ခရစ်ယာန်အသက်တာလမ်းစဉ်
ရှေ့ဆောင် လုပ်ပြီး ယေဟောဝါကို ချီးမွမ်းပါ
ယေဟောဝါကို ချီးမွမ်းဖို့ အစ္စရေးတွေမှာ သိပ်ကောင်းတဲ့ အကြောင်းရင်းတွေ ရှိခဲ့တယ်။ သူတို့ကို အီဂျစ်ပြည်ကနေ ခေါ်ထုတ်ပြီး ဖာရောစစ်တပ်လက်ကနေ ကယ်တင်ခဲ့တယ်။ (ထွ ၁၅:၁၊ ၂) ယေဟောဝါဟာ မိမိရဲ့ လူမျိုးအတွက် ကောင်းတာတွေ ဆက်ပြီး လုပ်ပေးနေပါတယ်။ ကျေးဇူးတင်ကြောင်း ဘယ်လို ပြနိုင်သလဲ။—ဆ ၁၁၆:၁၂။
တစ်နည်းကတော့ အရန်ရှေ့ဆောင် ဒါမှမဟုတ် မှန်မှန်ရှေ့ဆောင် လုပ်ခြင်း ဖြစ်တယ်။ ရှေ့ဆောင်လုပ်ချင်တဲ့ ဆန္ဒနဲ့ လုပ်နိုင်တဲ့ ခွန်အား ပေးဖို့ ဆုတောင်းနိုင်တယ်။ (ဖိ ၂:၁၃) ညီအစ်ကို/မ များစွာကတော့ အရင်ဆုံး အရန်ရှေ့ဆောင် စလုပ်တယ်။ မတ်လ၊ ဧပြီလနဲ့ တိုက်နယ်ကြီးကြပ်မှူး လည်ပတ်တဲ့ လမှာ နာရီ ၃၀ ဒါမှမဟုတ် နာရီ ၅၀ နှစ်သက်ရာကို ရွေးပြီး အရန်ရှေ့ဆောင် လုပ်နိုင်တယ်။ အရန်ရှေ့ဆောင် လုပ်ရတာ ပျော်လာတဲ့အခါ မှန်မှန်ရှေ့ဆောင် လုပ်ချင်လာပါလိမ့်မယ်။ လောကအလုပ်ကို အချိန်ပြည့် လုပ်သူတွေ၊ ကျန်းမာရေး သိပ်မကောင်းသူတွေတောင် မှန်မှန်ရှေ့ဆောင် လုပ်နိုင်ကြတယ်။ (mwb ၁၆.၀၇ ၈) သေချာတာကတော့ ယေဟောဝါဟာ ကျွန်တော်တို့ရဲ့ အတတ်နိုင်ဆုံး ချီးမွမ်းမှုကို ခံထိုက်ပါတယ်။—၁ရာ ၁၆:၂၅။
မွန်ဂိုလီယားက ညီအစ်မသုံးယောက် ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–
ညီအစ်မသုံးယောက်ဟာ ရှေ့ဆောင် လုပ်ဖို့ ဘယ်အခက်အခဲတွေကို ကျော်ဖြတ်ခဲ့ရသလဲ။
သူတို့ ဘာကောင်းချီးတွေ ခံစားခဲ့ရသလဲ။
သူတို့ မှန်မှန်ရှေ့ဆောင် လုပ်လို့ ဘယ် ထပ်ဆင့်အခွင့်အရေးတွေ ရခဲ့သလဲ။
သူတို့ရဲ့ စံနမူနာက တခြားသူတွေကို ဘယ်လို အကျိုးသက်ရောက်သလဲ။