ကျမ်းစာမှတ်တမ်းတွေကို မြင်ယောင်ကြည့်ပါ

ကျမ်းစာမှာ အရေးကြီးသင်ခန်းစာတွေ သင်ယူနိုင်တဲ့ ဖြစ်ရပ်မှန်မှတ်တမ်းတွေ အများကြီးပါတယ်။ ဒီမှတ်တမ်းတွေကို ဖတ်တဲ့အခါ မြင်ယောင်ကြည့်တာက ပိုနားလည်ရ လွယ်ကူစေတယ်၊ ပိုအကျိုးရှိစေတယ်။ ကျမ်းစာမှတ်တမ်းတွေကို မြင်ယောင်ကြည့်ဖို့ ဒီနည်းတွေ စမ်းကြည့်ပါ။

• အသံထွက် ဖတ်ပါ။ အသံထွက်ပြီး ဖတ်တာက အကြောင်းအရာကို မြင်ယောင်နိုင်ဖို့ အထောက်အကူပြုတယ်။ ကျမ်းစာမှတ်တမ်းတစ်ခုကို မိသားစုလိုက် ဖတ်တဲ့အခါ ကျမ်းစာဇာတ်ကောင်တစ်ခုကို တစ်ယောက်စီ ဖတ်မယ်ဆိုရင် အကြောင်းအရာက ပိုပြီး အသက်ဝင်လာပါလိမ့်မယ်။

• အဖြစ်အပျက်တွေကို မြင်ယောင်ပါ။ ဖတ်နေတဲ့ အကြောင်းအရာမှာပါတဲ့ ဇာတ်ကောင်တွေ ဘာတွေ တွေးနေမယ်၊ ဘယ်လိုခံစားနေရမယ်ဆိုတာ တွေးကြည့်ပါ။ ‘ဘာလို့ သူဒီလို ပြောလိုက်တာလဲ၊ ဘာလို့ သူဒီလို လုပ်လိုက်တာလဲ၊ သူ့နေရာမှာဆို ငါဘာလုပ်မလဲ၊ ဘယ်လိုခံစားနေရမလဲ’ ဆိုပြီး ကိုယ့်ကိုယ်ကိုယ် မေးနိုင်တယ်။

• ပုံကြမ်းဆွဲပါ။ ပန်းချီဆွဲ မတော်ရင်တောင် ကျမ်းစာအဖြစ်အပျက်တွေကို ပုံကြမ်းလေး ဆွဲကြည့်တာက မြင်ယောင်နိုင်ဖို့၊ မှတ်မိဖို့ အကူအညီဖြစ်စေတယ်။