ရွေးချယ်မှု မှန်ကန်သူ

မောရှေဆိုတဲ့ နာမည်ဟာ ဟီဘရူးမိဘတွေ မှည့်ခဲ့တာ မဟုတ်ဘူး။ မွေးစားအမေ အီဂျစ်မင်းသမီး မှည့်ခဲ့တာ။ “ဆယ်ယူခံရသူ” ဆိုတဲ့ အဓိပ္ပာယ် ရှိပုံရတယ်။ တကယ်လည်း မောရှေလေးကို ရေထဲကနေ ဆယ်ယူကယ်တင်ခဲ့တာ။ အီဂျစ်တော်ဝင်မိသားစုဝင်အဖြစ် မောရှေလေးကို ကြီးပြင်းလာစေချင်ပုံပဲ။ “မောရှေဟာ အီဂျစ်လူမျိုးတွေရဲ့ အတတ်ပညာအားလုံးကို သင်ယူခဲ့ရ” တယ်လို့ ကျမ်းစာမှာ ဖတ်ရတယ်။ အီဂျစ်ပြည်က အဆင့်မြင့် အတတ်ပညာတွေ မောရှေ သင်ယူနေတာကို မွေးစားအမေ ကြည့်ရင်း ပီတိဖြစ်နေမှာ။

မောရှေဟာ လူရည်ချွန်လေး ဖြစ်လာတယ်။ “ပြောတတ်ဆိုတတ်သူ၊ လုပ်ရည်ကိုင်ရည်ရှိသူ ဖြစ်လာတယ်” လို့ ကျမ်းစာမှာ ဖော်ပြတယ်။ အီဂျစ်ပြည်ရဲ့ စည်းစိမ်၊ ဂုဏ်ပကာသနတွေနောက် လိုက်ချင်ရင် လိုက်လို့ရတယ်။ ဒါပေမဲ့ ဒီအရာတွေနောက် လိုက်ရင် ယေဟောဝါနဲ့ဆက်ဆံရေးကို ရင်းရမယ်ဆိုတာ မောရှေ သိတယ်။ ဒါကြောင့် တစ်ခုခု ရွေးရတော့မယ်။ ဘာရွေးမလဲ။

မောရှေ အသက် ၄၀ မှာ ပြတ်ပြတ်သားသား ရွေးချယ်ခဲ့တယ်။ “ဘုရင့်သမီးတော်ရဲ့ သားလို့ အခေါ်ခံရမယ့်ဘဝကို ယုံကြည်ခြင်းကြောင့် ငြင်းပယ်ခဲ့တယ်။ အပြစ်မှာ ခဏပျော်ပါးဖို့ထက် ဘုရားသခင်ရဲ့ လူတွေနဲ့အတူ ညှဉ်းဆဲခံဖို့ ရွေးချယ်ခဲ့တယ်။” မောရှေရဲ့ ရွေးချယ်မှု မှန်တယ်။ ယုံကြည်ခြင်းနဲ့ သတ္တိ ရှိလို့သာ ဒီလိုရွေးချယ်နိုင်ခဲ့တာ။ ဒါပေမဲ့ အမှားတချို့ လုပ်မိတယ်။

အစ္စရေးလူမျိုးကို ကိုယ့် “လူမျိုး” လို့ မောရှေ သဘောထားတယ်။ မတရားဆက်ဆံခံနေရတဲ့ သူတို့ကို ကူညီပေးချင်တယ်။ ဒါကြောင့် တစ်နေ့တော့ သူတို့ ဘယ်လောက် ပင်ပင်ပန်းပန်း အလုပ်လုပ်နေရတယ်ဆိုတာ သိရအောင် သွားကြည့်တယ်။ အလုပ်ကြီးကြပ်သူ ဖြစ်ပုံရတဲ့ အီဂျစ်လူတစ်ယောက်က ဟီဘရူးကျွန်တစ်ယောက်ကို ရိုက်နေတာ မောရှေ မြင်လိုက်တယ်။ အီဂျစ်လူကို လှမ်းတားလိုက်သလား။ ကျွန်တော်တို့ မသိဘူး။ မောရှေ “ဟိုဟိုဒီဒီ ကြည့်” တယ်။ ကျွန်ဘက်ကနေ ကာကွယ်ပေးမယ့်သူ ရှိလိုရှိငြား ကြည့်တာ ဖြစ်နိုင်တယ်။ ဒါပေမဲ့ ဘယ်သူ့ကိုမှ မတွေ့ဘူး။ ဒါနဲ့ ကိုယ်တိုင် ဝင်ကူမယ်လို့ ဆုံးဖြတ်လိုက်တယ်။ “အီဂျစ်လူကို သတ်” လိုက်တယ်။ တမင် သတ်လိုက်တာလား။ ဒါမှမဟုတ် ဒေါသကြောင့် လက်လွန်သွားတာလား။ မှတ်တမ်းက မဖော်ပြဘူး။ ဘယ်လိုပဲဖြစ်ဖြစ် တစ်ယောက်ယောက်သာ တွေ့သွားရင် ဒုက္ခအကြီးအကျယ် ရောက်တော့မယ်ဆိုတာ မောရှေ သိလိုက်ပြီ။ ဒါကြောင့် အီဂျစ်လူကို သဲထဲမှာ မြှုပ်ထားလိုက်တယ်။

