Fampidirana ny Fizarana 1

Vao manomboka ny Baiboly, dia miresaka hoe i Jehovah no namorona ny zavatra any an-danitra sy etỳ an-tany. Manan-janaka ve ianao? Ampianaro azy fa be dia be ny zavatra noforonin’i Jehovah, sady tsara be daholo. Tsy nataony mitovy amin’ny biby ny olombelona satria nataony mahay miteny, mieritreritra, mamorona zavatra, mihira, ary mivavaka. Ampio ho tia an’i Jehovah ny zanakao, ka ampianaro hoe tena mahery sy manam-pahendrena i Jehovah ary tiany ny zavatra noforoniny rehetra, anisan’izany isika tsirairay.