ǃKhōǂgāb

Nē ǀgam ǁkhāǁkhāǃâra ge ra ǁgau mati da Jehovab ǀō-aisa amaba nî ǃgôaǃgâsa. Nē amab di ǂoaǂamsasib ge dī da ge ǁguibadi hoadi xa kaise a ǀgapi. Nē ǁkhāǁkhāǃâs ǃnâ da ge nî mû mati da amaba ǂoaǂams ǀkhaeb ase nî mû ǀgarasa. Tsî da Jehovab xa da ge ǁkhāǁkhā-e amaba tātsēs tsîna mābe tamas ka io ǀnîhâ xū-i ǀkha mādawa-am tidesa.

Habakuki ǂkhanis ge ra ǁgauda mati da ama ǀhōsagusisa Jehovab ǀkha a ūhâ ǀgara ǁkhāsa ǃgomsiba da ga ra hōǃâ xawe. Nē ǁkhāǁkhāǃâs ge ǂâiǂhansendi, ǃgomsigu tsî tsûb tsîna da ra hōǃâ khami nî hui da î da ǂgomǃgâsiba Elob hîna nî hui dab ǃnâ ūhâ.

Gagasise da ra ǀgai khami da ge Jehovab ǂâi ǀgaub a ǀgapisa ra ǃgôaǃgâ tsoatsoa. Nē ǀgam ǁkhāǁkhāǃâra ge ra ǁguiǃā mati da tā nē ǃhūbaib tamas ka io Jehovaba ǃoaba tama hâ khoen di ǂâi ǀgaub xa nî ǀkharaǀkharahesa. Xawe da ge nî dītsâ Jehovab ǂâi ǀgaub ǀkha ǀguiǃnâxasa.