Khomai-aon dîdi

Elobmîs ǀaob nî sîsenūhe ǀgaub xa mî xūn. Tsî Jehovab di ǃoaba-aona ǀaeǃkhōhe ra khoe-i ǀaoba ra sîsenū. ǀAeǃkhō ǀgauga mati ra mû?

Mâ Xristeǁî-i hoa-i ge Elobmîs ra mî xū-e ǃamkuse nî ǂâiǃgâ. ǁÎ-i ǃgâi a ti ra ǂâi tamas ka io dokteri xa i ge ǀapemāhe ǀaeǃkhō ǀgau-e ūǃoas ǀguisa hî tama i tsî. Dī i ra mîǁguib ge ǁî-i tsî Jehovab ǁaegu hâ.

Jehovab ge ûiba ge mā da. Tsîb ge ǁîba ra mî, î da tā ǀaoba ǂû. (Genesis 9:3, 4) Israelǁaesab ge mā ǂhanub ǃnâb ge. Jehovaba ǀaoba ǀnî xūn ǃaroma ǀgui gere sîsenū kai. ǀAob ûiba ra ǂnûǁkhaeba xui-ao. ǁÎb ge ge mî: “ǀOms [tamas ka io ûib] ǁgans dis ge ǀaob ǃnâ hâ amaga ta ge tita ǁîba altars ai ge mā du, sadu ǀomdi nî ǂkhîbagusa dībahese.” O khoe-i ga xamani-e ǂû i nî ga a ǃgam os? Elob ge ge mî: “ǁÎ-i ge ǁnā-i di ǀaoba ǂnâxū tsî nî ǁîba tsarab ǀkha ǃgū-ai.”a (Levitikus 17:11, 13) Jehovab ge nē mîmāsa ǂgui ǃnāde ge mî. (Deuteronomium 12:16, 24; 15:23) Jodeǁîn Soncino Chumash ǂkhanis ge ra mî: “ǀAob ge ǃkhai-i ai sâuhe tide. Tsî ǂûhe i tide xawe ǃhūb ai nî ǁhōxūhe.” Israelǁî-i ge ûitsama kurusabe-i di ǀaoba sâu tide. Tsî ǀkhara xū-i ǃaroma sîsenū tide. ǁNā xamani-i di ûib tsîn a Elob ti amaga.

Mesiab ge ǁōs khaoǃgâ i ge ǂhâbasa tama hâ Moseb ǂhanuba saosa. Xaweb ge Eloba noxoba ǀaoba ǀō-aisase ra mû. ǃAnu gagab xa ra daoǁgauhese gu ge apostelga Xristeǁîna ge mîba. În “ǀaoba” ǂhanu tama ǀgaub ǃnâ sîsenūsa xu hâbē. Nē mîmāsa ǁnâuǀnams ge kaise ge ǂhâǂhâsa i. Tsî ǂhanu tama ǀgaub ǃnâ ǀaoba sîsenūsa xu ǂgōsens ge ǀaib. Tsî ai-īsiga ǃoabas ǀkha ǀguise gere mûhe. (ǃNaeǃkhaidi 15:28, 29; 21:25) ǂGui khoen ge ǀgamǁî ǃhūbaib torob khaoǃgâ ǀaoba ǀkhae tsî ǀaoba ǁaigu ǁîn sorodi ǃnâ. Jehovab di ǃoaba-aon ge ge mûǂan. Nē xūn Elobmîs ǃnâ hâ mîmās ǀkha ǃgûǀhao tama hâsa.b

