Tsy Hadinon’i Jehovah ny Asa Tsara Ataontsika

Afaka manao asa tsara ho an’i Jehovah ny mpanompony tsirairay. Tsy hadinony mihitsy ny fitiavana sy ny asa ataontsika ho an’ny anarany. Hoatran’ny ray aman-dreny tsy manadino ny zava-bitan’ny zanany mantsy izy. (Mt 6:20; He 6:10) Marina aloha hoe tsy mitovy ny zavatra hain’ny Kristianina tsirairay sy ny zavatra iainany. Ho faly anefa isika raha manao izay fara herintsika eo amin’ny fanompoana an’i Jehovah. (Ga 6:4; Kl 3:23) An’arivony ny rahalahy sy anabavy efa nanompo tany amin’ny Betela, na mbola manompo any. Afaka manompo any koa ve ianao? Raha tsy afaka ianao dia ampirisiho ny hafa mba hanompo any, ary ampaherezo ny Betelita mba tsy hiala amin’ny fanompoany.

ALEFASO ILAY VIDEO HOE INONA NO TOKONY HATAONAO RAHA TE HIASA ANY AMIN’NY BETELA IANAO?, ARY VALIO IRETO:

• Inona no tokony ho antony anompoantsika any amin’ny Betela?

• Inona no fitahiana azon’ny rahalahy sy anabavy sasany, noho izy ireo manompo ao amin’ny Betela?

• Inona no fepetra takina amin’izay te hanompo any amin’ny Betela?

• Inona avy ny taratasy fangatahana azonao fenoina, raha te hanompo any amin’ny Betela ianao?