ǃKhōǂgāb

Khoen ge ǃhūbaib ǂhawase ǃnorasasiba ra ǂgao. Xristeǁîna ǃnorasasiba mati ra mû? Nē ǀgam ǁkhāǁkhāǃâdi ge nî ǁgau tae-i a ama ǃnorasasis, mati da nē ǃnorasasiba nî ūhâs tsî mati da sida ǃnorasasiba nî sîsen-ūsa sida ǃgâib ǃgao. Xawe hoan ǂam-ai da ge nî mû mati da sida ǃnorasasib ǀkha Jehovaba ǃgôasiba nî ǁgausa, ǁîb a ama ǃnorasasib Elo amaga.

Nē ǁkhāǁkhāǃâdi ge ra ǁgau Jehovab ǁîb ǃoaba-aona ra ǂkhâǃnâsa tsî khoen ge ǁîb aiǁgausa nētsēs kōse ra sao. Tsî da ge nî mû tae-i ǃaroma î nēsi ǂkhâǃnâgusa a ǂhâǂhâsa ǃkhaisa.

ǂKhamkhoen ge ǃgâiba ra hō Jehovaban ga ǀhaohâb ǃnâ ǂkhîǂkhî o. Nē ǁkhāǁkhāǃâs ge ǃaromade ra mā matin ǂkhamkhoena gagasi mîǁguiga nî ǁîn ûib ǃnâ dīsa. Tsî matin aoǁnâ sîsen-e ǂhâǂhâsase nî mû ǀgaus tsîna ra ǃhoaǃgao.