ǀNî ǁaegu ain ge dokterna ǃhôahe nîse ī khoe-e ra mîba. Î-i ǁî-i ǀaoba wekhegu ais ai ǂgaehe. Tsî sâu ǁguihe î-i ǃhôas ǁaeb ai ǂhâbasa i ga o ǁnā ǀaoba ǁî-i soros ǃnâ ǂgāhe. Nēs ge preoperative autologous blood donation, tamas ka io PAD ti ra ǂgaihe. Xawe nē ǀgaub ǃnâ ǀaoba ǂgae, sâu tsî ǁkhawa soros ǃnâ ǁaiǂgās ge. Levitikus tsî Deuteronomiums ǃnâ māhe hâ mîmāsa ra mâǃoa. ǁNā ǂhanub ge ra, mî ǀaob ge sâuhe tide xawe nî ǁhōxūhe. Tsî ǁnā ǀgaub ǃnâ Eloba ra mā-oahe. Moseb ge māhe ǂhanub ǃnāka da ge nētsē hâ tama hâ. Xawen ge Jehovab di ǃoaba-aona Elob ge ǁnā ǂhanuga gere māba ǃaromade ǃgôa hâ. Tsî “ǀaoba” ǂhanu tama ǀgaub ǃnâ sîsenūsa xu ra hâbē. ǁNā-amaga da ge khoen nî sîsenū ga. Sida ǀaoba ǂgaeǂui tsî mā tama hâ. Tamas ka io sida ǀaoba ǂgaeǂui tsî sida ega sī nî sîsenū ga sâu tama. “ǂNâxū” tamas ka io i nî ǁhōxūhe amaga. ǁNā xūn ge Jehovab mā hâ ǂhanub ǀkha ǃgûǀhao tama hâ.

ǀNî ǁaega i ge Elob ǂkhā tama hâ ǀaeǃkhō. Tsî ǀao sîsenū ǀgaub tsîna ra sîsenūhe. Aiǁgause, ǀnî Xristeǁîn ge ge mā-am în ǁîn ǀaoba ǂgaehe. Tsî ǀaena ôaǃnâhe tsî ǁnāpaxū axuhe. Xawe gu ge ǀnî ǁaega dokterga ǂgui xūna ǃkhōǂgā hâ ǀaeǃkhō ǀgaub. Hîna ǀaeǃkhōhe ra khoe-i ǀaoba ra sîsenūba a ǀapemā ǁkhā.

Aiǁgause, ǀnî ǁaega i ge ǃhôas ǃnâ ǀnî ǀaoba masins xa ra ǀkhupuǂuihe. Tsî i ge soros ǃnâ ǃgau hâ ǀaoba ra ǁgāǁgāhe. Nēs ge hemodilution ti ra ǂgaihe. Ega i ge ǃauga go masins ǃnâ goro ǃkhoe ǀaoba soros ǃnâ ra ǁaiǂgāhe. Tsî i ge ǁnā ǁaeb ai ǂâu hâ ǀaoba soros ǃnâ ra hâ. ǁKhā ǀgaub ǃnâ i ge ǀhapisa xu ra ǂoaxa ǀaoba a ǀkhupuhe tsî a ǃanuhe ǁkhā. Î di ǀapa selde khoe-i soros ǃnâ ǁkhapa ǂgā-oahe. Nēs ge cell salvage ti ra ǂgaihe. ǀNî ǁaega i ge ǀaoba sorosa xu masins ǃnâ-ū ra ǃkhoe kaihe. Îs masinsa soros ǃâ-i ga dī hâ sîsen-e dī. (Aiǁgause, ǂgaob, sōgu tamas ka io ǃnaidi.) Masinsa xu ra ǂoaxa ǀaob ge ǁkhapa soros ǃnâ ra ǂgâ-oa. ǀNî ǁaega i ge ǀaoba masins hîna ǀaoba a ǀgora ǁkhās ǃnâ-ū ra ǃkhoe kaihe. Tsîb ge sorosa a tsûtsû ǁkhā ǃâba ra ūǂuihe. Nē masins ge centrifuge ti ǀon hâ. ǀNî ǁaega i ge ǁnā go ǀgorahe ǃâga xu. ǀGui ǃâba ūhe, aiǁgause platelede. Tsî ǀhapisa xu i ǀaoba kaise ra ǂoa ǃkhais ai ra ǂnûihe. ǀAe i ra ôahe ǁaeb ai i ge ǀnî ǁaega ǀaoba ǂgaehe tsî sōǀôa-e ra ǂgāhe. Tsîb ge ǁnā ǀaoba ǁkhapa khoe-i soros ǃnâ ra ǂgā-oahe. Î-i ǁgau mapa i mûhe tama ǀhapi-e hâsa.

