ကမ္ဘာတစ်ဝန်း တိုးများလာတဲ့ အထီးကျန်စိတ်ဝေဒနာ​—ဘယ်လိုရင်ဆိုင်ဖြေရှင်းမလဲ

• “အမေရိကန်နိုင်ငံက အရွယ်ရောက်သူ ထက်ဝက်နီးပါး၊ အထူးသဖြင့် လူငယ်တွေက အထီးကျန်စိတ်ကို တိုက်လှန်နေရတယ်လို့ သတင်းရရှိထားပါတယ်။”​—အထီးကျန်မှု၊ တစ်သီးပုဂ္ဂလဖြစ်မှု တိုးများလာခြင်း– လူမှုပေါင်းသင်းဆက်ဆံရေးနဲ့ ကုစားနိုင်ပုံအကြောင်း အမေရိကန် ပြည်သူ့ကျန်းမာရေးဆိုင်ရာ အရာရှိချုပ်ရဲ့ အကြံပြုချက် စာအုပ်၊ ၂၀၂၃။

• “အထီးကျန်စိတ်ကို အရေးပေါ်ကျန်းမာရေးပြဿနာအဖြစ် သတ်မှတ်ပြီး လေ့လာမှုလုပ်ဖို့၊ လူမှုပေါင်းသင်းဆက်ဆံရေး တိုးတက်လာအောင် လူတွေကို အားပေးဖို့၊ ဆင်းရဲတဲ့နိုင်ငံအပါအဝင် နိုင်ငံအားလုံးမှာ ပိုကောင်းတဲ့ဖြေရှင်းနည်းတွေ ရှာဖွေဖို့ အုပ်စုတစ်စုကို ဖွဲ့စည်းထားကြောင်း [ကမ္ဘာ့ကျန်းမာရေးအဖွဲ့] က သတင်းထုတ်ပြန်ထားပါတယ်။”​—ကမ္ဘာ့ကျန်းမာရေးအဖွဲ့၊ နိုဝင်ဘာ ၁၅၊ ၂၀၂၃။

လူမှုပေါင်းသင်းဆက်ဆံရေး တိုးတက်စေတဲ့ အကြံဉာဏ်ကောင်းတွေ ကျမ်းစာမှာ ပါရှိတယ်။

အကူအညီဖြစ်စေတဲ့ ကျမ်းစာအခြေခံမူများ

တစ်သီးပုဂ္ဂလဖြစ်စေတဲ့ အခြေအနေတွေကို လျှော့ချပါ။ တစ်သီးပုဂ္ဂလဖြစ်စေတဲ့ အခြေအနေတစ်ခုဟာ လူမှုမီဒီယာ အလွန်အကျွံသုံးစွဲခြင်းပါ။ လူကိုယ်တိုင် တွေ့ဆုံပေါင်းသင်းနိုင်တဲ့ အခြေအနေတွေ ဖန်တီးပြီး မိတ်ဆွေကောင်းတွေ ဖွဲ့ပါ။

• ကျမ်းစာအခြေခံမူ– “မိတ်ဆွေစစ်ဆိုတာ အချိန်အခါမရွေး မေတ္တာပြတတ်တယ်။ သူဟာ ဒုက္ခရောက်ချိန်မှာ အားကိုးရတဲ့ ညီအစ်ကိုပဲ။”​—ပညာအလိမ္မာ ၁၇:၁၇။

လူတွေကို ကူညီနိုင်တဲ့နည်းလမ်းတွေ ရှာကြံပါ။ တခြားသူတွေကို အကူအညီပေးတာက သူတို့နဲ့ ဆက်ဆံရေးကောင်းစေတဲ့အပြင် ကိုယ့်ကိုလည်း ပျော်ရွှင်စေတယ်။

• ကျမ်းစာအခြေခံမူ– “ရယူခြင်းထက် ပေးကမ်းခြင်းက ပိုပျော်ရွှင်စေတယ်။”​—တမန်တော် ၂၀:၃၅။

မိတ်ဆွေကောင်း ဖွဲ့နိုင်ပုံအကြောင်း ကျမ်းစာအဆိုကို ပိုသိချင်ရင် ကျွန်တော်တို့ရဲ့ ဝက်ဘ်ဆိုက်ကို ဝင်ကြည့်ပါ။