HIRA 152
Trano Iray Hiderana Anao
(1 Mpanjaka 8:27; 1 Tantara 29:14)
1. Jehovah, ’lay Tompo Avo Indrindra,
Ny lanitra anie tsy omby anao.
Mainka moa raha toerana eto an-tany,
Tsisy mendrika honenanao!
Hiasan’ny fanahinao kosa
’Ty foibe nataonay ity.
’Ndreto izahay hanao ny asanao,
Hiray saina, hifankatia.
(TETEZANA)
’Zay rehetra atolotray
Dia avy any aminao ihany.
’Zay rehetra anananay,
Ianao no niavian’izany.
(FIVERENANA)
Koa misaotra indrindra, Jehovah.
Hirainay izao hira izao,
Fa tontosa anie ’lay nirinay:
Trano iray hiderana anao!
2. Efa ela izahay no naniry
Hanao trano hiderana anao,
Sady hianaranay ny lalanao,
Sy hanampiana ny ondrinao.
Tahio re ’ty toerana ity mba
Hanaovana izay sitrakao,
Sy hanohizanay ny asanao,
’Zay nasain’i Kristy natao.
(TETEZANA)
Ary izay tsara indrindra,
Omenay amin’ny fo;
F’ianao no Loharano
Mpanome zava-tsoa.
(FIVERENANA)
Koa misaotra indrindra, Jehovah.
Hirainay izao hira izao,
Fa tontosa anie ’lay nirinay:
Trano iray hiderana anao!