5 Taorian’izay, dia niala tao Beri-sheba i Jakoba. Ary nentin’ny zanak’i Israely tamin’ny sarety nalefan’i Farao hitondrana azy i Jakoba rainy sy ny zanak’izy ireo ary ny vadin’izy ireo. 6 Nentin’izy ireo koa ny biby fiompiny sy ny fananana voangony tany Kanana. Dia tonga tany Ejipta i Jakoba sy ny fianakaviany rehetra niaraka taminy. 7 Ary nentiny niaraka taminy nankany Ejipta ny zanany lahy sy ny zanany vavy ary ny zafikeliny rehetra, izany hoe ny fianakaviany rehetra.