“Elob xa ǃgaeǀhaohe hâ-e”

Moseb ǂhanub ge ǃgame ǀgora ǂgao gere aoba xu ge ǂgaoǀkhā hâ i, îb ǂhanuba xu hâ ǀgoras ǂkhaniba aiǂhomi. Nēs ge ǃgâi tama ǃgame ǀgoras ǀkha gere hui. Jesub tsēdi ǃnâ gu ge ǂgomdi ǂgaeǂgui-aoga supuse khoena gere ǀgora kai. Aogu ge ǁîgu tarade mâ xū-i hoa-i ǃaroma gere ǀgora xu ǁnā tsēdi ǃnâ. (“ǀgoraǂkhani-e” study note Mrk. 10:4, nwtsty; “Taras âba xu ǀgora tsî ga ǀkharasa ǃgameb hoab ge ǁîs tawa ra ǃgamekhôa.” study notes Mrk. 10:11, nwtsty) Jesub ge ge mî, ǃgameb ge Jehovab xa ǂnûiǂgāhe hâ tsî ǁîb mā-amsa ūhâ. (Mrk. 10:2-12) Aob tsî taras tsîn ge nî “ǀgui ǁgan” kai ûi ra hâs kōse. Mateub ǂkhanis ǃoagu i ge ‘ǀaib’ ǃaroma ǀgui a ǀgorahe ǁkhā.​—Mat. 19:9.

Nētsēn ge ǂgui khoena ǃgameba Jesub khami mû tama hâ xawe Farisegu khami ra mû. ǃGomsin ga hā o, on ge Jehovaba ǃoaba tama hâ khoena ǃhaese ra ǀgora. Xawe Xristeǁîn hîna ǃgame hân ge ǃgomsina Elobmîs tsoatsoade sîsen-ūs ǃnâ-ū ra sîsenǂam. Tsî ǃgameba kaise ǀō-aisase ra mû. ǀNammi tsî ǃgôasib tsîn ge omaride ra ǀguiǃnâxa kai di hâ vidioba kō tsî sao ra dîde ǃeream re:

• 

  Mati du ǂKhoamîdi 15:1 sa sadu ǃgameb ǃnâ a sîsen-ū ǁkhā tsî tae-i ǃaromas nēsa a ǂhâǂhâsa?

• Mati du ǃgomsina xu a ǂgōsen ǁkhā ǂKhoamîdi 19:11 sa sîsen-ūs ǃnâ-ū?

• Sadu ǃgameb ga ǀgoras ai mâ o, o dîsen re, ‘ǀgora î ta nî?’ Tsî mâ dîna ta nî ǂâiǃgâ?

• Mati ta Mateub 7:12 sa sîsen-ūs ǃnâ-ū a ǃgâi ao tsî tara kai ǁkhā?