နမူနာတင်ဆက်နည်းများ
ဖေဖော်ဝါရီလရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစဖို့ အခုလိုပြောနိုင်ပါတယ်
“သမ္မာကျမ်းစာဆိုတဲ့ ကျမ်းဂန်နဲ့ပတ်သက်ပြီး လူတွေမှာ အမြင်အမျိုးမျိုးရှိကြတယ်။ တချို့ကျတော့ ဘုရားသခင်ရဲ့တရားစကားတော်၊ တချို့ကျတော့ သာမန်စာအုပ်တစ်အုပ်လို့ ရှုမြင်ကြတယ်။ မိတ်ဆွေကော ဘယ်လိုထင်သလဲ။” တုံ့ပြန်မှုကိုစောင့်ပါ။ ဖေဖော်ဝါရီ ၁ ရက်ထုတ် ကင်းမျှော်စင် နောက်ကျောဖုံးကိုပြပြီး ပထမမေးခွန်းရဲ့အောက်က အကြောင်းအရာနဲ့ ညွှန်းထားတဲ့ကျမ်းချက် အနည်းဆုံးတစ်ချက်ကို ဖတ်ပြီး ဆွေးနွေးပါ။ မဂ္ဂဇင်းကို ဝေငှပြီး နောက်မေးခွန်းကိုဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
ဖေဖော်ဝါရီ ၁ ထုတ် ကင်းမျှော်စင်
“လူတော်တော်များများဟာ စစ်ပွဲတွေအဆုံးသတ်သွားတာကို မြင်ချင်ကြတယ်။ ကမ္ဘာတစ်ခွင်လုံး ငြိမ်းချမ်းဖို့ဆိုတာ ဖြစ်နိုင်မယ်လို့ ထင်သလား။ [တုံ့ပြန်မှုကို စောင့်ပါ။] သမ္မာကျမ်းစာမှာ ဖော်ပြထားတာကို ကြည့်ရအောင်။ [ဆာလံ ၄၆:၉ ကိုဖတ်ပါ။] စိတ်ဝင်စားစရာကောင်းတာက ပထမကမ္ဘာစစ်အတွင်းနဲ့ ပြီးတဲ့နောက်မှာ ဖြစ်ပျက်တဲ့ အဖြစ်အပျက်တွေဟာ ကမ္ဘာတစ်ခွင်လုံးမှာ စစ်ကို အဆုံးသတ်မယ်ဆိုတဲ့ ဘုရားသခင်ရဲ့ကတိတော် ပြည့်စုံတော့မယ်ဆိုတာကို ယုံကြည်စိတ်ချစေပါတယ်။ အဲဒါနဲ့ပတ်သက်ပြီး ဒီမဂ္ဂဇင်းမှာ ဖော်ပြထားပါတယ်။”
ဖေဖော်ဝါရီ နိုးလော့!
“ဒီနေ့ လူတော်တော်များများဟာ နတ်ဝိဇ္ဇာအတတ်ပညာကို ပိုပိုပြီးစိတ်ဝင်စားလာကြတယ်။ မှော်အတတ်ရုပ်ရှင်ဇာတ်ကားတွေကို ကြည့်တာလည်း ပိုပြီးများလာတယ်။ ပြီးတော့ သေဆုံးသွားတဲ့ချစ်မြတ်နိုးရသူတွေနဲ့ ဆက်သွယ်ဖို့ ကြိုးစားကြတယ်။ ဒီလိုလုပ်တာ မှားတယ်လို့ ထင်ပါသလား။ [တုံ့ပြန်မှုကို စောင့်ပါ။] သေဆုံးသွားတဲ့သူတွေကို ဆက်သွယ်တာနဲ့ပတ်သက်ပြီး ဒီကျမ်းချက်မှာ ဒီလိုသတိပေးထားတယ်။ [ဟေရှာယ ၈:၁၉ ကိုဖတ်ပါ။] ဒီအကြောင်းအရာကို သေချာရှင်းပြထားတဲ့ ဒီမဂ္ဂဇင်းကို ပေးထားခဲ့မယ်နော်။ [စာမျက်နှာ ၄ နဲ့ ၅ မှာပါတဲ့ ဆောင်းပါးကိုပြပြီး မဂ္ဂဇင်းကို ဝေငှပါ။]”