8 Tamin’ny volana faharoan’ny taona faharoa, taorian’ny nahatongavan’izy ireo teo amin’ny tranon’ilay tena Andriamanitra tany Jerosalema, dia nanomboka an’ilay asa i Zerobabela zanak’i Sealtiela, sy Jesoa zanak’i Jozadaka, sy ny rahalahin’izy ireo hafa, dia ny mpisorona sy ny Levita ary izay rehetra babo+ ka niverina tany Jerosalema. Notendren’izy ireo ho mpanara-maso ny asa tao an-tranon’i Jehovah ny Levita 20 taona no ho miakatra.