Vavolombelona Maro

1. Vavolombelona maro,

’Zay samy mpankatò;

Midera an’i Jehovah,

Manompo an-tsitrapo.

Vahoaka be isika,

An-tapitrisa izao;

Samy hafa foko sy firenena,

Nefa tsy mifandao.

2. Vavolombelona maro,

Mitory eran-tany;

Mitondra vaovao tsara

Hatrany lavitra any.

Raha sendra kivy isika

Na te mba hitaraina,

Jesosy no hankahery ’ndray,

Tony ny fo sy saina.

3. Vavolombelona maro,

Manompo eo an-tempoly.

Arovan’i Jehovah,

Manao ny sitrapony.

Tia mifanampy ’sika,

Toy ny fianakaviana

Antsoin’i Jehovah hiara-miasa;

Hanao ny fitoriana.