ယေဟောဝါသက်သေတွေက ဘယ်လိုလူတွေလဲ

ယေဟောဝါသက်သေတွေက အပြည်ပြည်ဆိုင်ရာ အဖွဲ့အစည်းတစ်ခုဖြစ်ပေမဲ့ တခြားဘာသာရေးအဖွဲ့တွေနဲ့ သီးခြားနေပါတယ်။ ဌာနချုပ်က အမေရိကန်နိုင်ငံမှာရှိပေမဲ့ ယေဟောဝါသက်သေအများစုက တခြားနိုင်ငံတွေမှာ နေထိုင်ကြပါတယ်။ “လူမျိုးအပေါင်းတို့အတွက် သက်သေဖြစ်စေရန် နိုင်ငံတော်နှင့်ဆိုင်သော ဤသတင်းကောင်းကို လူနေရာ မြေတစ်ပြင်လုံး၌ ဟောပြောရလိမ့်မည်” ဆိုတဲ့ ယေရှုရဲ့စကားကို နာခံတဲ့အနေနဲ့ ယေဟောဝါသက်သေ ၈ သန်းလောက်က နိုင်ငံနဲ့ကျွန်ပေါင်း ၂၃၀ ကျော်မှာ လူတွေကို ကျမ်းစာသင်ပေးနေပါတယ်။—မဿဲ ၂၄:၁၄။

ကျွန်ုပ်တို့ ဘယ်နေရာမှာပဲနေပါကြစေ၊ ဥပဒေကို ကိုယ့်အသိစိတ်နဲ့ကိုယ် လိုက်နာကြပါတယ်။ နိုင်ငံရေးမှာ ဘက်မလိုက်ဘဲ ကြားနေဖို့ကြိုးစားတာက “ဤလောကနှင့် မသက်ဆိုင်” နဲ့လို့ ယေရှုရဲ့မိန့်မှာချက်ကို ကျွန်ုပ်တို့ လိုက်နာကြတာဖြစ်တယ်။ ဒါကြောင့် နိုင်ငံရေးမှာ မပါဝင်တဲ့အပြင် စစ်မှုရေးရာကို မထောက်ပံ့တာဖြစ်တယ်။ (ယောဟန် ၁၅:၁၉; ၁၇:၁၆) ဒုတိယကမ္ဘာစစ်မှာ ယေဟောဝါသက်သေတွေက နိုင်ငံရေးမှာကြားနေတဲ့အတွက် ထောင်ချခံရ၊ ညှဉ်းဆဲခံရတဲ့အပြင် အသတ်တောင်ခံခဲ့ရတယ်။ ဂျာမန်ဘိရှော့ဟောင်းတစ်ဦးက ကျွန်ုပ်တို့နဲ့ပတ်သက်ပြီး ဒီလိုရေးခဲ့တယ်– “နာဇီအုပ်ချုပ်မှုအောက်မှာ အုပ်စုလိုက် စစ်မှုထမ်းဖို့ ငြင်းပယ်ခဲ့တဲ့သူတွေက ယေဟောဝါသက်သေတွေပဲ ဖြစ်တယ်။”

ဒါပေမဲ့ ကျွန်ုပ်တို့က တစ်သီးပုဂ္ဂလနေတဲ့သူတွေ မဟုတ်ပါဘူး။ တပည့်တွေနဲ့ပတ်သက်ပြီး ယေရှုက “သူတို့ကို ဤလောကမှ နုတ်ယူရန် တောင်းလျှောက်သည် မဟုတ်ပါ” လို့ ဘုရားသခင်ဆီ ဆုတောင်းခဲ့တယ်။ (ယောဟန် ၁၇:၁၅) ဒါကြောင့် ကျွန်ုပ်တို့ကို အလုပ်ခွင်မှာ၊ ဈေးတွေမှာ၊ ကျောင်းတွေမှာ သင်တို့ တွေ့ရမှာဖြစ်တယ်။