HIRA 43
Vavaka Fisaorana
Endrika Sary
1. Jehovah Ray ô, ny fonay dia feno,
Feno fisaorana ho anao irery.
Manompo anao ’zahay no sady matoky
F’ianao hitsinjo sy hanampy ary hijery.
’Zahay isan’andro manao fahadisoana,
’Zay diso vitanay re mba fafao.
Soa fa ekenao hoe vovoka ihany,
Soa fa nomenao ilay Zanakao!
2. Misaotra anao ’zahay fa tianao sy ekenao
Ho namanao ka hifandray akaiky.
Tariho hahita ny lalana tsara,
Ampio ho hendry sy mora manaiky.
Ny fanahy masinao no hery ho anay,
Ary mahatonga anay ho sahy miteny.
Enga anie ’zahay hankasitraka foana,
Hisaotra anao noho ’reny rehetra ireny!
(Jereo koa ny Sal. 65:2, 4, 11; Fil. 4:6.)