတနာ
ကျေလကျမ်းမှ ပေါ်လွင်ချက်များ—၁
၂၁:၃—ဓားအိမ်မှ ယေဟောဝါထုတ်တော်မူသော “ဓား” မှာ အဘယ်နည်း။ ယေရုရှလင်မြို့နှင့် ယုဒပြည်ကို တရားစီရင်ရန် ယေဟောဝါအသုံးပြုသည့် “ဓား” မှာ ဗာဗုလုန်ဘုရင်နေဗုခဒ်နေဇာနှင့် သူ၏စစ်တပ်ဖြစ်ကြောင်း ထင်ရှားသည်။ တန်ခိုးကြီးဝိညာဉ်သတ္တဝါများဖြင့် ဖွဲ့စည်းထားသော ဘုရားသခင်၏ ကောင်းကင်အဖွဲ့အစည်းလည်း ပါဝင်နိုင်ပါသည်။
ယေဇကျေလကျမ်းမှ ပေါ်လွင်ချက်များ—၁
၂၃:၅-၄၉။ ဣသရေလနှင့်ယုဒသည် နိုင်ငံရေးမဟာမိတ်များဖွဲ့ခြင်းကြောင့် သူတို့၏မဟာမိတ်များထံမှ မှားယွင်းသောဝတ်ပြုရေး ရရှိခဲ့ကြသည်။ ကျွန်ုပ်တို့၏ယုံကြည်ခြင်းပျက်စီးစေနိုင်သည့် လောကသားများနှင့် ရင်းနှီးစွာပေါင်းဖော်ခြင်းကို သတိပြုကြစို့။—ယာကုပ် ၄:၄။
ဇူလိုင် ၃၁–သြဂုတ် ၆
ကျမ်းစာထဲက အဖိုးတန်ဘဏ္ဍာများ | ယေဇကျေလ ၂၄-၂၇
“တိုင်ရာမြို့အကြောင်း ကြိုဟောချက်က ယေဟောဝါရဲ့ စကားတွေကို ပိုယုံကြည်စိတ်ချစေ”
ကျမ်းစာစောင် နံပါတ် ၂၆—ယေဇကျေလ
၄ အိမ်နီးချင်းနိုင်ငံများဖြစ်သော တုရု၊ အီဂျစ်၊ ဧဒုံတို့နှင့်ပတ်သက်သည့် ယေဇကျေလပရောဖက်ပြုချက်များ ထူးထူးခြားခြားပြည့်စုံခြင်းကို တွေ့မြင်ရခြင်းသည်လည်း ကျမ်းစစ်ကျမ်းမှန်ဖြစ်ကြောင်း ထပ်ဆင့်သာဓကဖြစ်သည်။ ဥပမာ၊ ယေဇကျေလက တုရုမြို့သည် သိမ်းရုံးဖျက်ဆီးခံရမည်ဟု ပရောဖက်ပြုခဲ့သည်၊ နေဗုခဒ်နေဇာက ထိုမြို့ကို ၁၃ နှစ်လုံးလုံးဝိုင်းရံပိတ်ဆို့ပြီး သိမ်းပိုက်လိုက်သောအခါ ၎င်းပရောဖက်ပြုချက်တစ်စိတ်တစ်ပိုင်း ပြည့်စုံခဲ့သည်။ (ယေဇ. ၂၆:၂-၂၁) ဤတိုက်ခိုက်သိမ်းပိုက်မှုသည် တုရုမြို့လုံးဝပျက်စီးခြင်းမဖြစ်ခဲ့ပါ။ သို့သော် လုံးဝပျက်စီးမည်ဟု ယေဟောဝါစီရင်ချက်ချပြီးဖြစ်သည်။ ယေဇကျလမှတစ်ဆင့် ကိုယ်တော်ဤသို့ကြိုဟောခဲ့ပြီးဖြစ်သည်– “မြေမှုန့်ကိုငါခြစ်ခွာ၍ ရှင်းလင်းသောကျောက်ကဲ့သို့ဖြစ်စေမည်။ ... သင်၏ကျောက်၊ သစ်သား၊ မြေတို့ကို ရေထဲမှာချပစ်ကြလိမ့်မည်။” (၂၆:၄၊ ၁၂) နှစ်ပေါင်း ၂၅၀ လွန်ပြီးနောက် မဟာအလက်ဇန္ဒားသည် ကျွန်းမြို့တော်ဖြစ်သော တုရုမြို့ကို တိုက်ခိုက်သောအခါ ၎င်းကျမ်းချက်ပြည့်စုံခဲ့သည်။ အလက်ဇန္ဒား၏စစ်သားတို့သည် ကမ်းပေါ်မှ မြို့အပျက်အယွင်းများကိုခြစ်ယူပြီး ပင်လယ်ထဲသို့ပစ်ချကာ မိုင်ဝက်ရှိသောတာကြီးကို ကျွန်းမြို့ရောက်သည်အထိဖို့ခဲ့သည်။ သို့ဖြင့် သူတို့သည် ရှုပ်ထွေးသောဝိုင်းရံပိတ်ဆို့မှုလုပ်ရပ်များဖြင့် ပေ ၁၅၀ မြင့်သောမြို့ရိုးကိုဖြိုဖျက်ကာ ဘီ.