Izay Saintsainiko ato Am-poko

1. Izay saintsainiko ato am-poko

Mandritra ny andro tsirairay,

Dia tiako hampifaly anao,

Hankasitrahanao, ry Ray.

Ny alina aho raha miady saina

Ka lasa tsy mahita tory,

Dia hisaintsaina momba anao,

Tsy hanadino anao akory.

2. Izay madio sy tsara laza

No tiako hifantohan’ny saiko,

Satria mba tiako ho sitrakao

Izay ataoko sy lazaiko.

Ny hevitrao, Jehovah ô,

Dia maro, sarobidy koa;

Ka enga anie ny Teninao

Mba hosaintsainiko ao am-po.