Tsy Hijaly Intsony ve Isika Indray Andro Any?

INONA NO LAZAIN’NY BAIBOLY?

“Hofafan’Andriamanitra ny ranomaso rehetra ... ary tsy hisy fahafatesana intsony, sady tsy hisy alahelo na fitarainana na fahoriana intsony.”—Apokalypsy 21:3, 4, Dikanteny Iombonana Eto Madagasikara.

INONA NO VOKATR’IZANY EO AMINAO?

Matoky fa tsy avy amin’Andriamanitra ny olana mahazo antsika.—Jakoba 1:13.

Faly mahalala hoe miara-miory amintsika Andriamanitra.—Zakaria 2:8.

Manantena fa tsy hisy intsony ny fijaliana rehetra.—Salamo 37:9-11.

TENA AZO INOANA VE IZAY LAZAIN’NY BAIBOLY?

Eny! Ireto misy antony roa:

• Tsy tian’Andriamanitra ny fijaliana sy ny tsy rariny. Nanao ahoana i Jehovah Andriamanitra rehefa nisy nampijaly ny vahoakany fahiny? Milaza ny Baiboly fa nalahelo izy noho ny nataon’ireo “nampijaly” azy ireo.—Mpitsara 2:18, Fandikan-teny Katolika.

  Tezitra amin’izay mampijaly ny hafa Andriamanitra. Milaza, ohatra, ny Baiboly fa halany “ny tanana mandatsaka ny ran’ny tsy manan-tsiny.”—Ohabolana 6:16, 17, Fandikan-tenin’ny Tontolo Vaovao.

• Mikarakara antsika tsirairay Andriamanitra. Samy mahafantatra ny zavatra mampijaly azy ny tsirairay, ary mahafantatra an’izany koa i Jehovah.—2 Tantara 6:29, 30.

  Kely sisa i Jehovah dia hanala ny fijalian’ny olona, amin’ny alalan’ny Fanjakany. (Matio 6:9, 10) Efa mampahery an’izay tena te hifandray aminy anefa izy ankehitriny.—Asan’ny Apostoly 17:27; 2 Korintianina 1:3, 4.