Nē xūn ge ǃkharagaǃnâgu ǀgaugu ǃnâ ra dīhe. Tsîn ge ǀasa ǀaeǃkhō ǀgaugu tsî ǀaen ôaǃnâ ǀgaugu tsîna nî ǂgâxa. Sida ǃeream tamas ge ǂgâxa ra ǀasa ǀgau i hoa-e kōǃgâsa. Tsî sîsenūhe nî mîǁguiba dīsa. Nēti ī ǀaeǃkhō ǀgaugu xa i ge mâ Xristeǁî-i hoa-e aitsama nî mîǁgui. Mati i ǁî-i ǀaoba nî sîsenūhesa. Nēsi i ga ǀaeǃkhōhe ra ǁaeb ai sîsenūhes. Tamas ka io ǀae i ra ôaǃnâhe ǁaeb ai. Tamas ka io ǀaoba ǂgaeǂui, ǁnā ǁaeb ǂûb ǃnâ sōǀôadī. Tsî ǂgā-oahe ǁaeb ais tsîna. ǁAeb aiǃgâ i ge nî ǂanǂui dokteri mati ǁî-i ǀaoba nî sîsenūsa. ǁNāpaxū i ge ǁî-i ǃgâiǂâis xa i nî mā-amhe mîǁguiba nî dī. (Boksisa khomai re.)

Xristeǁî-i ge Elob ai i māǁnâsen hâ. Tsî i ǁîba ‘nî ǀnam ǁî-i ǂgaob hoab ǀkha. Tsî ǁî-i ‘ǀoms hoas ǀkha, tsî ǁî-i ǀgaib hoab ǀkha, tsî ǁî-i ǁnâuǃāb hoab ǀkhasa’ ǂâis ǃnâ nî ūhâ.’ (Lukab 10:27) ǃHūbaib ǃnân ge ǃnāsa khoena Elob ǀkhan ūhâ ǃgaeǀhaos xa ǁae tama. Xawe Jehovab di ǃoaba-aon ge Elob ǀkhan ūhâ ǃgâi ǀhōsagusisa kaise ǃgôa hâ. Jehovab hîna ge hoa khoena ûiba a māb. Ge ra ǂkhāba î da Jesu Xristub di ǀaob hîna ge ǂnâxūheb ǃnâ ǂgom. Elobmîs ge ra mî: “ǁÎb [Jesub Xristub] ǃnâ da oresa ūhâ ǀaob âba xu: ǁOren di ǀûbasa, ǁîb ǀkhommi di ǃkhūsib ǃoa.”​—Efeseǁîn 1:7.

[ǁNaeǁgau saos]

[Boksisa]

DÎSEN DU NÎ DÎDI

Ti sorosa xu i ga ǀnî ǀaoba ǂoa kaihe. Tsî i ga ǁaerob ǀgaiba ǀaoba ti soros ǃnâ ǃkhoe tama i o. Ti ǃgâiǂâisa nî mā-am te. Î ta nē go ǂoa ǀaoba noxoba ti soros ǃâse mû? Tsî ǂhâbasa tama i hâ, nē ǀaoba “ǃhūb ai” ǁhōxūsa?

O ǀaeǃkhōhe ta ra ǁaeb ai i ga ti ǀaoba ǂgaeǂuihe. Tsî ǀkharaǀkharahe tsî ǁnā ǁaeb ǂûb ai ǂgā-oahe o, ti soros ǃnâ. Elobmîsa xu ta ge ǁkhāǁkhāsen xūna ǂâis ǃnâ ūhâse. Ti ǃgâiǂâisa mā-am te i nî. Î ta ǁnā ǀaeǃkhō ǀgauba ūǃoa?