14ǁÎ ǃÂB

Mati da ǂgomǂgomsasiba Jehovab ǃoa-ai ǁgau ǁkhā?

Mâǀgai re Elob ǀkhāb ai. 1 Petrub 5:6-9

Xristeǁîb hîna dī-xū-e ama tama ǂgoms tsî ǂgīǂgōsi xūn ǀkha ūhâ ǂgao tamab

Elobmîs ǀkha ǀgau tama hâ dīxūna xu ǂgō re. ǁKhoaǂgaots ge nî nēsa dīs ǃaroma.

Tā ǂgīǂgōsi xūn ǃhaoti din ǃnâ ǁani; Jehovab tsî ǁÎb Gaosiba ǂkhâǃnâ tama hâ xuige.

Hoa ǁae Eloba ǁnâuǀnam re, ǁnāb ge a ǂhanu ûi ǀgau. Mateub 7:24, 25

Khoeb ge ǀhû-omi tawa ǀhaosa ra hâǃnâ tsî Elobmîsa Jehovab di ǀHûǀguitmî-aon di ǀgui-i xa ra ǁkhāǁkhāhe

Jehovab di ǀHûǀguitimî-aon ǀkha hâǁae re, ǁîn ge nî huitsi Elob ǃoa ǀgūsa.

Dīǃgûǃgû Elob tsî ǁÎb mîmâti xa ǁkhāǁkhāsensa tsî ǁnâuǀnamsa.

Khoeb ge ǀgores ǃnâ-ū Jehova Elob ai ra māǁnâsen tsî ega ra ǁāǁnâhe

Sa ǂgoms ga ǀgai-o, ots ge Jehovab ai sa ûiba māǁnâ tsî nî ǁāǁnâ kaisen.—Mateub 28:19.

Eloba ǁnâuǀnam re. Elobmîsa khomai tsî Jehovab di ǀHûǀguitimî-aona ǂgan re its huihe Elobmîsa ǁnâuǃāsa. ǁNapaxu ǁkhāǁkhāsents go xūna dī re. Nēnats ga dī o, ots ge ǀamose nî ûi.—Psalmti 37:29.