ǃKhōǂgāb

ǃHūbaib ǃgomsin ga ra hāǂam da o, o da tae-e a dī ǁkhā? Nē ǁkhāǁkhāǃâs ge kurib xoas xa ra ǃhoa tsî ra ǁgau tae-i ǃaroma da Jehovaba nî mā-am îb ǁÎba sida hui tsî ǁîba mati nî huida.

Jesub ǁōb ǂâiǂâisens ge 2018ǁî kuri Satertaxtsē Maarti 31 ai nî dīhe. Mati da nēs ǃaroma nî aiǂhomisen tsî nēsa xu mati nî ǀama tsî nē ǁaxasiba mati Elob ǃoaba-aon ǀguiǃnâxasiba ra ǃaroma? Nē ǁkhāǁkhāǃâs ge ǃereamde ūhâ nē dîdi ai.

Ū da hâ xūn hoan ge Jehovaba xu ra hā. Xaweb ge ǁîba ra ǂgao î da ǀapeǂhomisa marisise hui. Nē ǁkhāǁkhāǃâs ge nî ǁgau mati da Jehovaba ra ǃgôaǃgâsa marisise da ga ǀapeǂhomisa hui o.

ǂGuro ǁkhāǁkhāǃâdi ge ra ǃhoaǃgao mati da ama ǀnamma Eloba ǀnams ǃnâ-ū nî hōǃâsa tsî “ǀūni tsēdi” ǃnâ ra ǁgauhe ǀnamma xu nî ǂgōsa. (2 Tim. 3:1) ǀGamǁî ǁkhāǁkhāǃâs ge ra ǁgau matin khoena ǀūni tsēdi ǃnâ ǁgai ǀgauga nî ūhâsa Elob khoen ǀgauga xu ra ǀkharaga.