Sida aoǁnâ sîsen ǀgauba ǃgâiǃgâis​—ǃGâi sîǂkhanide xoas

TAE-I ǃAROMA I A ǂHÂǂHÂSA: 1 Korinteǁîn di ǂkhanis ge apostel Paulub ge ǁkhaeǂgaos ǃgao Xristeǁîn ǃoa a xoa 14 ǂkhanidi di ǀgui. Sîǂkhanis ge xoa-ao-e ra hui î-i ǁî-i di mîde ǃgâise ǁhûi. Tsî i ge ǃkhōǃoa-ao-i tsîna ǁaeba xu ǁaeb ǀkha ǁkhawa nē sîǂkhanisa a khomai ǁkhā. Sîǂkhanidi ǃnâ-ū da ge kaise ǂgui khoena a aoǁnâba ǁkhā aiǁgause sida ǀhōsan tsî omaris ǁanin. Nē ǀgaub ǃnâ-ūs tsîna da ge omdi ai da a ǀhao-ū ǁoa khoen tsîna a aoǁnâba ǁkhā. Aiǁgause, khoe-i ge ǀnîsi ǃgâiǃgâibasensa Elobmîs ǃnâ go ǁgau xawe mâsib ǃoagu oms ai hâ tama hâ. Tsî ǀnîn hîna sida aoǁnâ ǂharidi ǃnâ hân ge ǃnorasasib xa ǃaromahe hâse kaise ǀgapi ǃkhaib ǃnâ ra ǁan tamas ka io ǀguri hâ ǃārodi ǃnâ. Xawe tae-e da ǂâis ǃnâ nî ūhâ ǃhaokhoe-e ǃoa da ga xoa o?

MATI DA NĒSA NÎ DĪ:

• 

  Khoe-e du ga ǀhao ū tsî ǃhoa hâ ǀgaub ǃnâ xoa re. Sîǂkhanis di tsoatsoas ai mâi-aiǃâsen tsî xoas di ǃaromas tsîna ǁguiǃā re. Aiǁgause, khoe-e a ǂâi kai ǁkhā dîsa dî tsî ǁnās khaoǃgâ ǁî-e internets ǂhaweba ǃoa ǁnaeǁgau re. ǁÎ-e sida di Online Bible Study Lesson an xa mîba re tamas ka io ǁguiǃā re oms ai ra dīhe Elobmîs ǁkhāǁkhādi ra dīhe ǀgauba. Tsî du ge ǀnî danaǃâdi hîna ǂkhanidi ǃnâ hâ de a ǁgau ǁkhā. ǂHâba du ga o, o du ge ǂkhanin, kontak karkies, ǁkhauǂuidi tsî ǂhawerogu xas tsîna a mîba ǁkhā

• ǃOa ǃhoa re. Tā gaxu sîǂkhanisa xoa re, ǃnubu ǃgupuse xoa re.​—Sîǂkhanidi aiǁgaude kō re.

• ǂGui ǃnādi kōse khomai ǃgâ re. ǂÂis ǃnâ ūhâ re î-i ǃamku. Khoexaǃnâ tsî ǃgâi ǀgaub ǃnâs tsîna xoa re. ǂHâbasa stempde sîsen-ū re.