Internets​—gāxaǃnâsiba xu ǂgōsen re

TAE-I ǃAROMA I A ǂHÂǂHÂSA: Internets ge ǃgâi tamas ka io a ǁgai ǁkhā. ǀNî Xristeǁîn ge internetsa sîsen-ū tama hâ. Xawe ǀnîn ge internets ǃnâ-ū ǁîn omaris ǁanin tsî ǀhōsan tsîn ǀkha ra ǃhoa. Xawe ǁGâuab ge ra ǂgao î da internetsa ǃgâi tama ǀgaub ǃnâ sîsen-ū. Nēs ge sida ǀonsa a ǁgaiǁgai ǁkhā tsî sida ǀhōsagusis Jehovab ǀkha da ūhâs tsîna a khôa ǁkhā. Jesub khami da ge sida tsîna Elobmîs tsoatsoade a sîsen-ū ǁkhā î da ǁkhōǁkhōsasiba mû tsî ǂgōsen.​—Luk. 4:4, 8, 12.

GĀXAǃNÂSIGU HÎNA DA NÎ ǂGŌSEN XU GU:

• Internetsa ǃnāsase sîsen-ūs. ǃNāsa ǁaeba internetsa sîsen-ūs ge sida ǁaeba nî ū gagasi xūna da ga dī hâba

  Elobmîs tsoatsoadi: Efe. 5:15, 16; Fil. 1:10

• ǃGâi tama xūna kōs. ǁGoe-ūgub turaga ra ǀgaiǀgai ai-īsiga kōs ge nî ǃaroma î da hoaǁae ǁgoe-ūgub vidioga kō ǂgao. Amaba ra mâǃoa khoen ǂkhanin tsî ǁîn xoa hâ xūn tsîna internets ai kōs ge sida ǂgomsa nî ǂkhabu kai

  Elobmîs tsoatsoadi: Mat. 5:28; Fil. 4:8

• ǃGâi tama xūna mîs tsî ǁgai ai-īsiga internets ai ǃnaos. ǂGaob ra gāxaǃnâ amagan ge khoena ǃgâi tama xūna internets ai ra mî tsî ǁgai ai-īsigu tsîna ra ǃnao. Xawe nēs ge khoe-i ǀonsa a ǁgaiǁgai ǁkhā tsî ǁî-i ǂgoms tsîna a ǂkhabu kai ǁkhā

  Elobmîs tsoatsoadi: Rom. 14:13; Efe. 4:29

INTERNETSA GĀ-AIBA RE DI HÂ VIDIOBA KŌ RE TSÎ ǁNĀPAXŪ KŌ MATITS SAO RA XŪNA XU A ǂGŌSEN ǁKHĀ ǀGAUSA: