ဘုရားသခင့်နိုင်ငံတော်ကြွေးကြော်သူများမှတ်တမ်း
ရထားပို့ဆောင်ရေးစိတ်ထက်သန်သူလူငယ်တစ်ဦး သမ္မာတရားသိရှိ
လူတစ်ဦး၏နှလုံးသည် ဖြောင့်မတ်ခြင်းတရားကို မြတ်နိုးမည်ဆိုလျှင် ခရစ်တော်ယေရှုနှင့် ကောင်းကင်တမန်များကိုအသုံးပြုကာ ဤကဲ့သို့သော သိုးနှင့်တူသူသည် ဘုရားသခင့်နိုင်ငံတော်သတင်းကောင်းကို ကြားနာစေရန် ယေဟောဝါဘုရားသခင် စီစဉ်ပေးတော်မူလိမ့်မည်။ အချိန်တန်သော် ထိုသူသည် ယေရှု၏မျက်နှာသာရသည့်ဘက်၌ ရပ်တည်လာလိမ့်မည်။ (မဿဲ ၂၅:၃၁-၃၃) သမ္မာတရားကို ထူးခြားစွာကြားနာခဲ့သော ဩစတြီးယားရှိ ရထားပို့ဆောင်ရေးစိတ်ထက်သန်သူ လူငယ်တစ်ဦး၏အဖြစ်အပျက်က ထိုသို့ပင်ဖြစ်သည်။
ဤလူငယ်၏ဝါသနာတွင် သူအားအရဆုံးကား ရထားပို့ဆောင်ရေးဌာနမှူးများ၏ခွင့်ပြုချက်ဖြင့် ရထားခေါင်းတွဲတွင် စီးနင်းလိုက်ပါသွားရန်ဖြစ်သည်။ သူ၏ခရီးစဉ်တိုင်းကို ပြန်ကြည့်နိုင်ရန် ဗွီဒီယိုကင်မရာနှင့် ဓာတ်ပုံရိုက်ကူးထားတတ်ပါသည်။ ဗီယင်နာမြို့မှ စောလ်ဇ်ဘာဂ်မြို့ခရီးစဉ်တစ်ခေါက်တွင် ရထားအင်ဂျင်နီယာသည် ယေဟောဝါသက်သေတစ်ဦးဖြစ်နေပါသည်။ ဤရထားပို့ဆောင်ရေးစိတ်ထက်သန်သူအား အခွင့်အရေးရှာယူ၍ ဘုရားသခင့်နိုင်ငံတော်သတင်းအကြောင်း ပြောပြခဲ့ပါသည်။ အင်ဂျင်နီယာသည် ဘုရားတရားနှင့် ကျမ်းစာအကြောင်း ပြောဆိုခြင်းကို လူငယ်ကြားရသည့်အခါ အစ၌ အလွန်အံ့သြသွားပါသည်။ ခရီးစဉ်အတွင်း အင်ဂျင်နီယာ၏စကားထက် ရှုခင်းကိုသာ အာရုံစူးစိုက်ခဲ့ပါသည်။
အိမ်ပြန်ရောက်သည့်အခါ ဤစိတ်ထက်သန်သူသည် ဤခရီးစဉ်ကို အလွန်စိတ်ဝင်စားသဖြင့် မိမိ၏ဗွီဒီယိုကို တစ်ကြိမ်မဟုတ်၊ ဆယ်ကြိမ်တိုင်ရှုစားခဲ့ပါသည်။ အသံပါဖမ်းထားသည့်အတွက် သက်သေခံပြောဆိုသမျှကို အကြိမ်ကြိမ်ပြန်ကြားခဲ့လေသည်။ ဗွီဒီယိုကို သူကြည့်တိုင်းကြည့်တိုင်း ကြားခဲ့ရသောစကားများကိုလည်း ပြန်ကြားပြီး အကျွမ်းဝင်လာလေသည်။ ထိုအခါ စဉ်းစားစရာပေါ်လာပါသည်။ နောက်ဆုံးတွင် သမ္မာကျမ်းစာမှ ဝမ်းသာအားရစရာသတင်းကို သူစိတ်အားထက်သန်စွာ စိတ်ဝင်စားသွားလေသည်။ သို့နှင့် ပိုမိုသိလိုလာသည်။
အင်ဂျင်နီယာနာမည်ကိုသူမှတ်မိပြီး ဗီယင်နာမြို့တစ်နေရာရာတွင်နေကြောင်း သူသိထားသည်။ ထိုအခါ စာတိုက်သို့သွားကာ ထိုနာမည်ပါ ဖုန်းနံပါတ်များကို တစ်ခုပြီးနောက်တစ်ခု ဆက်လိုက်လေသည်။ ဖုန်းကိုင်သူတို့အား သူ၏မေးခွန်းမှာ “ရထားအင်ဂျင်နီယာလား” ဖြစ်သည်။ မဟုတ်ပါဟု အဖြေရသည့်အခါ နောက်နံပါတ်တစ်ခုကို ဖုန်းဆက်ပါသည်။ နောက်ဆုံး အင်ဂျင်နီယာကိုခေါ်၍ရသည့်အခါ မိမိအဖြစ်အပျက်ကိုပြောပြပါသည်။ သမ္မာကျမ်းစာသတင်းကို စိတ်ဝင်စားကြောင်းကိုလည်း ပြောပြပါသည်။
ထိုလူငယ်အနီးအနားတွင် နေထိုင်သူတစ်ဦးအား သူ့ထံလည်ပတ်သွားစေရန် သက်သေခံကဌာနခွဲမှတစ်ဆင့် စီစဉ်ခဲ့ပါသည်။ ဖြစ်ပုံမှာ ဒေသခံအသင်းတော်တွင် ရထားလမ်းအင်ဂျင်နီယာဖြစ်သော အခြားသက်သေခံတစ်ဦးရှိပါသည်။ ဒုတိယအင်ဂျင်နီယာသည် ယင်းရထားပို့ဆောင်ရေးစိတ်ထက်သန်သူထံလည်ပတ်ကာ ကျမ်းစာသင်အံမှု စတင်ခဲ့သည်။ ၁၉၉၁ နွေရာသီတွင် ထိုလူငယ် နှစ်ခြင်းယူခဲ့ပါသည်။
ဤသူသည် ဖြောင့်မတ်ခြင်းတရားကို အမှန်မြတ်နိုးကြောင်း နှလုံးအပေါင်းကိုသိသော ယေဟောဝါရှင်သိတော်မူသည်။ သို့ဖြစ်၍ ကျမ်းစာ၏သမ္မာတရားကို ထူးခြားသောနည်းဖြင့် စတင်ကြားနာစေခဲ့သည်။—၁ ရာဇဝင်ချုပ် ၂၈:၉။ ယောဟန် ၁၀:၂၇။
[Picture Credit Line on page 9]
Courtesy of the Austrian Railways