ǁGûdo, sadu ǀgôana ǃēsa mā re în ǃgâiǃō

Eloǃaoǃnâxa ǁgûn ge ra ǁkhore în ǁîn ǀgôana Jehovaba ǂgomǂgomsase ǃoaba. ǁGûn ge ǁîn ǀgôana ǂkhamsisa xu Elobmîsa a ǁkhāǁkhā ǁkhā. (Deu. 6:7; ǂKhm. 22:6) Nēsa aitsama ǁguibasensa ǂgaoǀkhā hâ? Ama as ge nē ǀkhaeb ge ǁguiǂgāsens ǃgâ-ai a ǃgâi.​—3Jhn. 4.

ǁGûn ge Joseb tsî Marias tsîra xu a ǁkhāǁkhāsen ǁkhā. ǁÎra ge “kurikorobe Jerusalems ǃoa gere ǃapa Pasxakaitsēs ǃoa.” Nēs ge ǁguiǂgāsens tsî mari-e sîsen-ūs tsîna ǃkhōǂgā hâ i xawe. (Luk. 2:41) ǁÎra ge ǁîra omaris gagasiba ǂgurose ge mâi hâ i. ǁNās ǁkhās khamin ge nētsē ǁgûna ǁîn ǀgôana ǁîn mîs tsî aiǁgaudi ǃnâ-ū nî ǁkhāǁkhā.​—Psa. 127:3-5.

HOAǁAEN GE ǃĒSA GE Ū DI HÂ VIDIOBA KŌ TSÎ SAO RA DÎDE ǃEREAM RE:

• Joni, Sharons tsî Schiller tsîna mati ǁîn ǀgôanan ra kaikai hîna Jehovab ǃoabasa gere aiǃgû kai?

• Tae-i ǃaroman ǁgûna ǁîn ǁnamasa nî ǀkharaǀkhara ǁîn ǀgôan ǂhâsib ǃoagu?

• Matin ǁgûna ǁîn ǀgôana a aiǂhomi ǁkhā ǁîn ǂgoms ga ra ǃâitsâhe o?

• Mâ sîsen-ū xūna du Jehovab di ǀapeǂhumis mā hâna ra sîsen-ū î du sadu ǀgôana gagasise ǀgaiǀgai?