15. Iza no Tena Mpivavaka?

1 AHOANA NO HAMANTARANA NY FIVAVAHANA MARINA?

‘Tery ny vavahady ary ety ny lalana mankany amin’ny fiainana, ka vitsy no mahita azy.’—Matio 7:14

Tian’Andriamanitra daholo ve ny fivavahana?

• Matio 7:21-23

  Tsy ny fivavahana rehetra no tiany satria tsy izy rehetra no manao ny sitrapony.

• Matio 7:13, 14

  Hiaina mandrakizay izay manaraka ny fivavahana marina, fa haringana mandrakizay izay any amin’ny fivavahan-diso.

• Matio 7:16, 17

  Izay ataon’ny mpivavaka ao aminy no amantarana ny fivavahana marina. Tsy voatery hitety ny fivavahana rehetra ianao, fa ianaro fotsiny izay lazain’ny Baiboly.

2 INONA NO ATAON’NY TENA MPIVAVAKA?

• 1 Tesalonianina 2:13; 2 Timoty 3:16, 17

  Mino sy mampianatra an’izay lazain’ny Baiboly.

• Matio 4:10; Jaona 17:6

  Mivavaka amin’i Jehovah sy mampiasa ny anarany.

• Jaona 13:35

  Mifankatia.

• Jaona 3:36; Asan’ny Apostoly 4:12

  Mankatò an’i Jesosy satria izy no ampiasain’i Jehovah mba hamonjena antsika.

• Jaona 18:36; Asan’ny Apostoly 5:29

  Tsy manao politika.

• Matio 24:14; 6:10

  Mampianatra hoe ny Fanjakan’Andriamanitra ihany no hanafoana ny olana rehetra.

3 MILA MINO SY MAMPIHATRA AN’IZAY NIANARANAO IANAO

Tsy maintsy manao inona ianao raha tianao heken’Andriamanitra ny fanompoanao azy?

• Jakoba 2:19

  Tsy ampy ny mino an’Andriamanitra. Mila manaraka an’izay lazainy ao amin’ny Baiboly koa ianao.

• Isaia 52:11; Apokalypsy 17:5

  Mampianatra zavatra tsy eken’Andriamanitra ny fivavahan-diso na “Babylona Lehibe”, anisan’izany ny hoe telo izay iray Andriamanitra, tsy mety maty ny fanahy, ary misy ny afobe.

• Apokalypsy 18:4, 8

  Kely sisa dia haringan’i Jehovah ny fivavahan-diso rehetra. Na inona na inona àry avy amin’ny fivavahan-diso, dia tsy ataontsika.

• Marka 10:28-30

  Hanampy anao foana i Jehovah na dia misy manohitra aza ianao.