7ǁÎ DÎS

Mati ta nî dī ǀhō ta hâ khoe-i ga ǁgari te o, î ta ǁî-i ǀkha ǁgoe-ūgu?

TARE-I ǃAROMA I A ǂHÂǂHÂSA

Sats ra nēsi ū mîǁguib ǁgoe-ūgus xab ge sa ûib hoaba sats ǀkha nî hâ.

**TARENATS SATSA A DĪ ǁKHĀ?**

ǂÂi re sao ra i xa: Marias tsî Axasmani tsîn ge ǀgam ǁkhâga ūgu hâ, xawes ge ra tsâ ǁîra ge ǂgui kuriga ǂangu ti. ǁÎra ge tsēs hoasa ǁâǁawab ai ra ǃhoa tsî ra ge kaise ǃgâise a ǂangu! Xaweb ge Axasmana ǁnās xa ǃnāse ra ǂgao.

Nē go ǃkharu ǁkhâga ra ge ǁîra ǃkhō ǁôagu tsî ǁoagus ǀguisa ra dī. Marias ge ǁnās ǃgâ ai hâ xū-e ôa tama hâ. Xawes ge Axasmani tsîna ǂoaǃnâ ǂgao tama hâ. Tātsē i ge ǀnî hâ khoe-e ǁîsa anusase tsî ǂoaǂamsase ge tsâ kai tama hâ i. ‘ǁNās xōǀkhās ge ra mîbasen, Axasman ham ge a ǀnamgu . . . ’

Marias mâsib ǃnâts ga hâhâ o, o tare-ets ga satsa dī hâ?

ǁAEBA Ū TSÎ ǂÂI RE!

Lapip ge ǀurixa xū-e ra ǃanu ūhe — Sorosise ǂharugus ge Eloba xu hâ ǀkhaeba ǃgame hâ khoen ǃaroma ǀgui. ǃGameb aisi ǁgoe-ūgus ge ra ǁgau sats Elob ǀkhaeba ūǃoa tama hâsa. ǁNās ge a ǀgui khoe-i xats ra māhe îsa lapipa, ū tsî ǀurixa xū-e ǃanu ū tsoatsoas ǀkha

Sats ga ǂanabegase kaise ǀgawi ǃkhai-e xū ūri o, ots ge nî hōǃâ ǁnāts ga o. ǁKhās asets ge nî hōǃâ Elob di ǂhanubats ga ǃgûǂam o, nēti ra mîba: “ǀAiba xu . . . ūdawasen.”—1 Tesalonikaǁîn 4:3.

Tare-e sida ǀkha ī ǁkhā nē mîmāsa da ga ra ǁnâuǀnamoǃnâ o? Elobmîs ge ra mî: “ǀAiba ra dī-i ge ǁî-i soros ǂûs ǃoagu ra ǁore-e.” (1 Korinteǁîn 6:18) Ama tama-e?

Ôaǃnâ-aon ge ra mî ǃnāsa ǂkhamkhoen hîna ge ǃgameb aisi a ǁgoe-ūgun ge sao ra xūna ra hōǃâ.

ǃGOMSIB. ǃNāsa ǂkhamkhoen hîna ge ǃgameb aisi a ǁgoe-ūgun ge kaise ra ǃhausen.
ǂGOMǃGÂ OSIB. ǁGoe-ūgus khaoǃgân ge ra ǂâi, ‘ham-i ǀkhas tsînas tamas ka io tsinab go ǂharugu hâ i?’
ǁGAISE TSÂS. ǃNāsa ǀgôadi ge ǃnorasese nî tsâ kai di khoega ra ôa, tsî ǁîde ra āxū khoegu ose. Tsî ǃnāsa axagu ge axadi hîna ge ǀnai ǁgoe-ūhe tsâ hâ i de ǂgao tama.
Hoan ǂamai: Sats ga ǃgameb aisi ǁgoe-ūgu tsoatsoa o, ots ge aitsama ra ǁgaiǁgaisen tsî ǃgomǀgausa xū-e go ǂoaǃnâ kaisen. (Romeǁîn 1:24) Sa soros ge kaise a ǃgomǀgausa tsî ǁnāti ī ǀgaub ai a ǁgaiǁgaihe ǁoa!

ǁGau re sats ǀgaiba ūhâsa ǀaiba xu ‘ūdawasensa.’ (1 Tesalonikaǁîn 4:3) Tsî ǀgui tsēts ga ra ǃgame o, ots ge sorosise a ǂharugu ǁkhā. Ots ge ǀoasase ǁkhoaba ǁî-e xu nî hō. ǂÂiǂhansens, ǃhausens tsî ǃgâi tamase tsâs ge hâ tide sorosisets ǂharugu hâs khaoǃgâ ǃgamets hâ hîna.—ǂKhoamîdi 7:22, 23; 1 Korinteǁîn 7:3.

TARE-ETS TA ǂÂI?

Khoe-i hîna a ama ǀnam tsi-e, satsa ǁkhōǁkhōsa sorosi tsî khoesi tsâsib ǃnâ mâi i nî?
Khoe-i hîna satsa amabes ǃnâ ra tsâba-e sa ǃgaeǀhaos Elob ǀkhats ūhâsa ǃgâi tama mâsib ǃnâ mâi i nî?—Hebreǁîn 13:4.