15 Naniraka olona hampitandrina azy ireo foana i Jehovah Andriamanitry ny razambeny. Nampitandrina azy ireo foana tokoa izy, satria izy nangoraka ny vahoakany sady tsy tiany ho rava ny fonenany. 16 Nesoin’izy ireo foana anefa ny irak’ilay tena Andriamanitra,+ ary tsy noraharahiany ny tenin’Andriamanitra,+ sady nihomehezany ny mpaminaniny.+ Tezitra be tamin’ny vahoakany àry i Jehovah tamin’ny farany,+ ary efa tsy azo nampiana intsony koa izy ireo.

9 Dia hoy izy tamiko: “Be loatra ny fahadisoana nataon’ny taranak’Israely sy Joda.+ Feno ra mandriaka+ ilay tany, sady manjaka ao an-tanàna ny kolikoly.+ Hoy mantsy izy ireo: ‘Efa nafoin’i Jehovah ange ny tanintsika e! Dia tsy mahita antsika i Jehovah.’+ 10 Raha ny amiko kosa, tsy hiantra azy ireo ny masoko sady tsy hangoraka azy aho,+ fa hataoko mivaly aminy* ny nataony.”