နောက်တစ်ရက် ထပ်သွားကြည့်တယ်။ ဒီတစ်ကြိမ်တော့ ဟီဘရူးလူနှစ်ယောက် ရန်ဖြစ်နေတာကို တွေ့တယ်။ မောရှေ ဝင်ဖျန်ဖြေတော့ “ခင်ဗျားကို ဘယ်သူက ခေါင်းဆောင် ခန့်ထားလို့လဲ။ ဘယ်သူက တရားသူကြီး လုပ်ခိုင်းလို့လဲ။ အီဂျစ်လူကို သတ်သလို ကျုပ်ကို သတ်ချင်လို့လား” လို့ ကျွန်တစ်ယောက် ပြောတယ်။ ကိုယ်လုပ်ထားတာ လူတွေ သိကုန်လို့ မောရှေ ကြောက်လာတယ်။

ကိစ္စတွေက မောရှေ ထင်သလို ဖြစ်မလာဘူး။ မောရှေ ဘယ်လို ထင်ထားလို့လဲ။ “သူ့ကို သုံးပြီး အစ္စရေးတွေကို ဘုရားသခင် ကယ်တင်တော့မယ်ဆိုတာကို ညီအစ်ကိုတွေ နားလည်မယ်လို့ သူ ထင်ခဲ့ပေမဲ့ သူတို့ နားမလည်ကြဘူး” လို့ ကျမ်းစာမှာ ဖော်ပြတယ်။ မိမိကို သုံးပြီး အစ္စရေးတွေကို အီဂျစ်ကျွန်ဘဝကနေ ယေဟောဝါ ကယ်မယ်ဆိုတာ မောရှေ သိပုံပဲ။ ဒါပေမဲ့ ယေဟောဝါ ကယ်လွှတ်ပေးမယ့်အချိန် မတန်သေးဘူးဆိုတာ နားမလည်ဘူး။ အစ္စရေးတွေ ဒီလိုတုံ့ပြန်ကြမယ်လို့လည်း ထင်မထားဘူး။ မောရှေဟာ ဟီဘရူးလူမျိုး ဖြစ်ပေမဲ့ အီဂျစ်တော်ဝင်မိသားစုဝင်အဖြစ် ကြီးလာလို့ သူတို့ မယုံကြတာ။

အီဂျစ်ပြည်ကနေ ဘုရားလူမျိုးကို ဦးဆောင်ခေါ်ထုတ်ဖို့ မိမိ အဆင်သင့်ဖြစ်ပြီလို့ မောရှေ ထင်တယ်။ ဒါပေမဲ့ အဆင်သင့်မဖြစ်သေးဘူး။ ဘုရားအမြင်မှာ မောရှေ အရည်အချင်းပြည့်ဖို့ လိုနေသေးတယ်။ မောရှေဟာ သတ္တိရှိတယ်။ သန်မာတယ်။ “ပြောတတ်ဆိုတတ်သူ” ဖြစ်တယ်။ ဒါပေမဲ့ ဘုရား သိပ်တန်ဖိုးထားရတဲ့ အရည်အသွေးတစ်ခု လိုနေသေးတယ်။ နူးညံ့သိမ်မွေ့ခြင်းပါ။ အီဂျစ်လူတစ်ယောက်ကို မောရှေ စိတ်မြန်လက်မြန် သတ်လိုက်တာကိုပဲ ကြည့်လေ။

မောရှေရဲ့ လုပ်ရပ်ကို မကြာခင်မှာပဲ ဖာရော သိသွားတယ်။ ရှင်းပြခွင့်တောင် မပေးဘဲ မောရှေကို သတ်ဖို့ လုပ်တယ်။ စည်းစိမ်၊ ဂုဏ်ပကာသနတွေ အကုန်ထားခဲ့ပြီး အီဂျစ်ပြည်ကနေ မောရှေ ထွက်ပြေးရတော့တယ်။ ရှေ့မှာ ဘာဆက်ဖြစ်မလဲ မသိဘူး။ ကိုယ့်မွေးရပ်မြေကို ထားခဲ့ပြီး ဟိုးအဝေးကြီးက မိဒျန်ပြည်ကို ထွက်ပြေးဖို့ဆိုတာ သတ္တိ တော်တော် လိုတယ်။ ခြောက်ကပ်ကပ်နိုင်တဲ့ မိဒျန်ပြည်လို ‘တိုင်းတစ်ပါးမှာ ဧည့်သည်’ အဖြစ် နှစ်အများကြီး ရှောင်တိမ်းနေတယ်။ မောရှေ သတ္တိ ဆက်ရှိနေဦးမလား။ ယေဟောဝါ ဖြစ်စေချင်တဲ့အတိုင်း နှိမ့်ချပြီး နူးညံ့တဲ့သူတစ်ယောက် ဖြစ်လာမလား။ နောက်အခန်းမှာ ကြည့်ကြရအောင်။

