စိတ်စေတနာလှူဒါန်းရာများဖြင့် ငွေရေးကြေးရေးအရထောက်ပံ့ခံရ

ဖော်ပြခဲ့ပြီးသောလုပ်ငန်းအားလုံး စေတနာ့လုပ်အားရှင်များအကူအညီဖြင့် ကုန်ကျစရိတ်သက်သာစေသည်။ တစ်အိမ်တက်ဆင်းဓမ္မအမှုဆောင်ခြင်းနှင့် စာပေစာတမ်းဖြန့်ဝေခြင်းတို့ကို ယေဟောဝါသက်သေတို့က ကိုယ့်စရိတ်ကိုယ်ခံ၍ အခမဲ့လုပ်ဆောင်ကြသည်။ ဓမ္မအမှုထမ်းတို့၏အကူအညီဖြင့် အသင်းတော်များကိုကြီးကြပ်ကွပ်ကဲရသော အကြီးအကဲတို့၏လုပ်ငန်းသည် အခကြေးငွေမရရှိပါ။ ကိုယ့်စရိတ်ကိုယ်ကျခံကြသည်။

အုပ်ချုပ်ရေးအဖွဲ့ဝင်များ၊ ကျမ်းစာနှင့်ကျမ်းစာ,စာပေထုတ်လုပ်ရေးလုပ်ငန်းတွင်ပါဝင်သော အချိန်ပြည့်အမှုဆောင်များပင်လျှင် နေရန်အခန်း၊ အစားအသောက်နှင့် အသုံးစရိတ်အနည်းငယ်စီသာရရှိကြသည်။ နယ်လှည့်အချိန်ပြည့်အမှုဆောင်များလည်း ထို့အတူပင်ဖြစ်သည်။

စာပေစာတမ်းအတွက် အသင့်အတင့်ရရှိသောအလှူငွေအများစုမှာ အခြေခံလိုအပ်ရာများအတွက် ကုန်ကျစရိတ်၊ ထုတ်လုပ်ခြင်း၊ တင်ပို့ခြင်းတို့အတွက်လောက်သာဖြစ်သည်။ အခြားကုန်ကျစရိတ်အားလုံးအတွက် ယေဟောဝါသက်သေများကိုယ်တိုင်လှူဒါန်း၍သော်လည်းကောင်း၊ အမွေလွှဲပြောင်းခြင်းများဖြင့်သော်လည်းကောင်း ဖူလုံစေသည်။

ယေဟောဝါသက်သေတို့၏ဒေသဆိုင်ရာ အစည်းအဝေး၌ဖြစ်စေ၊ စည်းဝေးပွဲကြီးများ၌ဖြစ်စေ ဆန္ဒရှိသူတိုင်းထည့်ဝင်နိုင်ရန် အလှူငွေသေတ္တာများကို ထားရှိပေးထားသည်။ လိုက်လံကောက်ခံခြင်း၊ ခွဲကြေးချခြင်း၊ ဆယ်ဖို့တစ်ဖို့ပေးရခြင်းများမရှိပေ။ ကျမ်းစာတွင်ဖော်ပြထားသကဲ့သို့ လူတိုင်းနှလုံးသားမှပြဌာန်းသည့်အတိုင်းထည့်ဝင်လှူဒါန်းနိုင်သည်။—၂ ကောရိန္သု ၈:၁၂။ ၉:၇။

• ယေဟောဝါသက်သေတို့၏လုပ်ဆောင်မှုအားလုံးအတွက်ငွေကြေးအကူအညီမည်သို့ရရှိသနည်း။