ခရစ်ယာန်အသက်တာလမ်းစဉ်
ယေဟောဝါကို ရွှင်လန်းစွာ သီချင်းဆိုချီးမွမ်းပါ
ပေါလုနဲ့ သိလဟာ ထောင်ထဲမှာ ယေဟောဝါကို သီချင်းဆို ချီးမွမ်းခဲ့တယ်။ (တ ၁၆:၂၅) သီချင်းဆိုတာက သူတို့ကို ပိုပြီးခံနိုင်ရည် ရှိစေမှာ သေချာတယ်။ ယနေ့အချိန်မှာကော။ ဝတ်ပြုတဲ့အချိန်မှာ သီဆိုတဲ့ သီချင်းတွေနဲ့ မူရင်းသီချင်းများ ဆိုတဲ့အပိုင်းမှာ တင်ထားတဲ့ သီချင်းတွေက ကျွန်တော်တို့ကို အားရှိစေဖို့၊ စမ်းသပ်မှု ခံရချိန်မှာ ဆက်သစ္စာရှိစေဖို့ ကူညီပေးနိုင်ပါတယ်။ သီချင်းသီဆိုတာက ယေဟောဝါကို ချီးမွမ်းနေတာလည်း ဖြစ်တယ်။ (ဆ ၂၈:၇) သီချင်းတချို့ကို အလွတ်ကျက်ဖို့ အားပေးထားတယ်။ ညီအစ်ကို/မတို့ အလွတ်ကျက်ဖူးပါသလား။ မိသားစုဝတ်ပြုမှုမှာ သီချင်းလေ့ကျင့်တာ၊ စာသားတွေကို အလွတ်ကျက်တာတွေ လုပ်နိုင်တယ်။
ယေဟောဝါကို ကလေးတွေ သီချင်းဆိုချီးမွမ်း ဗီဒီယို ဖွင့်ပြပါ၊ ပြီးတဲ့နောက် အောက်ပါမေးခွန်းတွေကို ဖြေပါ–
နိုင်ငံတော်သီချင်း သီဆိုတာက ဘာကောင်းကျိုး ရရှိစေသလဲ။
သီချင်းဆိုတာကို အသံသွင်းဖို့ ရုပ်သံဌာနက ဘယ်လို ပြင်ဆင်သလဲ။
ကလေးတွေနဲ့ သူတို့ရဲ့ မိသားစုတွေ အသံသွင်းဖို့ ဘယ်လို ပြင်ဆင်ကြသလဲ။
ဘယ်သီချင်းတွေကို ညီအစ်ကို/မတို့ အကြိုက်ဆုံးလဲ၊ ဘာကြောင့်လဲ။