LESONA 1

Mahaiza Mampidi-dresaka

Asan’ny Apostoly 17:22

AHOANA IZANY? Ataovy mahaliana izay lazainao voalohany. Tonga dia ampidiro ao koa ny foto-kevitra horesahinao, ary ataovy tsapan’ilay olona hoe mahasoa azy ilay izy.

INONA AVY NO TOKONY HATAONAO?

Ataovy mahaliana izay lazainao. Mitadiava fanontaniana na tantara tena nisy na vaovao na zavatra hafa mahaliana.

Eritrereto tsara hoe: ‘Inona izao no tena mahaliana ny olona na mampiady saina azy?’ Izay avy eo no ataovy fampidiran-dresaka.
Ampidiro ao ny foto-kevitra horesahinao. Tonga dia ataovy mazava hoe inona ilay foto-kevitra tianao horesahina, ary nahoana ianao no te hiresaka an’ilay izy.
Ataovy tsapan’ilay olona hoe mahasoa azy ilay foto-kevitra. Hevitra tena ilainy no resaho. Tokony ho azony hoe mahasoa azy izay lazainao.

Rehefa manomana lahateny ianao, dia mieritrereta hoe: ‘Inona ny olana mahazo ny rahalahy sy anabavy ao amin’ny fiangonanay?’ Ataovy mifanaraka amin’izany avy eo ny fampidiran-dresakao.