Jesub tsîn ge sadu ǃgâsab ǃgao ge ǁō

Jesub ge ǁîb ûiba ǀoasa kurusa ūhâ tama hâ khoen ǃgao ge mā. (Rom. 5:8) Ama a ǃkhais ge kaise da ge ra ǃgôaǃgâ Jesub ge ǀnam da tsî ǁîb ûiba sida ǃgao a ǁguiba o. Xawe ǁaeba xu ǁaeb ǀkha da ge nî ǂâiǂâiǃnâsen Jesub ge sida ǃgâsab tsîna a ǁōbasa. Mati da Xristub ǀnamma a ǁgae ǁkhā tsî sida khami ǀoasa kurusa ūhâ tama hâ ǃgâsan tsîna ǀnamma nî ǁgau? ǃNona ǀgaugu xa ǂâi re. ǂGurose, da ge ǀkhara khaoǃhūga ūhâ ǃgâsan tsî hoaǁae da hâǀhao-ū tama ǃgâsan tsîn ǀkha nî hâ tsoatsoa. (Rom. 15:7; 2Kor. 6:12, 13) ǀGamǁîse, da ge nî ǂanbasen mî tsî da ra dī xūn sida ǃgâsana tsûtsû tidesa. (Rom. 14:13-15) ǃNonaǁîse, ǃgâsa-i ga sida ǃoagu ǁore o, o da ge ǁî-e ǃhaese nî ǀûba. (Luk. 17:3, 4; 23:34) Nē ǀgaugu ǃnâ da ga Jesuba ga ra ǁgae o, ob ge Jehovaba sida ǀhaohâba ǂkhîb tsî ǀguiǃnâxasib ǀkha nî ǀkhae.

KŌ RE VIDIOBA KAISE ÎXA RE DI HÂBA TSÎ SAO RA DÎDE ǃEREAM RE:

• 

  Mikisa mati ǁîs ǀhaohâb xa gere tsâ?

• 

  Tae-e ge ǃaroma îgu ǁîs tsâsiga ǀkhara?

• 

  Jesub aiǁgausa mati Mikisa ge hui îs ǀkharaǀkharasen? (Mrk. 14:38)

• 

  ǂKhoamîdi 19:11 sa mati a hui da ǁkhā î da sida ǃgâsana ǃgâi ǀgaub ǃnâ mû?