13 Tonga tany amin’i Saoly i Samoela tamin’ny farany, dia hoy i Saoly taminy: “Hotahin’i Jehovah anie ianao! Efa nanatanteraka ny tenin’i Jehovah aho.” 14 Hoy anefa i Samoela: “Koa inona izany feon’ondry aman’osy ren’ny sofiko sy feon’omby henoko izany?”+ 15 Dia hoy i Saoly: “Biby nentin’ny olona avy tany amin’ny Amalekita izany. Tsy novonoin’izy ireo* izay tsara indrindra tamin’ny ondry aman’osy sy ny omby, mba hatao sorona ho an’i Jehovah Andriamanitrao. Fa ny sisa kosa naringanay tanteraka.”