ဘုရားသခင်ကိုချီမွမ်းရန် ကျမ်းစာ,စာပေများထုတ်လုပ်ခြင်း

ယေဟောဝါသက်သေတို့သည် ပုံနှိပ်စာပေများဖြင့် ဘုရားနိုင်ငံတော်သတင်းဟောပြောခြင်းကို လူသိများကြသည်။ ၁၉၂၀ ခုနှစ်ကတည်းက ကင်းမျှော်စင်အသင်းသည် ယေဟောဝါသက်သေများထဲမှ စေတနာ့ဝန်ထမ်းတို့၏ လုပ်အားဖြင့်မဂ္ဂဇင်းများ၊ စာပေများကိုထုတ်လုပ်ဖြန့်ဖြူးခဲ့သည်။ ဤနည်းဖြင့်စာပေများကို ဈေးနှုန်းအချိုသာဆုံးနှင့် လုံလုံလောက်လောက်ထုတ်ဝေနိုင်ရန်ဖြစ်သည်။

နှစ်ပေါင်း ၆၀ တစ်လျှောက်အသင်းမသည် ကျမ်းစာ,စာပေထုတ်လုပ်ခြင်းကို တိုးချဲ့ဆောင်ရွက်လျက်ရှိရာ ပထမတွင်ဘရွတ်ကလင်၌၊ နောက်တွင်အခြားနိုင်ငံများ၌ထုတ်လုပ်လာနိုင်သည်။ လုပ်ငန်းအားလုံးကို တိုးပွားနေသည့်စေတနာ့ဝန်ထမ်းတို့၏ အကူအညီဖြင့်ပြီးမြောက်စေသည်။

၁၉၇၀ ခုနှစ်များအကုန်ပိုင်းတွင် ကွန်ပြူတာနည်းစနစ်၊ ဓာတ်ပုံစာစီစနစ်၊ အော့ဖ်ဆက်ပုံနှိပ်စနစ်တို့သည် အစဉ်အလာပုံနှိပ်နည်းစနစ်များကိုအစားထိုးနေရာယူလာကြသည်။ ဤတွင်ရင်ဆိုင်ရသောပြဿနာတစ်ခုမှာ စီးပွားရေးဈေးကွက်တွင်ရနိုင်သော စက်ကိရိယာတို့ကိုသုံးခြင်းအားဖြင့် အကန့်အသတ်ရှိသော ဘာသာစကားအရေအတွက်ဖြင့်သာထုတ်ဝေနိုင်သည်။ သို့တစေအသင်းမသည် ဘာသာစကား ၁၆၀ ဖြင့်စာပေများကိုထုတ်ဝေနိုင်နှင့်ပြီဖြစ်ရာ ထိုထက်မကလိုအပ်နေသေးသည်။

ထို့ကြောင့်ဘာသာစုံအီလက်ထရောနစ်ဓာတ်ပုံစာစီစနစ်ဖြင့် တိုးတက်ထုတ်လုပ်နိုင်ရန်စေတနာ့ဝန်ထမ်းတို့ကို ခေါ်ဖိတ်ခဲ့သည်။ ရလဒ်ကားကျေနပ်ဖွယ်ဖြစ်သည်။ လိုအပ်သောစက်မှုဆိုင်ရာကျော်လွှားအောင်မြင်မှုကိုရရှိခဲ့ပြီး၊ စာမူသွင်းခြင်း၊ စာဖွဲ့ခြင်းနှင့် မက်ပ်စ် (MEPS) ခေါ်ဓာတ်ပုံစီစနစ်များကို တိုးတက်ဖြစ်ထွန်းလာသည်။ ဤစနစ်ဖြင့်ဘာသာစကား ၂၀၀ နီးပါးထိစီစဉ်ထုတ်လုပ်နိုင်သည်။ ထို့ထက်ပိုမို၍လည်း စီစဉ်ထုတ်လုပ်နိုင်သည်။

ယနေ့ယေဟောဝါသက်သေတို့ ထုတ်လုပ်သောမက်ပ်စ် စာမူသွင်းခြင်းနှင့်ပုံဖော်ကိရိယာတို့ကို နိုင်ငံပေါင်း ၂၅ နိုင်ငံ၌အသုံးပြုနေကြသည်။ အခြားနိုင်ငံများ၌လည်း သုံးရန်စီစဉ်နေကြသည်။ ဤနိုင်ငံများရှိစေတနာ့ဝန်ထမ်းလုပ်အားရှင်တို့အား စက်ကိရိယာကိုင်တွယ်ထိန်းသိမ်းနည်းကို လေ့ကျင့်သင်ကြားပေးထားသည်။ ယခုအခါအသင်းမသည် ဘာသာစကား ၁၀၀ ကျော်ဖြင့်မဂ္ဂဇင်းကို ၃၆ နိုင်ငံ၌ထုတ်လုပ်နေပြီး ၄င်းနိုင်ငံများမှ ၅ နိုင်ငံ၌စာအုပ်နှင့်ကျမ်းစာများကိုလည်းထုတ်လုပ်နေသည်။

