“ǃHūbaib hoaragab ge ǀgui gowab ǀguiba . . . ge ūhâ i”

11:1-4, 6-9

Babeli aib ge Jehovaba ǁnâuǀnamoǃnâ khoen gowaga ge ǀkharaǀkhara. Nētsēb ge hoa ǃhaode xu ǂgui khoena ra ǀhaobe tsî “ǃanu” gowaba ra mā nî “hoatsaman nî ǃKhūb di ǀonsa ǂgaiǀîse, ǁîban nî ǀguiǃnâxasib ǀguib ǀkha ǃoabase.” (Sef. 3:9; J.ǂHa. 7:9) Nē “ǃanu” gowab ge Jehovab amab tsî ǁîb di ǂâibasens Elobmîs ǃnâ ra hō-es xa ra ǃhoa.

ǀAsa gowaba ǁkhāǁkhāsens ge ǀasa mîde ǃkhōmâis ǀguisa ǂâibasen tama hâ. Nēs ge nî ǂgaoǀkhā î da ǀasa ǂâi ǀgaub tsîna ǁkhāǁkhāsen. ǃAnu gowab amab tiba da ga ra ǁkhāǁkhāsen o, i ge sada ǂâi ǀgaub tsîna ra dawa. (Rom. 12:2) ǁNāsa da ga ra di o, o da ge Elob khoen ase a ǀguiǃnâxa.—1Kor. 1:10.