ယေဟောဝါသက်သေတွေက ဘယ်သူတွေလဲ

တစ်အိမ်မှတစ်အိမ်၊ လူအများရှေ့ ဟောပြောတာ၊ ကျမ်းစာအခြေပြုစာပေတွေ ဝေငှတာ၊ အခမဲ့ကျမ်းစာသင်ပေးတာတွေ ပြုလုပ်နေတဲ့ ယေဟောဝါသက်သေတွေကို သင်လည်း အဲဒီလိုရှုမြင်မိမှာပဲ။ ဒီမဂ္ဂဇင်းကို သူတို့ဆီကနေ သင် ရရှိတာဖြစ်နိုင်တယ်။ ဒါပေမဲ့ ယေဟောဝါသက်သေတွေက ဘယ်သူတွေလဲဆိုတာ သင် သိချင်မှာသေချာတယ်။ သူတို့နဲ့ပတ်သက်ပြီး သင့်ရဲ့ရှုမြင်ချက်က အထက်မှာဖော်ပြထားတဲ့သူတွေနဲ့ တူနိုင်ပါတယ်။

ယေဟောဝါသက်သေတွေရဲ့ ယုံကြည်ချက်ကဘာလဲ၊ သူတို့ရဲ့ အမှုဆောင်လုပ်ငန်းနဲ့ ဝတ်ပြုရာခန်းမတွေအတွက် ထောက်ပံ့မှု ဘယ်လိုရသလဲ၊ သင့်အိမ်ကို သူတို့ ဘာကြောင့် လာကြတာလဲ၊ လူအများရှေ့မှာ သင့်ဆီချဉ်းကပ်ပြီး ဘာကြောင့် စကားပြောရတာလဲ စတဲ့မေးခွန်းတွေကို ဘယ်ကနေ အဖြေရနိုင်မလဲ။

“အင်တာနက်ကနေ ယေဟောဝါသက်သေတွေအကြောင်း ကျွန်မဖတ်ဖူးတယ်။ သူတို့နဲ့ပတ်သက်တဲ့ ကောလဟာလတွေ ကြားဖူးတယ်။ သူတို့ကိုရှုတ်ချထားတဲ့ ဟောပြောချက်တွေကို နားထောင်ဖူးတယ်။ ဒါကြောင့် ယေဟောဝါသက်သေတွေကို ကျွန်မ ဘယ်လိုမှ အကောင်းမမြင်နိုင်တော့ဘူး” လို့ စစ္စလီယာပြောပြတယ်။ ဒါပေမဲ့ နောက်ပိုင်းမှာ ယေဟောဝါသက်သေတွေနဲ့ တိုက်ရိုက်စကားပြောကြည့်တဲ့အခါ ကျေနပ်အားရလောက်တဲ့အဖြေတွေကို သူ ရရှိခဲ့တယ်။

ယေဟောဝါသက်သေတွေနဲ့ပတ်သက်တဲ့ သင့်မေးခွန်းတွေကို အဖြေမှန်ရချင်ပါသလား။ ဒီမဂ္ဂဇင်းကိုထုတ်ဝေတဲ့ ယေဟောဝါသက်သေတွေကို တိုက်ရိုက်မေးကြည့်ပါလို့ သင့်ကို တိုက်တွန်းပါတယ်။ (သုတ္တံ ၁၄:၁၅) ယေဟောဝါသက်သေတွေက ဘယ်သူတွေလဲ၊ ဘာကို ယုံကြည်သလဲဆိုတာသိနိုင်ဖို့၊ သူတို့ရဲ့ လုပ်ငန်းကိုနားလည်နိုင်ဖို့ နောက်ဆက်တွဲဆောင်းပါးတွေမှာ ဖော်ပြထားပါတယ်။