မဂ္ဂဇင်းနှင့်ဘရိုရှာဝေငှခဲ့သူများထံ ပြန်လည်ပတ်ခြင်း

^၁ တပည့်ဖြစ်စေရန် လုပ်ဆောင်ကြဖို့ တပည့်တော်များအား ယေရှုတိုက်တွန်းခဲ့သည်။ (မ. ၂၈:၁၉) ယင်းသည် စာပေများဝေငှရုံထက်မကဆိုလိုပါသည်; ဝိညာဉ်ရေးဘက် လူတို့အား တိုးတက်ရန်ကူညီပေးလိုကြပါသည်။ သို့ ပြုခြင်းငှာ စိတ်ဝင်စားမှုပြသူများကို ထပ်ဆင့်ကူညီပေးရန် သူတို့ထံ ပြန်လည်ပတ်သွားရမည်။

^၂ ပထမလည်ပတ်ချိန်က မဂ္ဂဇင်းတစ်စောင်မှ ဆောင်းပါးတစ်ခုခုကို သင်ဖော်ပြခဲ့မည်ဆိုလျှင် ပြန်လည်ပတ်သည့်အခါ ထပ်တူအကြောင်းကိုပင် ဆွေးနွေးလျှင် ကောင်းမည်–

▪ “အရင်တစ်ခေါက်က ကျမ်းစာကို လေ့လာဖို့လိုတယ်လို့ နားလည်စေတဲ့ ကင်းမျှော်စင် (သို့မဟုတ် နိုလော့!) ကဆောင်းပါးတစ်ခုကို ပြခဲ့တယ်။ လူသားအတွက် သာ၍ကောင်းတဲ့အနာဂတ်ရှိဖို့ ဘုရားသခင့်ရည်ရွယ်ချက်ဟာ ကိုယ်တော့်နိုင်ငံတော်အစိုးရအပေါ် မူတည်တယ်။ ဒီနိုင်ငံတော်ဟာ စစ်ပွဲအားလုံးကို ရပ်စဲစေမယ်လို့ ဘုရားသခင်ပေးထားတဲ့ကတိကို မိက္ခာ ၄:၃၊ ၄ ကမှတ်တမ်းတင်ထားတယ်။” ကျမ်းချက်ကိုဖတ်ပြီးနောက် “ကြည့်ရှုလော့!” ဘရိုရှာမှ မျက်နှာဖုံးရုပ်ပုံကို ပြပါ။ ပထမအပိုဒ်နှင့် ထိုအပိုဒ်တွင် ကိုးကားထားသည့် ကျမ်းချက်များအနက် မိက္ခာ ၄:၃၊ ၄ ပါကြောင်း သတိပြုစေကာ ယင်းကို ဆွေးနွေးသုံးသပ်ပါ။ အပိုဒ် ၂ ကိုဆက်ဆွေးနွေးရန် နောက်တစ်ဖန်ပြန်လာဖို့အတွက် စီစဉ်ပါ။

^၃ အိမ်ရှင်သည် စိတ်ဝင်စားမှုနည်းမည် သို့မဟုတ် စကားပြောရန် အချိန်မရှိလျှင် သင့်မဂ္ဂဇင်းလမ်းကြောင်းတွင် သူ၏နာမည်ကို ထည့်ရုံထည့်ထားရန် ဆုံးဖြတ်ပေမည်–

▪ အရင်တစ်ခေါက်က ထားခဲ့တဲ့မဂ္ဂဇင်းတွေကို စိတ်ဝင်စားတယ်ပြောလို့ ဒီနောက်ဆုံးထုတ်တွေကိုလည်း စိတ်ဝင်စားမှာပဲလို့ ထင်တယ်လေ။” သူနှစ်သက်မည်အထင်ရှိသော ဆောင်းပါးကို ညွှန်ပြပါ။ (ဤသို့ ပြုလုပ်ခဲ့သူများသည်ဘာမျှမပြောဘဲနှင့်ပင် အလှူငွေထည့်သူတို့ကိုတွေ့ခဲ့ကြသည်။) နောက်လထုတ်များကို ပြန်ယူလာမည်ဟု ပြောပြပါ။

^၄ အိမ်ရှင်သည် မဂ္ဂဇင်းများကိုဖတ်ပြီး တန်ဖိုးထားပါက နှစ်စဉ်ကြေးကို ကမ်းလှမ်းဖို့ဆုံးဖြတ်ပေမည်–

▪ “ကင်းမျှော်စင်ကိုသဘောကျပုံရှိတဲ့အတွက် နောက်ဆုံးထုတ်မဂ္ဂဇင်းတွေ ထွက်လာတိုင်း လာပို့ပေးခဲ့တယ်။ ခင်ဗျားနှစ်သက်မယ်ဆိုရင် အစောင်တိုင်းကို ဖတ်ဖြစ်ရအောင် နှစ်စဉ်ကြေးတွေကို စာတိုက်ကနေ မှန်မှန်ပို့ပေးဖို့ စီစဉ်ပေးနိုင်တယ်။” နှစ်စဉ်ကြေးယူလိုလျှင် ဤသို့ဆက်ပြောနိုင်သည်– “နှစ်စဉ်ကြေးအတွက် အလှူငွေမှာ ကျပ် ၁၅၀ ပဲဖြစ်တယ်။”

^၅ ဘရိုရှာဝေငှခဲ့၍ သင်အံမှုအစီအစဉ်ကို သရုပ်ပြခွင့်မရခဲ့လျှင် ပြန်လည်ပတ်မှုသွားချိန်တွင် ပြပေးရန် ကြံစည်ထားပါ။

ဥပမာ၊ “အစိုးရ” ဘရိုရှာကို ထားခဲ့ပါက အိမ်ရှင်အား ယူလာစေပြီး ဤသို့ပြောပါ–

▪ “ယေရှုကမ္ဘာပေါ်ရှိတုံးက သူဟောခဲ့တဲ့အဓိကသတင်းအကြောင်း စာမျက်နှာ ၃ မှာဘယ်လိုပြောတယ်ဆိုတာကို သတိပြုပါ။” ထိုနောက် စာမျက်နှာ ၃ ပါသိသင့်သိအပ်သောအကြောင်းကို လိုရင်းတိုရှင်း ဆွေးနွေးပါ။ ပိုမိုသိရှိရန် အိမ်ရှင်ဘာလုပ်ဖို့လိုသည်ဟု အထင်ရှိကြောင်း မေးကြည့်ပါ။ ထိုနောက် ဤသို့ပြောပါ– “ဘုရားသခင့်နိုင်ငံတော်ကို ဘာကြောင့် ဒီလောက်လိုအပ်နေတယ်ဆိုတာကို သဘောပေါက်ဖို့ အရေးကြီးတယ်။ ကျွန်တော်တို့ရဲ့ တစ်ခုတည်းမျှော်လင့်ချက်အဖြစ် ဘုရားသခင့်အစိုးရကို ဘာကြောင့်မျှော်ကိုးရတယ်ဆိုတာကို ပြန်လာပြီး ဆွေးနွေးချင်တယ်။”

^၆ ဘရိုရှာအမျိုးမျိုးရှိပါသည်။ သင်အသုံးပြုရန် ရည်ရွယ်သောဘရိုရှာ၌ပါသည့် စိတ်ဝင်စားစရာအချက်များကို ရှာထားပါ။ ယေရှု၏မိန့်မှာချက်များကို စိတ်ရိုးဖြောင့်သူများ ပိုမိုသိရှိလာရန် အားပေးရာတွင် အထောက်အကူဖြစ်ပါလိမ့်မည်။—မ. ၂၈:၂၀။