Teny Fampidirana ny Tenin’Andriamanitra

Tenin’Andriamanitra ny Baiboly, ary hafatra ho antsika no voalaza ao. Hazavainy ao izay tokony hatao mba ho tsara ny fiainantsika sy mba hankasitrahany isika. Ao koa no misy ny valin’ireto:

1 Iza moa Andriamanitra?
2 Ahoana no atao raha te hahafantatra an’Andriamanitra?
3 Iza no nanoratra ny Baiboly?
4 Mifanaraka amin’ny siansa ve ny Baiboly?
5 Inona ny hevi-dehibe ao amin’ny Baiboly?
6 Inona avy ny faminaniana momba ny Mesia?
7 Inona no lazain’ny Baiboly fa hitranga amin’ny androntsika?
8 Andriamanitra ve no mahatonga antsika hijaly?
9 Nahoana ny olona no mijaly?
10 Inona no lazain’ny Baiboly momba ny hoavy?
11 Manao ahoana ny olona rehefa maty?
12 Mbola azo antenaina ho velona ve ny maty?
13 Inona ny torohevitry ny Baiboly momba ny asa?
14 Inona no hanampy anao hitsitsy vola?
15 Inona no tena mahasambatra?
16 Inona no atao mba tsy hanahy be loatra?
17 Inona ny torohevitry ny Baiboly ho an’ny fianakaviana?
18 Inona no hanampy anao hanatona an’Andriamanitra?
19 Inona avy no resahin’ireo boky ao amin’ny Baiboly?
20 Tianao ve ny handray soa rehefa mamaky Baiboly?

AHOANA NO FIJERENA ANDININ-TENY?

Mizara roa ny Baiboly: Ny Soratra Hebreo sy Aramianina (“Testamenta Taloha”), sy ny Soratra Grika (“Testamenta Vaovao”). Misy boky 66 ao amin’ny Baiboly. Mizara ho toko sy andininy ny boky tsirairay. Rehefa mahita andinin-teny ianao, dia manondro ny toko ilay tarehimarika voalohany eo aorian’ny anaran’ilay boky. Manondro ny andininy kosa ny tarehimarika manaraka. Ny Genesisy 1:1, ohatra, dia midika hoe Genesisy toko voalohany, andininy voalohany.