စီ.အီး. ၃၃၂ တွင်သိမ်းယူခဲ့သည်။ ထောင်နှင့်ချီသောသူများအသတ်ခံရပြီး များစွာသောသူတို့သည် ကျွန်အဖြစ်ရောင်းစားခံရကြသည်။ ယေဇကျေလတင်ကူးဟောခဲ့သည့်အတိုင်း တုရုမြို့သည် ‘ရှင်းလင်းသောကျောက်၊ ပိုက်ကွန်လှန်းရာအရပ်’ ဖြစ်လာခဲ့သည်။ (၂၆:၁၄) ကတိထားရာပြည်၏ အခြားတစ်ဖက်ရှိသော စဉ်းလဲသောဧဒုံလူမျိုးတို့သည်လည်း ယေဇကျေလပရောဖက်ပြုခဲ့သည့်အတိုင်း လုံးလုံးဖျက်ဆီးခံခဲ့ရသည်။ (၂၅:၁၂၊ ၁၃; ၃၅:၂-၉) ထို့ပြင် ယေရုရှလင်မြို့ပျက်စီးခြင်း၊ ဣသရေလလူတို့ ပြည်တော်ပြန်ခြင်းတို့နှင့်ပတ်သက်သော ယေဇကျေလ၏ပရောဖက်ပြုချက်သည်လည်း အတိအကျပြည့်စုံခဲ့သည်။—၁၇:၁၂-၂၁; ၃၆:၇-၁၄။
ce-E ၂၁၆ ပိုဒ်. ၃
သမ္မာကျမ်းစာ—ဘုရားဆီကလား
၃ တိုင်ရာမြို့ဟာ ဖိုနီးရှားနိုင်ငံက ဆိပ်ကမ်းမြို့ တစ်မြို့ဖြစ်တယ်။ ယေဟောဝါကို ကိုးကွယ်တဲ့ ရှေးအစ္စရေးလူမျိုးကို သူသစ္စာဖောက်ခဲ့တာ။ အဲဒါကြောင့် ဖျက်ဆီးခံရလိမ့်မယ်လို့ ယေဟောဝါက အနှစ် ၂၅၀ ကြိုပြီး ပရောဖက် ယေဇကျေလကို ဟောခိုင်းတယ်။ “မင်းကိုတိုက်ခိုက်ဖို့ လူမျိုးအများကြီးကို” လွှတ်မယ်။ ‘တိုင်ရာမြို့ရိုးတွေကို ဖျက်ဆီးပြီး မျှော်စင်တွေကို ဖြိုချလိမ့်မယ်။ ငါက မြေတွေကို ခြစ်ထုတ်ပြီး ကျောက်တလင်းပြင် ဖြစ်စေမယ်။ မင်းဟာ ပင်လယ်ပြင်မှာ ငါးဖမ်းပိုက်တွေ လှန်းတဲ့နေရာ ဖြစ်သွားလိမ့်မယ်။’ ယေဇကျေလက ‘တိုင်ရာမြို့ကို တိုက်ခိုက်မယ့်’ ပထမနိုင်ငံ ‘ဗာဗုလုန်ဘုရင် နေဗုခဒ်နေဇာ’ အကြောင်း ကြိုပြောတယ်။—ယေဇ. ၂၆:၃-၅၊ ၇။
it-1-E ၇၀
အလက်ဇန္ဒား
အလက်ဇန္ဒားဟာ အာရှမိုင်းနားမှာ (ဦးဆုံး၊ ဂရာနီကပ်စ်မြစ်၊ နောက်တစ်ကြိမ်၊ ပါရှားစစ်သား ငါးသိန်း အသက်ဆုံးရှုံးခဲ့တဲ့ အစ္စပ်လွင်ပြင်မှာ) စစ်ရှုံးလို့ ထွက်ပြေးနေတဲ့ ပါရှားတွေကို လိုက်ဖမ်းမယ့်အစား ကျွန်းပေါ်က တိုင်ရာမြို့ကို အာရုံစိုက်ခဲ့တယ်။ အဲဒီမတိုင်ခင် ရာစုနှစ်ချီကတည်းက ကြိုဟောချက်အတိုင်းပဲ ပြိုပျက်နေတဲ့ တိုင်ရာမြို့ရိုးတွေ၊ အိမ်တွေနဲ့ မြေကြီးကအစကို ရေထဲပစ်ချလိုက်ကြတယ်။ (ယေဇ. ၂၆:၄၊ ၁၂) နေဗုခဒ်နေဇာ ဖျက်ဆီးခဲ့တဲ့ ကုန်းပိုင်းမြို့ရဲ့ အပျက်အယွင်းတွေနဲ့ အလက်ဇန္ဒားဟာ ကျွန်းပေါ်ကမြို့ဆီသွားဖို့ မီတာ ၈၀၀ ရှည်တဲ့ တာရိုးကို ဆောက်ခဲ့ပုံရတယ်။ ဒါပေမဲ့ ဘီစီ ၃၃၂၊ ဇူလိုင်မှာ သူ့ရဲ့ရေတပ်နဲ့ စစ်ယန္တရားစက်ကြီးတွေကြောင့် ဒီထည်ဝါခံ့ညားတဲ့ ပင်လယ်သခင်မ ပျက်စီးသွားရှာတယ်။
