ǂKhamkhoedo​—‘ǃgâi sîsenga ôasaba’ re

Apostel Paulub ge Tituba a xoaba sîǂkhanis ǃnâb ge ǁîb tsî nau hâ ǂkhamkhoegu tsîna ge ǂkhâǃnâ îgu “ǃgâi sîsengu di aiǁgause ǁgausen.” (Tit. 2:6, 7) ǁNā danaǃâs ǂûs ǃnâb ge ega ge xoa Jehovab khoen nî ǃanuǃanuhesa în ‘ǃgâi sîsenga ǃoa ôasa.’ (Tit. 2:14) ǁNā ǃgâi sîsengu di ǀgui îge Elob Gaosib xa aoǁnâ tsî ǁkhāǁkhāsa. ǂKhamkhoets ga io, sa ǀgaiba sīsenu ǁkha its a huiǃnâra tamas ka io ǁnaetisa aimâba-ao-i ase ǃoabas ǃnâ?​—ǂKhm. 20:29.

Aimâba-ao-i asets ga ǃoaba ǂgao o, ǃamku ǀapeǁguiba ǂgaekhâi re nēs ǀkha nî hui tsi ba. (Luk. 14:28-30) Aiǁgause, matits mari-e nî hōǂgā aimâba-ao-i asets ra ǃoaba hîna? Matits ǂhâbasa irga nî sîsen ǂgā? Jehovab ai huiba ǂgan re. (Psa. 37:5) Sa ǀapeǁguib xa sa ǁgûra tsî ǀnai ge aimâba-aon ase gere sîsen khoen ǀkha ǁgam re. Sa mîǁguiba sīǃnâs ǀkha nî huitsi xūna dī tsoatsao re. Jehovab ge sa ôasasiba nî ǀkhae.

JEHOVABA ǃGÔASIBA RA MĀ ǂKHAMKHOEN DI HÂ VIDIOBA ǀHURU TSÎ SAO RA DÎDE ǃEREAM RE:

• Aimâba-aon asen nî sîsens aiǃân ge ǃgâsana ma ǃgomsina gere hōǃâ tsî matin ge nēna dansa hōba?

• ǁGûna mati ǁîn ǀgôana a hui ǁkhā în ǁnaetisa aimâba-aon ase ǃoaba tsoatsoa?

• Tae-i ǃaroma i a ǂhâǂhâsa ǀapeǁguiba aoǁnâ sîsenni ǃgao ūhâsa?

• ǀHoahâb ǁanina mati aimâba-aona ǂkhâǃnâ tsî a hui ǁkhā?

• Aimâba-aose ra sîsen ǃgâsana ma ǀkhaega ra hōǃâ?