Iezaho Fantarina ny Tsipiriany Rehetra

Rehefa mamaky tantara ao amin’ny Baiboly ianao, dia iezaho fantarina izay rehetra tafiditra amin’ilay izy. Jereo hoe inona ny zava-nisy tamin’izany, ary iza avy no tafiditra amin’ilay tantara. Raha nisy zavatra nataon’ilay olona, dia saintsaino hoe inona no mety ho nahatonga azy hanao an’izany. Alao sary an-tsaina koa hoe hoatran’ny ahoana ilay toerana, inona avy ny feo re sy ny fofona heno, ary nanao ahoana ny fihetseham-pon’ireo olona tantaraina ao.

ALEFASO ILAY VIDEO HOE HATSARAO NY FAMAKIANAO BAIBOLY—AMPAHANY, ARY VALIO IRETO:

• 

  Inona no mety ho nahatonga ny olana teo amin’i Josefa sy ireo rahalahiny?

• 

  Mora nentim-po ny rahalahin’i Josefa sady tsy nieritreritra tsara. Inona no mety ho anton’izany?

• 

  Inona no fantatsika momba an’i Jakoba, rain’i Josefa, rehefa jerena ny Soratra Masina?

• Inona ny ohatra tsara nomen’i Jakoba an’ireo zanany lahy momba ny fandaminana tsy fifanarahana?

• Inona ny soa noraisinao rehefa nijery an’iny video iny ianao?