ရှာဖွေလေ့လာ ဘုရားရေးရာရတနာ
ယေဇကျေလကျမ်းမှ ပေါ်လွင်ချက်များ—၁
၂၄:၆-၁၄—သံချေးတက်သောအိုးကင်းသည် အဘယ်အရာကို ပုံတင်ပြသနည်း။ ဝိုင်းရံတိုက်ခိုက် ခံနေရသည့် ယေရုရှလင်မြို့ကို အဝကျယ်သော အိုးကင်းတစ်ခုနှင့် ခိုင်းနှိုင်းနိုင်သည်။ သံချေးက မြို့တွင်းရှိ ကိုယ်ကျင့်တရားဖောက်ပြန်ခြင်း—ညစ်ညမ်းခြင်း၊ အကျင့်ပျက်ခြင်း၊ သွေးသွန်းခြင်းတို့ကို ပုံတင်ပြပြီး ယင်းတို့အတွက် သူ့တွင်တာဝန်ရှိသည်။ မြို့၏ ညစ်ညမ်းမှုသည် အလွန်ကြီးမားသောကြောင့် အဘယ်အရာမျှမပါဘဲ အိုးအလွတ်ကိုမီးဖိုပေါ်တင်ကာ မီးပြင်းပြင်းထိုးသည့်တိုင် ယင်း၏သံချေးများ မပျောက်သွားပါ။
က၈၉ ၉/၁၅ ၁၇ ပိုဒ်. ၂၄
ယေဟောဝါ ဓါးတော်ကို ဓါးအိမ်မှ ထုတ်တော်မူသည်
၂၄ ၄င်းနောက် ယေဇကျေလသည် ထူးဆန်းသောနည်းဖြင့် သရုပ်ဆောင်ခဲ့ရသည်။ (ယေဇကျေလ ၂၄:၁၅-၁၈ ကိုဖတ်။) မယားသေဆုံးသောအခါ ယေဇကျေလ အဘယ်ကြောင့် ပူဆွေးဝမ်းနည်းခြင်း မပြရသနည်း။ ယေရုရှလင်မြို့နှင့် မြို့သူမြို့သားတို့မှစ၍ ဗိမာန်တော်ပါ ပျက်စီးချိန်တွင် ဂျူးလူမျိုးများ မည်မျှအထိ အံ့အားသင့်၍ ကျက်သေသေကြမည်ကို ပြသရန်အတွက် ဖြစ်သည်။ ဤကိစ္စနှင့်ပတ်သက်၍ ယေဇကျေလအနေဖြင့် ပြောစရာရှိ အကုန်ပြောပြီးပြီဖြစ်၍ ယေရုရှလင်မြို့ ကျဆုံးပြီဟူသော သတင်းကြားရမည့်အချိန်တိုင်အောင် ဘုရားသခင့်ဗျာဒိတ်တော်စကားကို နောက်တစ်ဖန် ဆင့်ဆိုတော့မည်မဟုတ်။ အလားတူစွာပင် ခရစ်ယာန်ဘောင်နှင့် ယင်း၏ ကြောင်သူတော် ဘာသာရေးသမားများသည်လည်း ယင်းတို့ပျက်စီးချိန်တွင် ကြက်သေသေကြလိမ့်မည်။ “ကြီးစွာသောဒုက္ခ” စတင်ပြီးနောက် ခရစ်ယာန်ဘောင်၏ဇာတ်သိမ်းအကြောင်း ဘိသိက်ခံ ကင်းစောင့်အတန်းအစား ပြောခဲ့ဆိုခဲ့သမျှသည် တော်လောက်ပြီဖြစ်မည်။ (မ. ၂၄:၂၁) သို့သော် ဘုရားသခင့် “ဓားတော်” ခရစ်ယာန်ဘောင်အပေါ် သက်ရောက်လာသောအခါ အဆိုပါကျက်သေသေသော ဘာသာရေးသမားများနှင့် အခြားသူများတို့သည် ‘ကိုယ်တော်သည် ယေဟောဝါဖြစ်ကြောင်း သိရကြလိမ့်မယ်။’—ယေဇ. ၂၄:၁၉-၂၇။