Eloba ham-i xa ge kuruhe?

ǂÂi re, ǁgûb hîna ǁîb hû kurixa ǀgôab ǀkha ra ǃhoab xa. ǁÎb ge ra mî, “ǂgui kurina ǃkharu hâseb. Ge Eloba ǃhūbaib tsî ǁîb ǃnâ hâna ge kuru. ǁÎb ge sore, ǁkhâb tsî ǀgamirodi tsîna ge kuru.” Nē axarob ge ǁaero-i khaoǃnâ ge dî. “Pappa ham-e Eloba ge kuru ti?”

Dadasab ge ǃeream tsî ge mî: “Elob ge khoe-i xa kuruhe tama.” “ǁÎb ge ǀamose ûi hâ.” Nē ǂkhari ǃereams ge ǀgôaba ge ǃkhî kai. Khaib ra khamis ge nē dîsa. ǁÎba gere ǂhani. ǁÎb ge gere ǂâi mati i khoe-e kuruhe tamase tsoatsoasa a ūhâ ǁkhā. Mati io, xaweb ǃhūbaiba tsoatsoasa ūhâ. Tsî ‘Eloba mapa xū ge hā’? ǁÎb ge gere buru nēs xa.

Elobmîsa mati ra ǃeream? Nēs ge tsoatsoas ǃnâ hâ aiǁgaus, ǁgûb dis ǀkha a ǀgui. Moseb ge ge xoa: “ǃKhūtse, sats ge, . . . ǃHomgu ǃnae tama hâ tsî ǃhūb tsî ǃhūbaib tsîkhats ūǀkhī tama hâ hîa, ā, ǀamosiba xu ǀamosib kōsets, ge satsa a Elo.” (Psalmdi 90:1, 2) ǁNās ǁkhās khamib ge Jesajaba gere tsâ: ‘ǂAn tamats kha hâ, ǁnâu tamats kha hâ? ǃKhūb ǀamdi ǃhūbaib didi di Kuru-aosa, ǀamo Elosa’ (Jesajab 40:28) Nēsab ge Judaba ge xoa ǁîb sîǂkhinis ǃnâ “ǀamosib hoab kōse”.​—Judab 25.

Nē xoadi ge ra ǁgau Elob a “ǀamosigu di gao-aosa,” apostel Paulub ge ǁîba a mîǃā khami (1 Timoteub 1:17) Nēs ge ra ǂâibasen Elob ǀamosib kōse hâsa. Matikō gaxuseb ge ûi hâ i. Tsî hānîǁaeb ǃnâs tsînab nî ûi. (ǂHaiǂhais 1:8) ǁÎb di ǀamose ûis ge Hoaǀgaixasiba ǃkhōǂgā hâ.

Tae-i ǃaroma da nēsa ūǃoasa xa a ǃgombahe? Sida gaxuse a ûi ǁoa amaga. Da ge ǃkharaga mûǂuiba ūhâ. Jehovab di mûǂui ǀgauba xu. Jehovab ǀamosib kōse ûi hâ. Amaga i ge 1000 kuriga ǀgui tsēs khami ī. (2 Petrub 3:8) Nēsa ǂkhōs ǃgao: Springkani ge 50 tsēdi ǀguide a ûi ǁkhā. Tsî khoen ge 70 tamas kai o, 80 kuriga a ûi ǁkhā. Xawes ge Elobmîsa ra mîǃā khoen. Springkani Kōse a ǂkhariosa Elob Hoaǀgaixab ais aiǃâ. Sida xūna ra dī ǀgaub ge ǃnubusiba ūhâ. Elob ra xūna dī ǀkha da ga ǀgopeǀnō o. (Jesajab 40:22; 55:8, 9) ǁNās ǀkha i ge buruxa tama hâ khoe-e Jehovab ǀgauga ǁnâuǃā tama isa.

Elob ǀamosib kōse ûi hâsa da ge a ǁnâuǃā ǁoa. Xawes ge nēsa a ǁnâuǃāxa. ǀNî khoe-i ga Eloba kuru hâ o, o i ge ǁî-e ga kuru-ao hâ. Elobmîs ge ra mî Elob ge “hoana kuru xui-ao.” (ǂHaiǂhais 4:11) ǂAn ta ge a ǃhūbaib ge ǀnaisa xu hâ tama hâ isa. (Genesis 1:1, 2) Mapa xūb ge hā? Kuru-ao-i ge nî hâ. ǁÎ-i ge ǀnai ge hâ i, nau gā-ai xūn nî kuruhes aiǃâ. Aiǁgause, ǂGuroǃnaesabeb tsî ǀhomǃgāgu tsîna. (Job 38:4, 7; Koloseǁîn 1:15) Elob ge ǂgurose ǀnai ge hâ i. ǁÎb ge kuruhe tama hâ. Xū-i hîna ǁîba nî kuru i ge ge ǀkhai i.

Sida a ûitsama ǃkhais tsî ǃhūbaib di kurus ge ra ǁgau Elob ǀamoseba xu hâsa. Khoe-i hîna ge ǃhūbaib, ǀgamirodi tsî sores. Tsîna ǃgâi ǀgaub ǃnâ i nî sîsenǀhaose a kuru i ge hâ. ǁÎb hîna ge mâ ûitsama xū-i hoa-e ûiba a māba.​—Job 33:4 ▪