သမ္မာကျမ်းစာ အမှန်တကယ်သွန်သင်ရာမှာ အဘယ်နည်း စာအုပ် လေ့လာမှုတွင် ပျော်မွေ့ပါ

^၁ သမ္မာကျမ်းစာ အမှန်တကယ် သွန်သင်ရာမှာ အဘယ်နည်းစာအုပ်ကို ဝေငှခွင့်ရပြီဖြစ်သောကြောင့် စိတ်လှုပ်ရှားစရာပင်။ ယင်းကို အထူးသဖြင့် အိမ်တွင်းကျမ်းစာသင်အံမှုများ ကျင်းပရာ၌ တွင်ကျယ်စွာ အသုံးပြုနိုင်ပြီဖြစ်သည်။ ထို့ကြောင့် ကျွန်ုပ်တို့သည် ဤကောင်းမွန်လှသောစာအုပ်၏ အကြောင်းအရာများနှင့် အကျွမ်းဝင်ထားသင့်ပေသည်။ ထိုသို့ဖြစ်နိုင်ပါသည်၊ အကြောင်းမှာ ၂၀၀၈၊ ဩဂုတ် ၄ ရက်အပတ်မှစ၍ ယင်းကို အသင်းတော်စာအုပ်ကြီးသင်တန်းတွင် လေ့လာမည်ဖြစ်သောကြောင့်တည်း။

^၂ စာအုပ်ကိုလေ့လာခြင်း– အသင်းတော်စာအုပ်ကြီးသင်တန်း ကြီးကြပ်မှူးသည် အခန်းတိုင်း၏အစရှိ မေးခွန်းများကို အာရုံစိုက်စေပါမည်။ ထို့နောက် စာမျက်နှာအောက်ပိုင်းတွင်ပါသော မေးခွန်းများကို အသုံးပြုကာ သင်တန်းကိုကိုင်တွယ်သွားပါမည်။ ဤစာအုပ်သည် အကြောင်းအရာများကို ရိုးရှင်းပြီး စိတ်ဝင်စားဖွယ်နည်းဖြင့် တင်ဆက်ထားသောကြောင့် သင် မှတ်ချက်ပေးရသည်ကို ပျော်ရွှင်ပေလိမ့်မည်။

^၃ ဤစာအုပ်၏နောက်ဆက်တွဲသည် အကြောင်းအရာအမျိုးမျိုးအတွက် အသေးစိတ်အချက်များကိုဖော်ပြပေးသည်။ ကျမ်းစာသင်သားများသည် အကြောင်းအရာတစ်ခုနှင့်ပတ်သက်၍ ထပ်ဆင့်အချက်များကို နားလည်ရန်လိုအပ်ပါက ယင်းကို အသုံးပြုနိုင်ပါသည်။ နောက်ဆက်တွဲမှ အပိုင်းများကို အသင်းတော်စာအုပ်ကြီးသင်တန်းအတွင်း လေ့လာသွားပါမည်။ အကြောင်းအရာတစ်ခုနှင့်ပတ်သက်သည့် နောက်ဆက်တွဲအကြောင်းအရာအားလုံးကို စာအုပ်ကြီးသင်တန်း စာပိုဒ်ဖတ်ရှုသူက ဖတ်ရှုသွားပါမည်၊ ရှည်လျားသောအကြောင်းအရာများကို အပိုင်းလိုက်ခွဲနိုင်ပါသည်။ နောက်ဆက်တွဲတွင် လေ့လာရန်မေးခွန်းများ မပါပေ။ သို့သော် ကြီးကြပ်မှူးသည် အဓိကအချက်များကိုပေါ်လွင်စေသော မေးခွန်းများမေးခြင်းဖြင့် တက်ရောက်သူများထံမှ မှတ်ချက်များရရှိနိုင်ပါသည်။

^၄ သမ္မာကျမ်းစာသွန်သင်ရာစာအုပ်ကို အသင်းတော်စာအုပ်ကြီးသင်တန်း၌ လေ့လာရာတွင် မြန်ပေမည်။ သို့သော် ဤစာအုပ်ကို အခြားသူများ၊ အထူးသဖြင့် ကျမ်းစာအသိပညာနည်းသူ သို့မဟုတ် လုံးဝမရှိသူများနှင့် လေ့လာရာတွင် ထိုနှုန်းအတိုင်းလေ့လာရန် မဟုတ်ပေ။ (တ. ၂၆:၂၈၊ ၂၉) ကျမ်းစာသင်အံမှုများအတွင်း ကျမ်းချက်များကို ပို၍နှံ့နှံ့စပ်စပ် လေ့လာရန်၊ ဥပမာများကိုရှင်းပြရန်စသည်ဖြင့် လိုအပ်ပေမည်။

^၅ အကျိုးကျေးဇူးရရှိရန် ယခုကတည်းက စီစဉ်ပါ– ၂၀၀၈၊ ဩဂုတ် ၄ ရက်အပတ်တွင် စတင်မည့် သမ္မာကျမ်းစာသွန်သင်ရာစာအုပ် လေ့လာမှုမှ အကျိုးအပြည့်အဝရယူရန် စိတ်ပိုင်းဖြတ်ထားပါ။ အသင်းတော်စာအုပ်ကြီးသင်တန်းကို အပတ်တိုင်းတက်ရန် ပန်းတိုင်ထားပါ။ အချင်းချင်းအားရသက်သာခြင်းသို့ရောက်နိုင်ရန် မှတ်ချက်များပေးဖို့ ပြင်ဆင်လာပါ။​—ရော. ၁:၁၂။

^၆ သမ္မာကျမ်းစာသွန်သင်ရာစာအုပ်ကို လေ့လာခြင်းဖြင့် ထိရောက်သောကျမ်းစာသင်အံမှုများ ကျင်းပနိုင်ရန် အသင့်ဖြစ်နိုင်ပါစေ။ အပတ်စဉ် သင်တက်ရောက်စဉ် စိတ်ဝင်စားသူ လူသစ်များကို သင်နှင့်အတူတက်ရောက်ရန် ဖိတ်ခေါ်ပါ၊ သမ္မာကျမ်းစာ အမှန်တကယ်သွန်သင်ရာမှာ အဘယ်နည်းစာအုပ်ကို လေ့လာရာတွင် အပြည့်အဝပါဝင်ပါ။