ဤလုပ်ငန်းကိုလုပ်ကိုင်ရန် စာရေးသူ၊ ဘာသာပြန်သူ၊ စာပြင်သူ၊ ပုံနှိပ်သူ၊ ချုပ်လုပ်သူ၊ ထုပ်ပိုးတင်ပို့သူများလိုအပ်သည်။ အခြားသူတို့မူအသင်းတော်များနှင့် ပတ်သက်သောလုပ်ငန်းကိုလုပ်ကိုင်ရသည်။ အချို့အစားအသောက်၊ ကုန်ထုတ်လုပ်ခြင်း၊ အစားအစာချက်ပြုတ်ပြင်ဆင်ခြင်း၊ အဝတ်လျှော်ခြင်းနှင့် အခြားအလုပ်များကိုလုပ်ကြသည်။ ဤအလုပ်အားလုံးကို နိုင်ငံအသီးသီးမှ စေတနာ့ဝန်ထမ်းလုပ်အားရှင်များက အကျိုးဆောင်ပေးကြသည်။ ၁၉၉၀ ခုနှစ်အတွင်း ကမ္ဘာတစ်ခွင်ရှိရုံး၊ စက်ရုံ၊ အိမ်နှင့်စိုက်ခင်းအသီးသီးတို့မှ စေတနာ့ဝန်ထမ်းလုပ်အားရှင် ၁၁၀၉၂ ဦးရှိခဲ့သည်။

ဤသူတို့သည်မည်သူများနည်း။ သူတို့သည်ယေဟောဝါထံဆက်ကပ်အပ်နှံထားသည့် အမျိုးသား၊ အမျိုးသမီး ကြီးကြီးငယ်ငယ်ပျိုပျိုအိုအိုသောသက်သေများဖြစ်ကြသည်။ အချို့တို့သည်ဤလုပ်ငန်းတွင်နှစ်ပေါင်း ၄၀၊ ၅၀ အချို့နှစ်ပေါင်း ၆၀ အထိလုပ်ဆောင်ခဲ့ကြပြီ။ သူတို့သည်လုပ်ငန်းခွင်၌ တစ်ပတ်လျှင်အနည်းဆုံး ၄၄ နာရီနှင့်လိုအပ်ပါက ထို့ထက်ပို၍အသုံးပြုကြသည်။ ညနေပိုင်းများနှင့်စနေ၊ တနင်္ဂနွေနေ့များတွင် တစ်အိမ်တက်ဆင်းသတင်းကောင်းဟောပြောခြင်းနှင့် အခြားအသင်းတော်လုပ်ငန်းများလုပ်ဆောင်ကြသည်။

ကမ္ဘာတစ်ခွင်ရှိဤလုပ်သားတို့သည် သင့်တင့်လျှောက်ပတ်သောအခန်းနှင့် အစားအသောက်တို့ကိုဗေသလအိမ်ဟုခေါ်သော အသင်းမပိုင်အိမ်များ၌ရရှိကြသည်။ ဓမ္မအမှုဆောင်လုပ်ငန်းအတွက် ခရီးစရိတ်နှင့်ကိုယ်ပိုင်အသုံးစရိတ်အတွက်လည်း အထိုက်အလျောက်ရရှိကြသည်။

၁၉၂၀ ခုနှစ်ကတည်းကစ၍ ဤစေတနာ့ဝန်ထမ်းလုပ်သားတို့သည် သန်းပေါင်းကိုးထောင်ကျော်သော ကျမ်းစာအုပ်များ၊ စာအုပ်များ၊ မဂ္ဂဇင်းများနှင့်ဝေစာများတို့ကို ဘာသာစကားပေါင်း ၂၀၀ ခန့်ဖြင့်ကမ္ဘာချီထုတ်ဝေဖြန့်ဖြူးခဲ့သည်။ လူအမျိုးမျိုးအနွယ်နွယ်ကို ထာဝရသတင်းကောင်းကြေညာနိုင်ရန်အတွက် ဤသူတို့သည် မိမိတာဝန်ကိုလုပ်ဆောင်နေကြခြင်းဖြစ်သည်။—ဗျာဒိတ် ၁၄:၆၊ ၇။

• ကင်းမျှော်စင်အသင်းသည်အဘယ်ပုံနှိပ်လုပ်ငန်းလည်ပတ်မှုရှိသနည်း။ အဘယ်ကြောင့်နည်း။

• ဤအလုပ်အားလုံးမည်သူများလုပ်ကြသနည်း။ သူတို့မည်သို့နေထိုင်ကြသနည်း။

[စာမျက်နှာ ၂၄ ပါ ရုပ်ပုံများ]

စေတနာ့ဝန်ထမ်းတို့သည် ကျမ်းစာ,စာပေထုတ်လုပ်ခြင်းနှင့်ဆက်နွယ်သောလုပ်ငန်းတို့ကိုဘရွတ်ကလင်နှင့်ဝေါလ်စေးလ်၊ ယူအက်စ်အေရှိစက်ရုံ၊ အိမ်၊ ရုံးနှင့်စိုက်ကွင်းများတွင်လုပ်ဆောင်နေကြပုံ

[စာမျက်နှာ ၂၅ ပါ ရုပ်ပုံများ]

စေတနာ့ဝန်ထမ်းတို့သည်ကျမ်းစာ,စာပေထုတ်လုပ်ရာတွင်တိုက်ရိုက်ဖြစ်စေ၊ သွယ်ဝိုက်၍ဖြစ်စေပတ်သက်သောလုပ်ငန်းအသီးသီးကိုလုပ်ဆောင်နေကြပုံ

[စာမျက်နှာ ၁ ပါ ရုပ်ပုံ]

စပိန်

ဂျာမနီ

ဖင်လန်

ကနေဒါ

ဒိန်းမတ်

ဆွီဒင်

တောင်အာဖရိက

ဘရာဇီးလ်

နယ်သလန်

ဩစတြေးလျ