ကျမ်းမှတ်တမ်းကို ဖတ်ပါ–

• ထွက်မြောက်ရာ ၂:၁၁-၂၂

• တမန်တော် ၇:၂၂-၂၉

• ဟီဘရူး ၁၁:၂၄-၂၆

ဆွေးနွေးရန်–

အသက်တာရဲ့ ဒီအပိုင်းမှာ သတ္တိရှိကြောင်း ဘယ်နည်းတွေနဲ့ မောရှေ ပြသလဲ။

ရှာဖွေလေ တွေ့ရှိလေ

1. ၁။ အစ္စရေးတွေ အီဂျစ်ပြည်မှာ ကျွန်ခံခဲ့ရကြောင်း ဘယ်သမိုင်းအထောက်အထားတွေက ဖော်ပြသလဲ။ (က၂၀.၀၃ ၃၀) ရုပ်ပုံ က

   အဖြေ

   

   Courtesy Brooklyn Museum, gift of Theodora Wilbour

2. ၂။ မိဘတွေဆီကနေ မောရှေ ဘာတွေ သင်ယူခဲ့ရနိုင်သလဲ။ “အီဂျစ်လူမျိုးတွေရဲ့ အတတ်ပညာအားလုံးကို သင်ယူ” ရချိန်မှာ ဘာတွေ သိလာမလဲ။ (တ. ၇:၂၂။ က၀၂ ၆/၁၅ ၁၀ ပိုဒ်. ၂-၅)

   အဖြေ

3. ၃။ လူသေတွေကို အီဂျစ်တွေ ဘယ်လို သင်္ဂြိုဟ်လေ့ရှိသလဲ။ အီဂျစ်လူကို မောရှေ သတ်လိုက်ရုံမက ဆေးစိမ်မသင်္ဂြိုဟ်ဘဲ သဲထဲ မြှုပ်လိုက်တဲ့အတွက် အီဂျစ်တွေ ဘယ်လို ခံစားကြရမလဲ။ (it “အီဂျစ်ပြည်၊ အီဂျစ်လူမျိုး” ပိုဒ်. ၂၈-wcgr) ရုပ်ပုံ ခ

   အဖြေ

   

4. ၄။ မိဒျန်တွေနဲ့ အစ္စရေးတွေ ဘယ်လို တော်စပ်သလဲ။ ဒါက သူတို့ရဲ့ ဘဝပုံစံ၊ ဘာသာစကားအပေါ် ဘယ်လို သက်ရောက်မှု ရှိသလဲ။ (it “မိဒျန်ပြည်” နံပါတ် ၂ ပိုဒ်. ၁-၂-wcgr)

   အဖြေ

တွေးတောစရာ သင်ခန်းစာ

• ဒေါသထိန်းချုပ်ခြင်းနဲ့ပတ်သက်ပြီး မောရှေရဲ့ အဖြစ်ကနေ ဘာသင်ယူနိုင်သလဲ။

  အဖြေ

• မှန်ကန်တဲ့ ပန်းတိုင်တွေကို သတ္တိရှိရှိ ရွေးချယ်ခြင်းနဲ့ ပတ်သက်ပြီး မောရှေဆီကနေ လူငယ်တွေ ဘာသင်ယူ နိုင်သလဲ။ ရုပ်ပုံ ဂ

  အဖြေ

  

• မောရှေရဲ့ သတ္တိကို တခြားဘယ်နည်းတွေနဲ့ အတုယူနိုင်မလဲ။

  အဖြေ

အတွေးနယ်ချဲ့ကြည့်ပါ

• ဒီမှတ်တမ်းကနေ ယေဟောဝါအကြောင်း ဘာသိရသလဲ။

  အဖြေ

• ဒီမှတ်တမ်းက ယေဟောဝါရဲ့ ရည်ရွယ်ချက်နဲ့ ဘယ်လို ဆက်စပ်နေသလဲ။

  အဖြေ

• မောရှေ အသက်ပြန်ရှင်လာတဲ့အခါ အီဂျစ်ပြည်နဲ့ မိဒျန်ပြည်မှာ နေတုန်းကအကြောင်း ဘာမေးချင်သလဲ။

  အဖြေ

ထပ်လေ့လာပါ

မောရှေရဲ့ ကိုယ်ကျိုးစွန့်လမ်းစဉ်ကို ဘယ်လို အတုယူနိုင်မလဲ။

ယုံကြည်ခြင်း ရှိသူတွေကို တုပပါ၊ ယုံကြည်ခြင်း မဲ့သူတွေကို မတုပပါနဲ့—မောရှေနဲ့ ဖာရော (၂:၂၇)

ယေဟောဝါရဲ့ အလိုတော် ထမ်းဆောင်ဖို့ မောရှေ စည်းစိမ်တွေ စွန့်ခဲ့တယ်။ ဒီနေ့ခေတ်မှာသာဆိုရင် ဒီလိုလုပ်တာ လက်တွေ့ကျရဲ့လား။

ထာဝရ ပျော်ရွှင်စေမယ့် တစ်ဘဝစာ အလုပ်ကို ရွေးချယ်ပါ (၄:၅၈)